Nimlivolivon 12:3 - Seysyo No Tao

³ Macita na sira o tao do Yotay a masaray no akman sang a vazay am mey na rakpen pa si Pite. No kanang am mamaring sira so kanen a koman so jya nimimway a pang.

Nimlivolivon 12:3 ပူးပေါင်းရင်းမြစ်များ

Matay 26:17

Omanam o kasaraw do ipamaring da so kanen a iyakan da so ji nimimway a pang am pacicin da si Yeso no macinanao jya. Maniring sira am, “Do wanjin mo tovoyan jyamen a tomalakanen so pamaringan ta so kanen do Iyeci.”

Yowani 12:43

Ikeykakza da pa o icyatatao da zomwazway sira. Ji dakzan o kazwazway na sira ni Ama ta do to.

Yowani 19:11

Maniring si Yeso am, “O na iyan no oyowyat mo am si Ama ta do to. Am o yanitomoro nyaken jimo a tao am to makasi, ta tey arako o raraten na.”

Yowani 21:18

To ko na macitangayan jimo am no kalavayo mo pa am to mo meyneynakman o angangayan mo. Am no rarakeh ka na am abo rana oyowyat mo a mapatozatozak do amvaod jimo a tomaosya so ji mo akzakzan a angayan.”

Nimlivolivon 12:4

Marakep na si Pite am pasdepen na do pamemtengan a kapahanhan na so meykalsong a tomita sya. Amyan so meykapat a lipenpenan a teypapapat a mapalipalit a tomita sya. Ta naknakmen na ni Helote o kapacici na sya wakwaken do tangain no aro a tao, no mateyka rana sira mamaring so kanen do Iyeci.

Nimlivolivon 2:14

No kanang na rana am meytatanek si Pite a kano asa so ikakarwan a kararay na. So nilolos na manci nya do aro a tao so, “Inyo rana manga zipos a tao do Yotay a kano yameyvahay do Yelosaleng eya tao am amizngen nyo o ciring ko an.

Nimlivolivon 20:6

Mahatas rana o nipamaring da so kanen do yakan da so ji nimimway a pang am nimapo namen do Veydipi. Kalima araw namen a niomavang do avang am makaranes namen do Teloya. So nipakacita namen rana so kararay namen a nimanmanma a nimangay. Karahan am misan namen do dang so kapito araw.

Nimlivolivon 24:27

Marateng o kadwa kawan am palitan na si Veydise no meyngaran so Pocyo Veyseto a meypanirsirngen. Am ikongo do kakzeben na ni Veydise no kaglaw da nya no tao do Yotay, am ori o ji na nimapasawai si Pawlo do pamemtengan.

Nimlivolivon 25:9

Am kakdain na ni Veyseto o karilaw da nya no tao do Yotay. Maniring ji Pawlo am, “Manngwa, apyahen mo o kangay mo do Yelosaleng a pacicin ko dang an?”

Nimlivolivon 4:13

Macita da no panipanirsirngen do peykeykaygyan si Pite a kani Yowani a mowyat so onowned am manakem da rana sira todna ka tao a jya nimeyvatvatek. Am ori o nipeyzokaban da nira. Meyratateng am katovilan da rana sira nimacilocilolo ji Yeso.

Cyalatay 1:10

Manngwa, ko kakzeben o kazwazway da jyaken no tao a kapanci ko no akman sang? Jyabo kakman na sang a. O ko ikakza am azwain na yaken ni Ama ta do to. Manngwa, ko ikakza o kazwazway da jyaken no tao? No ikakza ko o tao a omazway jyaken am beken a lamlamsoy na yaken ni Kizisto.

1 Tesalonicya 2:4

Ta o yana nipamnekan jyamen ni Ama ta do to am na meypakemkemen jyamen o kapeylimwang namen no Mapasaray a Ciriciring na. Am ori o ji namen mapatareki so ipanci namen a komagkaglaw so icyatatao namen. Ta o makateneng do onowned no tao a Tao do to am iya ori o namen pasarain no vazay namen.