Nimlivolivon 1:13 - Seysyo No Tao

¹³ Makaranes sira do Yelosaleng am somdep rana sira do kavava no vahay a peyvahayan da. Sira rana am si Pite a kani Yowani a kani Yake a kani Antele a kani Veydipo a kani Tomase a kani Patolomaw a kani Matay a kano anak na ni Alevey a si Yake a kano ipanci da macikagom do macioya do Loma a meyngaran so Simong a kano anak na ni Yake a si Yota.

Nimlivolivon 1:13 ပူးပေါင်းရင်းမြစ်များ

Matay 9:9

Karwan na do dang ni Yeso am macita na o mapeyvazay so deyking a tao a meyngaran si Matay a omlisna do torotorwan no deyking a vahay. Maniring jya am, “Sijya, kapacilolo mo jyaken.” Meyratateng am meytatanek a kapacilolo na rana jya.

Make 14:15

a kangay na ninyo do cinavat no vahay na nipingsanan na. So to nyo rana ngyani do dang a mapeykakasa so kanen ta.”

Make 14:33

Karahan am rarahen na si Pite a kani Yake a kani Yowani. So nyapo na rana dang no keyngen na rana so onowned.

Make 2:14

Mangonong am macita na o mapeyvazay so deyking a tao. Iya rana am anak ni Alevey a meyngaran so Diwey a omlisna do torotorwan no deyking a vahay. Maniring jya si Yeso am, “Macilolo ka jyaken an.” Makarahan am meytatanek rana si Diwey a kapacilolo na rana ji Yeso.

Make 5:37

Makarahan am palolwen na si Pite a kani Yake a kano kakteh na ni Yake a meyngaran so Yowani a mangay. Am ji na mya ni Yeso o tarek a tao a macihza jya.

Make 9:2

Mavitos o ikanem na araw am palolwen na ni Yeso si Pite a kani Yake a kani Yowani a mangay do makarang a tokon. Makarahan am todablis o keyteytawan na ni Yeso do tangain da.

Locya 22:12

a kangay na ninyo do cinavat no vahay na a kapeysinsinmo nyo do dang so pamaringan ta so kanen.”

Yowani 11:16

O meyngaran so Tomase a ngaranan da si Nimeytovong a nimatazak a tao am maniring do karwan da macinanao ji Yeso am, “Macihza tamo jya, kapacikawakwak ta jya.”

Yowani 14:22

Maniring si Yota (am beken a nimanazang ni Yeso a si Yota tao do Isecyadi) am, “Mo Panirsirngen, ikongo na ika yamen no makateneng jimo a yaji zagom so tao do karawan.”

Yowani 18:17

Maniring o mavakes ji Pite am, “Beken a ka macinanao do da nirakep a tao ang?” Maniring si Pite am, “Beken.”

Yowani 21:2

No kano nang am nimalovot sira Simong Pite a kani Tomase a meyngaran pa so Nimeytovong a nimatazak a tao a kani Natannay a tao do Cyana do Cyadidi a kano rarwa ka anak ni Sipitay a kano rarwa pa dang a kararay da a macinanao ji Yeso.

Nimlivolivon 12:17

Kasdep na ni Pite am patalahen na o lima na. Maniring jira am, “Ji kamo meyzezyak, ta ononongan ko na o panpandan no na nipasawayan jyaken ni Ama ta do to do pamemtengan.” Maniring pa jira am, “Ipanci nyo pa ji Yake a kano akma nyoy kakteh do cinai.” Teyka na ononongan ni Pite o cinasasaodan na am mangay rana do asa ka ili.

Nimlivolivon 15:13

Mateyka sira a mangononong am meyzezyak si Yake. Maniring am, “Manga kakteh, amizngen nyo an.

Nimlivolivon 2:14

No kanang na rana am meytatanek si Pite a kano asa so ikakarwan a kararay na. So nilolos na manci nya do aro a tao so, “Inyo rana manga zipos a tao do Yotay a kano yameyvahay do Yelosaleng eya tao am amizngen nyo o ciring ko an.

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Nimlivolivon 20:8

Aro zampo do ikatlo na vava no vahay a peylovolovotan namen.

Nimlivolivon 4:13

Macita da no panipanirsirngen do peykeykaygyan si Pite a kani Yowani a mowyat so onowned am manakem da rana sira todna ka tao a jya nimeyvatvatek. Am ori o nipeyzokaban da nira. Meyratateng am katovilan da rana sira nimacilocilolo ji Yeso.

Nimlivolivon 4:19

Am maniring si Pite a kani Yowani am, “Do tangain ni Ama ta do to am amizngen namen o ciring nyo an? Ano amizngen namen o ciring ni Ama ta do to. Naknakmen nyo pala.

1 Kedinto 15:7

Meyratateng am mapacita pa ji Yake a kangay na pa mapacita do nipamnekan na amlivolivon no ciriciring na tao.

Cyalatay 1:19

So ji ko nimakacitai so karwan da nipamnekan na ni Yeso Kizisto a amlivolivon no ciriciring na. O wari na ni Yeso a Panirsirngen ta a meyngaran so Yake o nimacita ko. So ji ko nimakacitai so karwan da a nipamnekan na ni Yeso Kizisto a amlivolivon no ciriciring na.

Cyalatay 2:9

Am katenngan da no panipanirsirngen do kyokay a si Yake a kani Pite a kani Yowani o ka yaken na no nipanta na ni Ama ta do to so oyowyat a meylimwang no Mapasaray a Ciriciring na do beken a tao do Yotay am isaray da yaken a kani Parnapo. Am ori o mina to da macipanadngi jyamen a meylimwang no Mapasaray a Ciriciring na ni Ama ta do to do beken a tao do Yotay. Am sira am to sira tarek a mapamizing so tao do Yotay.

Yake 1:1

Yaken rana am si Yake ko a lamlamsoy na ni Ama ta do to a kani Yeso Kizisto a Panirsirngen ta. Yako ipeyminaminasi o yamavonong do peycyavanovanwan na a yamraralay ni Ama ta do to a tao.

2 Yowani 1:1

Yaken rana am cyozo ko. Yako ipeyteygami imo a yana nipamnekan ni Ama ta do to amraralay nya a mavakes a kano ananak mo. Yatey rako o yako karilawan ninyo. Am beken a yakehen o yamarilaw ninyo, ta yamamimin sira o yamakateneng do nanao ni Ama ta do to a yamarilaw ninyo.

Yota 1:1

Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.