Nimlivolivon 12:17 - Seysyo No Tao

¹⁷ Kasdep na ni Pite am patalahen na o lima na. Maniring jira am, “Ji kamo meyzezyak, ta ononongan ko na o panpandan no na nipasawayan jyaken ni Ama ta do to do pamemtengan.” Maniring pa jira am, “Ipanci nyo pa ji Yake a kano akma nyoy kakteh do cinai.” Teyka na ononongan ni Pite o cinasasaodan na am mangay rana do asa ka ili.

Nimlivolivon 12:17 ပူးပေါင်းရင်းမြစ်များ

Matay 10:23

No peyrarehten da inyo do asa ka ili am to kamo na nayo a mangay do asa ka ili. To ko na macitangayan jinyo am ji nyo pa nilivon o ili do Isedi a peylimwangan no ciriciring ko am meyhekas ko rana a Nipamnekan na ni Ama ta do to a tao.

Make 6:3

Beken a ori o meykeykawaz a tao asyo? Beken a iya o anak ni Madiya asyo? Beken a kaka na ni Yake a kani Yoseyvo a kani Yota kani Simong ori asyo? Da kapeyvahay do jya no wari na mavakes eya am.” Makarahan am ikaoya da na si Yeso.

Locya 1:22

Makowbot am ji rana makabnebnek. Ori o ipakateneng da jya nimakacita so niyak na no mata do rako a panaralayan. So nika lima na no nipacisirsiring na do tao.

Yowani 10:40

Karahan am mangay si Yeso do katovangan no meyngaran so Yotan a ayo do nipanaktakan ni Yowani a miseysan.

Yowani 11:54

Am ori o ji na rana mangilili ni Yeso do Yotay. So nimangay ni Yeso a kano macinanao jya do asa ka ili a meyngaran so Ivalyan a masngen do kabwan no nihakawan no tao a miseysan dang.

Yowani 13:24

Maniring si Simong Pite jya am, “Panahsan pala. Sino na ipanci ang.”

Yowani 7:1

Makarahan am nilivolivon ni Yeso o peycyeylilyan na do Cyadidi. So ji na rana kei no kangay na do Yotay, ta naknakmen da no tao do Yotay si Yeso a zakaten.

Yowani 8:59

Mangap sira so veysen a igseh da ji Yeso am kanitomayo na makowbot do rako a panaralayan.

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 12:16

So nikownay ni Pite do pantaw. Iwangan da am manoyong a si Pite. Am ori o nipeyzokaban da nya.

Nimlivolivon 12:18

Pezak rana am ikazyak da no aro a meykalsong, ta ji da tenngi o nyangayan ni Pite.

Nimlivolivon 13:16

Ori nipeytatanek ni Pawlo a mapatala so lima na. Maniring am, “Inyo rana Isedi a tao a ka ninyo a yamraralay ni Ama ta do to am amizngen nyo an.

Nimlivolivon 15:13

Mateyka sira a mangononong am meyzezyak si Yake. Maniring am, “Manga kakteh, amizngen nyo an.

Nimlivolivon 16:40

Makowbot rana si Pawlo a kani Sila do pamemtengan am mangay sira do vahay ni Ditiya. So nipakacita da dang so akma dey kakteh do cinai kapait da sira so nakenakem da ji Yeso a kangay da rana.

Nimlivolivon 19:33

O tao do Yotay am padondonen da si Yadisanta a mangay do tangain da. Maniring sira aro a tao am, “Iya ya o yamapeyvazay sya.” Am ori o nipatalan na so lima na ni Yadisanta a manci no ciring na do aro a tao.

Nimlivolivon 21:18

Ikadwa na araw am macihza namen ji Pawlo a mangay tomita si Yake. O panipanirsirngen rana do kyokay am amyan sira dang.

Nimlivolivon 21:40

So nipyan na sya no panirsirngen no itaysang. Meyratateng am meytatanek si Pawlo do zazakdangan a mapatala so lima na do aro a tao. Am ori o ji da nimeykazyazyaki no aro a tao. Karahan am sirsirngen na sira ni Pawlo no ciring da no Sipolay. Maniring si Pawlo am,

Nimlivolivon 28:15

Mamizing da yamen no amyan do Loma akma nameney kakteh do cinai am mangay da tazapyahen yamen do rako a panazangan a ngaranan da a Yapio. O karwan da am nimangay sira do ngaranan da so Meykatlo a iseysanan a ili a tomazapya jyamen. Macita na sira ni Pawlo am isaray na ji Ama ta do to. Ta nikaitan o onowned na.

1 Kedinto 15:7

Meyratateng am mapacita pa ji Yake a kangay na pa mapacita do nipamnekan na amlivolivon no ciriciring na tao.

Cyalatay 1:19

So ji ko nimakacitai so karwan da nipamnekan na ni Yeso Kizisto a amlivolivon no ciriciring na. O wari na ni Yeso a Panirsirngen ta a meyngaran so Yake o nimacita ko. So ji ko nimakacitai so karwan da a nipamnekan na ni Yeso Kizisto a amlivolivon no ciriciring na.

Cyalatay 2:12

Ta no keyyan na rana ni Pite do Antia am nimacyakan do beken a tao do Yotay a sinjya. Am makaranes rana sira o nitovoy ni Yake a tao do Yotay am ji na ranadkeci ni Pite o kapacyakan na do beken a tao do Yotay. Ta ihawa na sira o tao do Yotay a mazyak nya. Ta sira rana am pangozayan da pa o iwawalam ni Moyse a amyongkad do kataotao da.

Cyalatay 2:9

Am katenngan da no panipanirsirngen do kyokay a si Yake a kani Pite a kani Yowani o ka yaken na no nipanta na ni Ama ta do to so oyowyat a meylimwang no Mapasaray a Ciriciring na do beken a tao do Yotay am isaray da yaken a kani Parnapo. Am ori o mina to da macipanadngi jyamen a meylimwang no Mapasaray a Ciriciring na ni Ama ta do to do beken a tao do Yotay. Am sira am to sira tarek a mapamizing so tao do Yotay.

Yake 1:1

Yaken rana am si Yake ko a lamlamsoy na ni Ama ta do to a kani Yeso Kizisto a Panirsirngen ta. Yako ipeyminaminasi o yamavonong do peycyavanovanwan na a yamraralay ni Ama ta do to a tao.