Nimlivolivon 13:12 - Seysyo No Tao

¹² Macita na ni Secyo Pawlo o akman sang a vazay am anoyngan na rana si Yeso, do kapeyzokab na no oyowyat no ipangnanao da a omagaz ji Yeso.

Nimlivolivon 13:12 ပူးပေါင်းရင်းမြစ်များ

Matay 27:54

Macita na no panirsirngen no itaysang no Loma kano kararay na nimamzat ji Yeso o nimeykanini a kano makakaday a vazay am manyahey sira. Maniring sira am, “Yamanoyong ya Anak no Tao do to.”

Locya 4:22

Abo tao a ji ngyak no tey yapya ciring na. So pancyan da no, “Beken a oya asyo o anak ni Yoseyvo an?”

Locya 7:16

Ori o nisavasavakan da nya no aro a tao a kasaray da nya ji Ama ta do to. So peycirngan da so, “Oyod a myan jyaten so panoyonoywan na so ciring ni Ama ta do to.” Maniring sira pa am, “Yanimakaranes rana o yamapatazadang jyaten.”

Yowani 7:46

Maniring sira o mamzamzat am, “Ji namen pa nimakamizing so akman sito so ciriciring.”

Nimlivolivon 13:48

Mamizing da no beken a tao do Yotay am masaray sira. Ori o nyazwazwayan da so ciring na ni Ama ta do to. Sira rana aro a tao am nakenakem na ni Ama ta do to o kapamnek na jira a mahap so to meyyonong a ikavyay no pahad da, do kanoyong da rana ji Yeso.

Nimlivolivon 13:49

So nikamimin da rana do peycyeylilyan na makamizing so ciriciring na ni Ama ta do to.

Nimlivolivon 13:7

Kagagan na o mateneng a panirsirngen no Saypolose a meyngaran si Secyo Pawlo. Nipanci na si Parnapo a kani Sawlo a mai, ta kakzeben na o kamizing na so ciriciring na ni Ama ta do to.

Nimlivolivon 13:8

Am ji na nipya no mamnek a tao. (O ngaran na do Sila am si Idima.) Ta naknakmen na o kazazat na jya a omanoyong ji Yeso.

Nimlivolivon 15:35

Si Pawlo a kani Parnapo am amyan pa sira do Antia amnanao so tao a meylimwang ni Yeso. So nikaro no mina kararay da somidong sira do vazay da.

Nimlivolivon 15:36

Kadadayan na rana do araraw am ipanci na ni Pawlo ji Parnapo o kapeysinaoli da do aro a ili a nipeylimwangan da rana no ciriciring na ni Ama ta do to a tomita so akma dey kakteh do cinai.

Nimlivolivon 18:12

No kapeypanirsirngen da si Cyadien do Akayya a pongso am meylovolovot sira o tao do Yotay amwoya ni Pawlo. Karahan am lolwen da a yangay do pacicicyan.

Nimlivolivon 19:10

O akman rana sang a vazay am mina kadwa kawan. Tana tao do Yotay a tana tao do Sila am nimamimin sira o meyvahay do Yasiya a nimakamizing so ciring ni Yeso Kizisto.

Nimlivolivon 19:20

So nipeylimwang na rana do dang no ciriciring na ni Yeso. Ori nipeyparo da no omanoyong jya tao.

Nimlivolivon 19:38

Si myan so ikazyak da da Temolyo a kano macivazay jya a tao am pamnekan da o araraw no ipeysirsiring da do pacicicyan. Ta ori o amizngan da so ciring da no panirsirngen.

Nimlivolivon 19:7

Sira rana am rarwa sira so ikakarwan o tao.

Nimlivolivon 28:7

Amyan dang so tao a macisngen so nihakawan a meyngaran si Popaydi a panirsirngen da. Macita na yamen am yangay na yamen do vahay da a taotawwen so katlo araw.

Nimlivolivon 6:10

Am ji da tenngi a pasapan o ciring ni Setiven, ta nipanta na no Seyzi so teneteneng na.

Nimlivolivon 8:25

Mateyka si Pite a kani Yowani a mangnanao no ciriciring ni Ama ta do to am meyoli rana sira a mangay do Yelosaleng a kapeylimwang da no Mapasaray a Ciriciring na ni Ama ta do to do peycyeylilyan na do Samadiya a nipeyliktawan da ili.