Nimlivolivon 1:16 - Seysyo No Tao

¹⁶ “Manga kakteh, nimangononong o nivatvatkan ni Tawey a nipaziman na jya no Seyzi no kakwa pa a omagaz ji Yota a nimapalolo so tao a amrakep si Yeso.

Nimlivolivon 1:16 ပူးပေါင်းရင်းမြစ်များ

Matay 26:14

Amyan do rarwa so ikakarwan a macinanao ji Yeso so asa ka tao a meyngaran so Yota a tao do Isecyadi. Iya rana am nimangay do panipanirsirngen da no mapatanatanang so nakem da si Ama ta do to.

Matay 26:47

Ji pa vitos o ciring na ni Yeso am mai rana si Yota a ikararwa da so ikakarwan no macinanao jya a kapacilolo da no aro a tao a meyhavit so takzes a kano sisipzot da kayo. Sira ori am nitovoy da no panipanirsirngen da no mapatanatanang so nakem da si Ama ta do to a kano kamanrarakehan da no tao do Yotay.

Matay 26:54

Am ji kongmana so sang o nakem ko. Ta makongo so wanjin a yatodey mangononong do ciring a yadomket do Seysyo, do keyyan no makdeng a vazay a mangay jyaken.”

Matay 26:56

Am o na todey mangononongi no aro a vazay eya am manoyong o ciring da no panoyonoywan na so ciring ni Ama ta do to do Seysyo a yatodey mangononong.” Karahan am peykarokarwan da rana si Yeso no macinanao jya a meyvwak.

Make 12:36

Oyatan no Seyzi si Tawey am maniring am, ‘Yamaniring si Ama ta do to do Panirsirngen ko am: Amlisna ka do wanan ko mangay si balinasen ko sira o macioya jimo a tao.’

Make 14:43

Ji pa vitos o ciring ni Yeso am mai rana si Yota a pacihzan da no meyhavit so takzes a kano sisipzot a tao. Sira ori am nitovoy da no panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a kano kamanrarakehan.

Locya 22:47

Ji pa nikomavos o ciring ni Yeso am mangay sira o aro a tao a palolwen na no asa ka macinanao jya a meyngaran so Yota. Iya rana am to manmanma a mangay omrapong si Yeso.

Yowani 10:35

Tamo katenngan o kato na meyyonongan a jyablis no Ciriciring na ni Ama ta do to do Seysyo. Ipanci ni Ama ta do to o kakma dey tao do to no mahap so ciriciring na no kakwa pa.

Yowani 13:18

“Beken a ko to zagoma inyo a yapeyciringan sya, ta ko katenngan sira o yako nitenngan a tao. Am manoyong o ciring do Seysyo an. Ta maniring am, ‘O yamacihanghang jyaken a asa ka tao am yamanazang nyaken.’ So ipangononong no ciring ang.

Yowani 17:12

No kapacikaop ko pa jira am nipzatan ko sira no oyowyat mo a nitoro mo jyaken. So ikabo no asa ka tao jira nimavozaw, do kapzat ko jira. Am o manazang nyaken a tao am nidomket rana do Seysyo o kapeyparaherahet na.

Yowani 19:36

O peypeypangayan no nang am mangay mangononong o ciring do Seysyo. Ta maniring am, “Abo asa ka totowang na mavaci.”

Nimlivolivon 1:20

Maniring pa si Pite am, “O nivatvatkan rana ni Tawey do Anwanood a omagaz ji Yota am oya o nipanci na, ‘Inaoy no si abo o tao a meyvahay do dang.’ Maniring pa am, ‘Inaoy no si macipalit o tao a omahap so vazay na.’ ”

Nimlivolivon 13:15

Mateyka na vilangan no asa ka tao o nivatvatkan ni Moyse a kano nivatvatkan no panoyonoywan na so ciring ni Ama ta do to am manovoy o panipanirsirngen no peyneynozyan so tao a mapacici sira. Maniring am, “Inyo rana yararwa am si myan so ipait nyo jyamen am ipanci nyo an.”

