Nimlivolivon 11:26 - Seysyo No Tao

²⁶ Makala na rana am palolwen na mangay do Antia. So nipakasa kawan da macikaop do aro a sinjya amnanao sira. Nimacipinda no kano nang o kangaran da rana jira a “omraralay ni Kizisto” do Antia.

Nimlivolivon 11:26 ပူးပေါင်းရင်းမြစ်များ

Matay 28:19

Am ori o yangay nyo do peycyamahamahatawan na a mapanop so tao a omanoyong jyaken, a kahap nyo so ngaran ni Ama ta do to a kano Anak na kano Seyzi a tomaktak jira,

Yowani 2:2

Si Yeso rana kano macinanao jya am nipanoyon da sira no matarek so vahay a tao. Am ori o nyangay da.

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 11:20

Am o tatasa ka tao do Saypolose a pongso a kado Cidinay am nimangay sira do Antia a meylimwang no ciriciring ni Yeso do beken a Yotay.

Nimlivolivon 11:22

Mamizing da no omraralay ni Yeso do Yelosaleng o akman sang a vazay am tovoin da si Parnapo a mangay do Antia.

Nimlivolivon 11:27

No kanang rana am amyan so manoyonoyo so ciring ni Ama ta do to a apo do Yelosaleng a mangay do Antia.

Nimlivolivon 11:29

Am ori o nikamimin da no amraralay ni Yeso a tao a mapeysinsinmo so nizpi a itoro da do akma dey kakteh do cinai a meyvahay do Yotay. To da palololwa do karwaro no nizpi da o panaoben da.

Nimlivolivon 14:20

Limoten da no amraralay ni Yeso a tao am to meytatanek a meyvangon a kangay na rana do ili da. Ikadwa na araw am mangay rana sira kani Parnapo do Tepey.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 14:23

Meyratateng am mamnek sira so panipanirsirngen da do peycyakyokyokayan na a madaday do teyhesa ka ili. Ji sira mangakaday a meynozi nira ji Ama ta do to.

Nimlivolivon 14:27

Makaranes rana sira do Antia am lovoten da sira o sinjya a kapanci da nya jira so nisidongan na sira ni Ama ta do to do vazay da. Ta o ipeylimwang da do tao a ciriciring na ni Ama ta do to am nyanoyngan da no beken a tao do Yotay.

Nimlivolivon 14:28

So nikownay da dang da Pawlo a kani Parnapo a macikaop do akma dey kakteh do cinai do Antia.

Nimlivolivon 18:27

Meyratateng am naknakmen na ni Apolo o kangay na do Akayya. Ori o nisidongan da sya no akma ney kakteh do cinai do Ivoso a meyteygami nira no omanoyong ji Yeso do Akayya tomaotao sya no mangay jira. Makaranes rana dang si Apolo am arako o nisidongan na sira so nimakahap rana so pangangarilawan na ni Ama ta do to a tao.

Nimlivolivon 19:9

Am tatasa jira o ji mapownot so nakem da amraherahet so nipangnanao ni Pawlo a omagaz ji Yeso Kizisto. Am ori o nipalolwan na so sinjya ni Pawlo a komaro jira. So nipangday da so araw a meysirisiring do pangananawan na vahay no meyngaran so Tilano a tao.

Nimlivolivon 20:1

Meyrehes rana o nipeyvonag da am lovoten na sira ni Pawlo o amraralay ni Yeso, kapait na sira kataitaid na rana sira. So nikarwan na rana dang a mangay do Maciton.

Nimlivolivon 20:30

Ta no makwa am amyan do tangain nyo so mangononong so malas amlita do amraralay ni Yeso Kizisto a tao. No amyan so akman sang a tao am ji nyo ngonoci.

Nimlivolivon 21:4

Nimakacita namen dang so sinjya. Ori o nisan namen dang so kapito araw. Mangay rana si Pawlo am pakeken da si Pawlo a jyangay do Yelosaleng, ta amyan dang so nipanci na no Seyzi a ikanginanawa na ni Pawlo.

