Matay 9:22 - Seysyo No Tao

²² Meyvazingowngaw si Yeso am macita na o mavakes ang. Maniring jya am, “Manganako, ka manoyong a meyhanhan nyaken. Am ori o to na rana apyai no ingingnen mo.” Makarahan am mina todapya rana o ingingnen no mavakes ang.

Matay 9:22 ပူးပေါင်းရင်းမြစ်များ

Matay 15:28

Maniring si Yeso am, “Mo kavakes, yatey arako o nakenakem mo si Ama ta do to. So to na rana mangononongi no mo kakdain ang.” So nikapya na rana no anak na no kapanci na nya ni Yeso.

Matay 17:18

Karahan am ioya na o kalamsoyan ni Satan a kapakowbot na rana. So nikapiya na rana no anak na.

Matay 8:13

Makarahan am maniring do mimong no itaysang no Loma am, “Angay rana, ta yarana nimapya o lamlamsoy mo, do mo katey makdeng so nakem ji Ama ta do to.” Ori o nikapya na rana no ingingnen no lamlamsoy na.

Matay 9:2

Amyan sira so tao a mangay no ji makapeyvangon a tao no ireyrayan na do tangain ni Yeso. Macita ni Yeso o kakdeng no onowned da am maniring do meyngen a tao am, “Manganako, cyaha ta kangay mo. Yarana nimavonas o raraten mo.”

Matay 9:29

Meyratateng am pinanan ni Yeso o mata da. Maniring jira am, “To ko mangozai o nakenakem nyo jyaken a omiwakwak jinyo.”

Make 10:52

Maniring si Yeso am, “Angay rana, ta mo rana nikapya o mo kapeyhanhan ni Ama ta do to.” So ji na nimeyyahahai a makacita no mavota tao. Makarahan am macihza rana ji Yeso.

Make 5:34

Maniring jya si Yeso am, “Manganako, ka manoyong a yameyhanhan nyaken. Makapiya ka so onowned a mangay rana, ta yarana apya o ingingnen mo.”

Locya 17:19

Maniring si Yeso jya am, “Tanek rana kangay mo na. Ta yaka manoyong a meyhanhan ni Ama ta do to. So mo ikapya rana no kataotao.”

Locya 18:42

Maniring si Yeso jya am, “To ka na makacita an. Ta yaka manoyong a meyhanhan ni Ama ta do to. Ori o mo ikapya rana.”

Locya 7:50

Maniring si Yeso do mavakes am, “Makapiya ka so onowned an. Ta yana rana nipatastas imo ni Ama ta do to, do yamo kanoyong a meyhanhan nya.”

Locya 8:48

Maniring si Yeso jya am, “Manganako, ka manoyong a meyhanhan nyaken. Makapiya ka so onowned a mangay rana. Ta yarana apya o ingingnen mo.”

Yowani 4:53

Naknakmen na am todey meyyangay o cinapya na no kapacisirsiring na jya. Ta maniring si Yeso jya no kano nang am, “Yapya rana o anak mo.” Am ori o nipacipindan no kanoyong da na jya nira ori a asa ka vahay.

Nimlivolivon 14:9

Amizngen na o ipangnanao na ni Pawlo am to na ningkaji ni Pawlo. Milamdam na ni Pawlo a meyhanhan ni Ama ta do to am iwakwakan na.

Nimlivolivon 16:18

Mangday do araraw a amlololos. Ikarahet na ni Pawlo am to meyvazingowngaw a tomita sya. Maniring do nikomovot jya am, “Ko pangozayan o ngaran na ni Yeso Kizisto a manci nimo a makowbot rana do kataotao na.” Am ori o nipakowbot na rana no nikomovot jya.

Sipolay 4:2

Tamo akman so ineynapo ta ang a yarana nimakamizing so Mapasaray a Ciriciring na ni Ama ta do to. Am da ji meypapyan o da nimamizing a nanao na ni Ama ta do to. Ta da ji nganoyngi.