Nimlivolivon 13:38

Manga kakteh, naknakmen nyo an. No si ji nyo meyhanhanan si Yeso am jyavonas o raraten nyo. O iwawalam na ni Moyse am ji na agag inyo do peyraratenan nyo an. Am yaomanoyong ji Yeso a tao am oyatan na sira a komaro do peyraratenan da.

Nimlivolivon 15:13

Mateyka sira a mangononong am meyzezyak si Yake. Maniring am, “Manga kakteh, amizngen nyo an.

Nimlivolivon 15:7

So nikownay da nimeysirisiring. Meyratateng am meytatanek si Pite. Maniring jira am, “Manga kakteh, nyo katenngan yaken a na nipamnekan ni Ama ta do to a mangay a mapamizing so beken a tao do Yotay no Mapasaray a Ciriciring.

Nimlivolivon 2:23

O nakenakem na ni Ama ta do to no kakwa am hapen nyo si Yeso a itoro do marahet so nakenakem a tao a kapadket da sya do jyojika a wakwaken.

Nimlivolivon 2:37

Mamizing da no aro a tao am marahet o onowned da. Am ori o nipacicyan da si Pite a kano kararay na a nipamnekan ni Yeso a omlivolivon no ciriciring na. Maniring sira am, “Manga kakteh, makongo namen so wanjin eya.”

Nimlivolivon 22:1

“Manga maran, manga kakteh, amizngen nyo o ko ipanci jinyo, manga keypong an.”

Nimlivolivon 23:1

Singkadan na sira ni Pawlo o macipeykaygi a tao. Maniring jira am, “Manga kakteh, o iwawalam ko no kalyalikey ko am abo pasagpyanan ko so nakenakem ko do tangain ni Ama ta do to a yato ngai sicyaraw eya an.”

Nimlivolivon 23:6

To na rana tenngi ni Pawlo o kapeypinpin da no tao a macyagom do Satokay a kano macyagom do Vadisay. Am ori o nilolos na do peykeykaygyan da. Maniring am, “Manga kakteh, yaken rana am ko macyagom do Vadisay. O ineynapo ko am macyagom do Vadisay. O nyo pacicyan jyaken sicyaraw eya am ko kanoyong do keypirwa mavyay no nimawakwak a tao an.”

Nimlivolivon 28:17

Ikatlo na araw am lovoten na sira ni Pawlo o panipanirsirngen da no tao do Yotay. Maniring jira si Pawlo am, “Manga kahakay, yaken rana am tana ko jya niraherahet o keylyan ta a yajya nimapasobna do iwawalam no ineynapo ta am da todey amtenga yaken do Yelosaleng a da kangay nyaken do panirsirngen no Loma a pacicin.

Nimlivolivon 28:25

So ipeytaretarek no nakenakem da. Am ori o to da na meysyasyai. No kaji da pa meysyasyayan am maniring si Pawlo jira am, “Manoyong o nipanci no Seyzi do ineynapo ta a nivatvatkan ni Isayya a panoyonoywan na so ciring ni Ama ta do to.

Nimlivolivon 7:2

Pasapan na ni Setiven am, “Manga maran, manga kakteh, amizngen nyo yaken an. No kakwa pa am nimapacita o mazway a si Ama ta do to ji Apolahan no keyyan na pa do Meysopotamiya a meypanam pa a meyvahay do Alan a ili.

1 Pite 1:11

O Seyzi na ni Kizisto amyan jira am ori o nipaziman jira so keyyan no alalaw ni Kizisto a kapakaranes na rana no kazwayan na. Am ori o nipakanakman da no panoyonoywan na so ciring ni Ama ta do to so kapakateneng da do araraw na kano agcigcinan na no vazay ang.

2 Pite 1:21

Ta o ciring no panoyonoywan na so ciring ni Ama ta do to a tao am beken a monganay jira. Ta o oyowyat no Seyzi o nisomidong sira. So ikanoyong no ciring da apo ji Ama ta do to.

2 Pite 2:21

O to ngaro do apyahen na vazay ni Ama ta do to amraralay nya am apyapya rana kaji na nimakamizngan so Ciriciring na ni Ama ta do to.