Matay 9:6 - Seysyo No Tao

⁶ Ta ko kakzeben inyo a makateneng do oyowyat ko a Nipamnekan na ni Ama ta do to a tao a makavonas so raraten no tao.” So pancyan na nya do meyngen a tao so, “Tanek rana kahap mo so ireyrayan mo a mangay rana do vahay nyo.”

Matay 9:6 ပူးပေါင်းရင်းမြစ်များ

Matay 4:24

So nipeyyamyamizngan da na do ngaran na ni Yeso do Sidiya. Am ori o nyangayan da no meykeyngeyngen a tao a kano kovotan no kalamsoyan ni Satan a tao a kano mamezamezay a tao a kano ji makapeygonagonay a tao. Nimimin da o akman sang a tao yangay do tangain na. So niteyteyhesan na sira niwakwakan so kataotao.

Matay 8:20

Maniring si Yeso jya am, “Amyan so vahay no votdak, amyan so vahay no lapik. Am yaken a Nipamnekan na ni Ama ta do to a tao am abwata o ko tangnan so oo ko an.”

Matay 9:2

Amyan sira so tao a mangay no ji makapeyvangon a tao no ireyrayan na do tangain ni Yeso. Macita ni Yeso o kakdeng no onowned da am maniring do meyngen a tao am, “Manganako, cyaha ta kangay mo. Yarana nimavonas o raraten mo.”

Matay 9:5

Manngwa, apyapya kapanci nya do yameyngen a tao so, ‘Yanimavonas rana o raraten mo an?’ No apyapya o kapanci no, ‘Tanek rana kalam mo rana.’

Matay 9:7

So mina to na meytatanki rana no tao ang a mangay rana do vahay da.

Make 2:10

Ko ipacita jinyo o oyowyat ko a Nipamnekan na ni Ama ta do to a tao a manvonas so raraten no tao do karawan.” Makarahan am maniring do ji makapeyvangon a tao am,

Make 2:7

“Asyo ori a jyaninig ni Ama ta do to a yato manci no akman sang a ciring. Si Ama ta do to saon o makavonas so raraten am.”

Locya 5:21

Am ori o nikazyakan da nya no tao a macyagom do Vadisay a kano mangnanao no iwawalam ni Ama ta do to. So nipancyan da no, “Sinosino o tao eya a yato nazovaz si Ama ta do to. Ta si Ama ta do to saon o makavonas so raraten no tao.”

Yowani 10:28

Ipanta ko sira so to meyyonong a ikavyay no pahad da. So ji rana meydednai jira no peyoyaoyyan na ni Ama ta do to. So ikabo no tao a makapehes sira do lima ko.

Yowani 17:2

Nitoro mo na o oyowyat jya a tomalamozong no tao do karawan. O icyakman na sang am itoro na o to meyyonong a ikavyay no pahad da no tao a nipamnekan mo a omanoyong jya.

Yowani 5:27

Na nitoro jyaken ni Ama ta do to o oyowyat a yamapacici a mapeykapyapinpin so tao. Ta yaken rana am Nipamnekan na ni Ama ta do to a tao.

Yowani 5:8

Maniring si Yeso jya am, “Tanek rana kahap mo na so atpil mo a omalam.”

Nimlivolivon 5:31

So na rana iyan do wanan na ni Ama ta do to a Panirsirngen ta a yamapatazadang jyaten do teyngato. Na kakzeben yaten a Isedi a tao a mamlis so nakenakem, ta ori o ivonas na so raraten ta.

Nimlivolivon 9:34

Maniring jya si Pite am, “Mo Aynayya, peyvangon rana kahap so ireyrayan mo. Ta na rana nipeypapya imo ni Yeso Kizisto.” So nikapya na rana.

2 Kedinto 2:10

O peykabobwen nyo so marahet a vazay a tao am to ko macyanod so nakem jinyo. Ta o ikakman ko sang am peyyanowanopen ko inyo so nakem do tangain ni Yeso Kizisto.

2 Kedinto 5:20

Lamlamsoy na yamen ni Kizisto. Na nitovoy yamen a amvavaga jinyo. Namen akmey kataotao ni Ama ta do to a manci nya jinyo so: Mamlis kamo rana a omanop si Ama ta do to. Ta ori o ipacikaop na jinyo.

Ivoso 4:32

O kapya nyo so nakenakem do kadwan jinyo. To nyongbowa o oyyan nyo no kadwan jinyo, akman si Ama ta do to a yatongbo so raraten nyo, do na kanimawakwak ninyo ni Kizisto.

Kelosi 3:13

Macisidosidong kamo. No amyan so kazyakan nyo no kadwan jinyo am to nyo peykabobwa. Inarahen nyo si Yeso Kizisto a Panirsirngen ta a nimapeykabobo so raraten nyo.