Nimlivolivon 11:18 - Seysyo No Tao

¹⁸ Mamizing da o ciring na jira am ji da rana namwada, ta isaray da si Ama ta do to. Maniring sira am, “Yamanoyong si Ama ta do to a yamarilaw no beken a tao do Yotay a nimamlis rana a na torwan no to meyyonong a ikavyay no pahad da.”

Nimlivolivon 11:18 ပူးပေါင်းရင်းမြစ်များ

Matay 9:8

Macita da no tao am nisavasavak da a kazwazway da si Ama ta do to, ta nipakemkem na do tao o oyowyat na.

Nimlivolivon 11:1

O nipamnekan ni Yeso a omlivolivon no ciriciring na kano aro a sinjya do Yotay am mamizing da o beken a tao do Yotay a omanoyong rana do ciriciring na ni Ama ta do to.

Nimlivolivon 14:27

Makaranes rana sira do Antia am lovoten da sira o sinjya a kapanci da nya jira so nisidongan na sira ni Ama ta do to do vazay da. Ta o ipeylimwang da do tao a ciriciring na ni Ama ta do to am nyanoyngan da no beken a tao do Yotay.

Nimlivolivon 15:3

Meyratateng am tovoin da rana sira no akma dey kakteh do cinai a mangay. So nyangay da tomazogaw no sinjya do Vongnise a kado Samadiya. Maniring sira jira am, “Yaro rana o beken a tao do Yotay a yarana omanoyong ji Yeso.” Mamizing da ori am masaray sira.

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Nimlivolivon 21:20

Mamizing da no akma nameney kakteh do cinai am isaray da ji Ama ta do to. Am maniring sira ji Pawlo am, “Mo kakteh, do namen naknakman sya am ala sira rana amlaksa o tao a omanoyong ji Yeso Kizisto a tao do Yotay. Sira rana ori am makdeng sira mahap so iwawalam na ni Moyse.

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Nimlivolivon 3:26

Am ori o panmanman na jyaten a tao do Yotay a tovoyan na si Yeso a somidong jyaten a ikaro ta do marahet a icicirawat ta.”

Nimlivolivon 5:31

So na rana iyan do wanan na ni Ama ta do to a Panirsirngen ta a yamapatazadang jyaten do teyngato. Na kakzeben yaten a Isedi a tao a mamlis so nakenakem, ta ori o ivonas na so raraten ta.

Loma 9:30

O makdeng do jya am sira rana beken a tao do Yotay a yaji meyhanhan no apya icicirawat da am yana sira nivonas so raraten. Na abneken rana sira apya do tangain na do yada kapeyhanhan nya.

2 Kedinto 3:18

Yatamo todamimin a yajyabengbengi so moing. Ta o tao rana a omonot do Panirsirngen ta Seyzi am amyan rana jira o azwazway na ni Ama ta do to a omyavayo sira. Am ori o icyakman da sya so icicirawat a tey mazway.

2 Kedinto 7:10

Ta o omlavi a mamlis do peyraratenan da am niblis na ni Ama ta do to so onowned da a ipeypapya da. Am o monganay do karawan a ilavi no onowned da no ji makanakem si Ama ta do to am ipeykaraherahet da.

Cyalatay 1:24

Am ori o yada rana sarayan ya ni Ama ta do to, do yako kapamlis rana a meylimwang no ciriciring na ni Yeso Kizisto.