Nimlivolivon 11:24 - Seysyo No Tao

²⁴ Si Parnapo rana am tey yapya o nakenakem na, ta nioyatan no Seyzi. Am ori o ikakdeng na meyhanhan ni Ama ta do to. Ori nipeyparo da no tao a omanoyong ji Yeso.

Nimlivolivon 11:24 ပူးပေါင်းရင်းမြစ်များ

Matay 12:35

O apya so nakenakem a tao am apya o icicirawat na. O marahet so nakenakem a tao am marahet o icicirawat na. Ta to macilocilolo do kapyan no onowned nyo a karahet no onowned nyo o powboten nyo a ciring.

Matay 19:17

Maniring si Yeso am, “Ikongo mo panahsan nya jyaken so apya vazay. Yasa saon o yapya so vazay am. Am no si kakzeben mo o kapakahap mo so to meyyonong a ikavyay no pahad mo am ahapen mo o iwawalam ni Ama ta do to.”

Locya 23:50

Amyan so asa ka tao a meyngaran si Yoseyvo a tao do Yotay a meyvahay do ili a meyngaran so Adimatay. Iya rana ori am tey yapya o iyangay na no nang so icyatatao na a mapapanala so katalamozong na nyaten ni Ama ta do to. Tana mina saod na so keyyan na do asa ka panirsirngen am ji na nipya no nang o mina vazay da si Yeso.

Yowani 7:12

Tatasa o meyyahhahes do aro a tao a mazyak ni Yeso. Amyan so manci nya apya. Amyan so manci nya yamanlita so tao.

Nimlivolivon 11:21

Amyan jira o oyowyat ni Ama ta do to. Am ori o nipeyparo da no tao a omraralay ni Yeso.

Nimlivolivon 2:4

Am ori o nioyatan na jira no Seyzi a kapanci da no meycyataretarek a ciriciring do kowyat na jira no Seyzi.

Nimlivolivon 2:47

kazwazway da si Ama ta do to. So ikaro no tao a manci no kapiya no icicirawat da. Am ori o nipangday da do araraw a meyparo no tao a omanoyong ji Yeso.

Nimlivolivon 24:16

Am ori o ko ikakdekdeng a mahap so yapiya vazay do tangain ni Ama ta do to a kado tangain no tao.

Nimlivolivon 5:14

Am nimeyparo sira omanoyong ji Yeso a mavakes a kano mahakay a macirapa jira.

Nimlivolivon 6:3

Am ori o ipamnek nyo so papito a ka tao a katenngan no tao apiya so icicirawat a kano mateneng a oyatan no Seyzi, ta sira rana o to namen rana pahanhana a omvonong sya.

Nimlivolivon 6:5

Mamizing da no aro a sinjya am mamimin sira amya sya. Am ori o nipamnekan da ji Setiven, ta meysominogat o nakenakem na ji Ama ta do to a oyatan no Seyzi, a kapamnek da pa ji Veydipo a kani Polokelo a kani Nike a kani Timen a kani Pamona kani Nikela. Si Nikela rana am beken a tao do Yotay, ta tao do Antia a mahap rana so iwawalam da no tao do Yotay.

Nimlivolivon 6:8

Si Setiven rana am aro mapeyzokab a vazay na do tangain da no tao, ta sidongen na ni Ama ta do to a kowyat na jya no Seyzi.

Nimlivolivon 9:31

No kanang rana am abo rana o ikalaw da no omraralay ni Yeso a tao do Yotay a kado Cyadidi a kado Samadiya. So nikakdeng da rana so nakem ji Yeso. Ta arako o nisidongan na sira no Seyzi. Am ori o nikaro no tao a omanoyong ji Yeso. So nikapiya no icicirawat da rana omahap so vazay na ni Ama ta do to.

Loma 15:15

Am o teygami rana ya am ji ko na nayotaywa o ciring ko a inanao ko jinyo do yamakakaday a nyo pa jyataptap a vazay. Ta na nipamnekan yaken ni Ama ta do to a lamlamsoy na ni Yeso Kizisto a yameyvazay do beken a tao do Yotay. So yako ikakmey mapatanatanang so kingking a tao a yameylimwang no Mapasaray a Ciriciring na ni Ama ta do to. Inaoy no si akmey kingking sira o beken a tao do Yotay a isaray na ni Ama ta do to, ta niblis na rana no Seyzi o onowned da. So ikanoyong da rana abo so raraten do tangain na ni Ama ta do to.

Loma 5:7

Yabo o tao a mawakwak no icyatatao na. Am ala yamyan so mawakwak no apiya so ahahapan sya tao.