Nimlivolivon 13:2 - Seysyo No Tao

² No kararalay da ni Ama ta do to a ji mangakaday am maniring jira o Seyzi am, “Pamnekan nyo si Parnapo a kani Sawlo a mapeyvazay so vazay ko.”

Nimlivolivon 13:2 ပူးပေါင်းရင်းမြစ်များ

Matay 17:21

[To nyo peykakasa o onowned nyo a meynozi a ji mangakaday. Ta ori o ikavozwaw no akman so sang a kalamsoyan ni Satan.”]

Matay 6:16

“No ji kamo mangakaday a meynozi am ji nyo nginara sira o tanwasiwasi a tao, do kakma dey mapasingat a mapacita no kaji da nimangakadayan a meynozi. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Matay 9:38

Am ori o ipeynozi nyo ji Ama ta do to a kapanovoy na so tao a meylimwang no ciriciring na.”

Locya 10:1

Meyratateng am mamnek si Yeso so rarwa so ikakawaowan (72) a tao a katovoy na sira teyrararwa mangay do omanam na angayan a peycyeylilyan na.

Locya 2:37

O kakawakawan na rana am apat o ikasyam na ngarnan (84). Iya rana am tey makdeng a omraralay ni Ama ta do to. So ipangday na do maraw a kado mahep a ji na mangakaday a meynozi ji Ama ta do to. So ji na ngaroi do rako a panaralayan da.

Nimlivolivon 10:19

Naknakmen na pa ni Pite o peypeypangayan no nimacita na ori am maniring jya o Seyzi am, “Yamyan so yatatlo a ka tao a yakomala jimo.

Nimlivolivon 10:30

Maniring si Kenaylyo am, “Yakapat araw rana o hanga na no nipeynozi ko do vahay namen do ikatlo no toki do makoyab am to ngyan so asa ka tao a maniray so ayob a meytatanek do tangain ko.

Nimlivolivon 13:3

Mateyka sira meynozi a ji mangakaday am paoptahen da o lima da ji Parnapo a kani Sawlo a ipowyat da sira do vazay da katovoy da rana sira mangay do peycyeylilyan na.

Nimlivolivon 13:4

Nipahanhan na no Seyzi si Parnapo a kani Sawlo. Am ori o niosok da mangay do Silyoci a kavang da do avang a mangay do Saypolose a pongso.

Nimlivolivon 14:26

Komavos rana o vazay da do dang am somakay sira do avang a meysinaoli do Antia. Ta do dang nipamnekan na jira ni Ama ta do to a mahap so vazay na. So nikavos na rana no vazay da.

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Nimlivolivon 22:21

Maniring jyaken si Yeso am, ‘To ka nangay. Ko na to novoya imo a mangay do ili da no beken a tao do Yotay a meylimwang no ciriciring ko.’ ”

Nimlivolivon 4:36

Akman sang o vazay na no asa ka Diwey a tao do Saypolose a pongso a meyngaran so Yoseyvo. O ingaran da jya no nipamnekan na ni Yeso a omlivolivon no ciriciring na am si Parnapo. O peypeypangayan no ngaran na ori am “Mapayyait so nakenakem.”

Nimlivolivon 6:4

Am yamen rana am kasazap namen so kapeynozi a meylimwang no ciriciring na ni Ama ta do to.”

Nimlivolivon 8:29

Maniring o Seyzi ji Veydipo am, “Mangay ka macikasngen do aleleh ang.”

Nimlivolivon 9:15

Maniring jya si Yeso am, “Mangay ka, ta ko nipamnekan si Sawlo a mahap so vazay ko a meylimwang no ngaran ko do beken a tao do Yotay a kano aro a panipanirsirngen, pacyangayan nyo a Isedi a tao.

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

Loma 10:15

No abo nitovoy na a tao am makongo so wanjin a meylimwang o ciriciring na. Ta maniring do Seysyo am, “Yatey yapya o da kapakaranes a yameylimwang no Mapasaray a Ciriciring na ni Ama ta do to.”

1 Kedinto 12:11

Am o yamakakaday a oyowyat a kano teneteneng am asa o na yapwan. Iya rana am Seyzi a mangay tomoro no oyowyat na do aro a tao. Ori rana am nakenakem na no Seyzi o katoro na nya jyaten so oyowyat ta kano teneteneng ta.

1 Kedinto 7:5

Am ori o ji nyo mapasalai do kadwan jinyo an. No nakem no asa jinyo so kapeynozi na am manoyong o kapeytarek nyo so alikey. Am no komavos rana a meynozi am meytovong kamo na meyyaven do vahay. Ta littan na inyo ni Satan do kaji nyo makaparingan so nakem nyo.

2 Kedinto 11:27

Jingwan sang am masangib ko a ji makaitkeh do katey mazikna ko no kataotao. No makcin ko, mawaw ko, abo isanan ko, mahen ko am akman sira sang o ikarahet ko.

2 Kedinto 6:5

Nibakbakan da yamen. Nyaneban da yamen. Nigolo da o cicilwan namen no tao. Nimazikna namen. Nimapowaw namen ji makaitkeh. Nimakcin namen.

Cyalatay 1:15

No kaji ko pa nimatazakan a tao am nipamnekan na rana yaken a mahap so vazay na ni Ama ta do to, do karilaw na nyaken.

Ivoso 3:7

Na nitenngan yaken ni Ama ta do to a lamlamsoy na a meylimwang no Mapasaray a Ciriciring na. Am pangangarilawan ni Ama ta do to a kano oyowyat na o yasomidong jyaken a yamahap so vazay na.

Kelosi 4:17

Ipanci nyo ji Asipo, ta pakavosen na o nitoro na jya ni Ama ta do to a vazay.

1 Timotay 2:7

O nipamnekan na jyaken a omlivolivon no ciriciring na do beken a tao do Yotay am nanawen ko sira a kapakateneng da rana jya a meyhanhan no manoyong a nanao. So ko ji mangononongi so malas. Ta yamanoyong o ko ipanci.

2 Timotay 1:11

Na nipamnekan yaken ni Ama ta do to a amlivolivon a meylimwang no Mapasaray a Ciriciring na a ipangnanao so tao.

2 Timotay 2:2

Ahapen mo o nanao a nimamizing mo jyaken do tangain da no aro a tao a inanao mo so milamdam mo a makdeng so nakenakem a tao a kananao da so icyatatao da.

2 Timotay 4:11

So na ika si Locya no kararay ko. Am ori o mangay mo kalan si Make kapalolo mo sya yai do jya, ta mowyat a somidong jyaken do vazay ko.

2 Timotay 4:5

Am imo rana am meypepzat ka do meykamadadayan a vazay mo. Ji mo a mamman o alalaw mo a meylimwang no Mapasaray a Ciriciring. Ta ori o ikowyat mo a mahap so vazay mo ji Ama ta do to.

Sipolay 5:4

Abo o tao a mapasolib so kataotao na do panirsirngen no mapatanatanang so nakem da si Ama ta do to. Ta o nitenngan ni Ama ta do to o mangay do dang, akman so tao a meyngaran so Yalon.