Nimlivolivon 26:28

Maniring si Aglipa ji Pawlo am, “Mo panopen yaken a yaomanoyong ji Kizisto?”

Nimlivolivon 6:1

No kanang rana am meyparo sira omraralay ni Yeso. Am amyan so tao do Yotay a mapeyciring so ciring da no Sila a meyoyaoya. Ta ikarahet da sira o tao do Yotay a mapeyciring so ciring da no Sipolay. Ta ano meyvonong sira so isidong da sira am ji da pa vononga sira o vao a mavakes a meyzezyak so ciring da no tao do Sila.

Nimlivolivon 6:5

Mamizing da no aro a sinjya am mamimin sira amya sya. Am ori o nipamnekan da ji Setiven, ta meysominogat o nakenakem na ji Ama ta do to a oyatan no Seyzi, a kapamnek da pa ji Veydipo a kani Polokelo a kani Nike a kani Timen a kani Pamona kani Nikela. Si Nikela rana am beken a tao do Yotay, ta tao do Antia a mahap rana so iwawalam da no tao do Yotay.

Nimlivolivon 9:19

So nipangakaday na rana a kowyat na rana no kataotao na. Kadadayan na so araraw am amyan pa si Sawlo do Tamaseke a macihza jira do omraralay ni Yeso,

Nimlivolivon 9:38

Manovoy sira so rarwa ka tao a mangay ji Pite, ta mamizing da si Pite amyan do Dita. Maniring sira am, “Makeykai ka mangay do ili namen.”

1 Kedinto 11:18

Ney manma na am yamyan so tao a yamanci nya jyaken so nyo ikavwavwak a yameykalyalipenpenan so nakenakem no kamo malwalovot a meynozi. Ko anoyngan no kanoyong no yatatasa dang a ciring.

1 Kedinto 12:12

Yasa o kataotao ta am yameykataretarek o peyvongvongwan ta. Tamo akman sang an. Tana ta aro a yamraralay ni Ama ta do to am tamo yakmey asaha a kataotao na ni Kizisto.

1 Kedinto 14:23

No malwalovot kamo do kyokay a meynozi a kamimin nyo meyzezyak so matarek a ciring am no somdep sira o ji manaralay a tao am jyabo kaji da mancyan ninyo a zomyak a.

1 Kedinto 4:17

So tovoyan ko si Timotay a mangay jinyo do dang. Ta iya rana do ta raralayan ni Yeso am ney mowyat ori akma koy anak. So pazimanan na sya jinyo so ahahapan ko sya, do ko kararalay ni Yeso Kizisto. Ori rana am nipangnanao ko rana ori do peycyakyokyokayan na.

Ivoso 3:15

Sira rana o yamyan do teyngato a kano yapa amyan do teyrahem am mamimin sira akma ney anak ni Ama ta do to.

Yake 2:7

Sira rana o katenngan a tao a aro so nizpi am da rehrehten o mazway a ngaran ni Yeso Kizisto a nyo pacingaranan.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.

1 Pite 4:16

Am no amyan so alalaw nyo do kapanaralay nyo am ji nyo macimasnekan. Isaray nyo ji Ama ta do to o yanyo kapacikazway do ngaran ni Kizisto.

1 Yowani 2:27

Am inyo am na rana nitoro jinyo ni Yeso Kizisto o Seyzi. No si myan jinyo o Seyzi am ji nyo na ngakdaya o nanao da no tao. Ta nanawen na inyo no Seyzi a ipakateneng nyo do makakaday a vazay. O inanao na jinyo no Seyzi am abo do dang malas. Onotan nyo o nanao no Seyzi. Ta ori o ikanoyong nyo a macikaop ji Kizisto.

Ipaziman 3:18

Am ori o ko pancyan ninyo a manazang jyaken so ovay a keynakem nyo na, a kapanazang nyo so malavang a ayob nyo a payoben nyo do kataotao nyo kaji nyo a nasnekan, a kapanazang nyo so kosozi a ilinas nyo do mata nyo a kapakacita nyo na.