Matay 9:34 - Seysyo No Tao

³⁴ Am maniring sira o tao a macyagom do Vadisay am, “Oyowyat na ori a yamamozwaw an? No na nitoro jya ni Satan.”

Matay 9:34 ပူးပေါင်းရင်းမြစ်များ

Matay 10:25

O macinanao a tao am amyan so kasaraw a ipacingay da do amnanao sira. Akman sang o peylamsoin da tao, ta amyan so kasaraw a ipacikto da do mapeylamsoy sira tao. No ngaranan da o makayokod no asa ka vahay so marahet a ngaran a Peysepo am jyabo kaji da to macizagoman no macivahay jya tao a.

Matay 11:18

Mai si Yowani am jyangan no tomakatakaw do kanakenakem na si Ama ta do to a kano ji nimyop so saki. So nipancyan da nya zomyak.

Matay 12:22

No kanang am amyan so tao a mangay nya ji Yeso so kovotan no kalamsoyan ni Satan a ji makabnebnek a mavota tao. Makarahan am iwakwakan na kapakabnebnek na rana kapakacita na rana.

Matay 12:27

Nyo panci yaken a na oyatan ni Peysepo. Ikongo o nyo ji mancii no kararay nyo a nipantan na ni Peysepo so oyowyat na.

Make 3:22

Maniring sira o apo do Yelosaleng a mangnanao no iwawalam ni Ama ta do to a tao am, “Beken a yana kovotan ya ni Satan a meyngaran so Peysepo? Am ori o yana to makavozwawi so kalamsoyan na ni Satan?”

Locya 11:15

Am amyan jira ori so tao a manci no, “Iya rana ori am na nioyatan ni Satan a ngaranan da Peysepo. Ori o na ipakavozwaw so kalamsoyan ni Satan a komovot do tao.”

Yowani 3:20

O meyraraten a tao am ikaoya da o mazngang. Am ori o ji da macisngeni do kazngangan, ta ikanyahey da o kapakateneng da jira meyraraten.

Yowani 7:20

Maniring sira o aro a tao am, “Ka kovotan eya an? Sino yamwakwak jimo.”