Matay 9:2 - Seysyo No Tao

² Amyan sira so tao a mangay no ji makapeyvangon a tao no ireyrayan na do tangain ni Yeso. Macita ni Yeso o kakdeng no onowned da am maniring do meyngen a tao am, “Manganako, cyaha ta kangay mo. Yarana nimavonas o raraten mo.”

Matay 9:2 ပူးပေါင်းရင်းမြစ်များ

Matay 14:27

Maniring si Yeso jira am, “Ji kamo anyahey, ta yaken.”

Matay 4:24

So nipeyyamyamizngan da na do ngaran na ni Yeso do Sidiya. Am ori o nyangayan da no meykeyngeyngen a tao a kano kovotan no kalamsoyan ni Satan a tao a kano mamezamezay a tao a kano ji makapeygonagonay a tao. Nimimin da o akman sang a tao yangay do tangain na. So niteyteyhesan na sira niwakwakan so kataotao.

Matay 6:12

Vonasen mo o raraten namen, akman jyamen a ji mapeyyan sya do onowned so raten da jyamen no icyatatao namen.

Matay 8:10

Mamizing na ni Yeso o ciring na am niyak na. So nipancyan na nya do macihza jya tao. Maniring am, “To ko na macitangayan jinyo am ji ko pa nimakacita so akman sang so onowned do Isedi a tao.

Matay 8:16

Somipsip rana o araw do makoyab am yai da no aro a tao ji Yeso o aro a kovotan no kalamsoyan ni Satan a tao. Asa o ciring ni Yeso a kavozwaw da na no kalamsoyan ni Satan. So niwakwakan na do aro a meykeyngeyngen a tao.

Matay 9:22

Meyvazingowngaw si Yeso am macita na o mavakes ang. Maniring jya am, “Manganako, ka manoyong a meyhanhan nyaken. Am ori o to na rana apyai no ingingnen mo.” Makarahan am mina todapya rana o ingingnen no mavakes ang.

Matay 9:5

Manngwa, apyapya kapanci nya do yameyngen a tao so, ‘Yanimavonas rana o raraten mo an?’ No apyapya o kapanci no, ‘Tanek rana kalam mo rana.’

Matay 9:6

Ta ko kakzeben inyo a makateneng do oyowyat ko a Nipamnekan na ni Ama ta do to a tao a makavonas so raraten no tao.” So pancyan na nya do meyngen a tao so, “Tanek rana kahap mo so ireyrayan mo a mangay rana do vahay nyo.”

Make 1:32

Somipsip rana o araw do makoyab am yai da no aro a tao o meykeyngeyngen a tao a kano kovotan no kalamsoyan ni Satan a tao do tangain ni Yeso.

Make 10:49

Makarahan am mina to neyked si Yeso. Maniring am, “Rarrey kamo jya.” Maniring sira do mavota tao am, “Cyaha, tanek rana, ta na ipanci imo.”

Make 5:34

Maniring jya si Yeso am, “Manganako, ka manoyong a yameyhanhan nyaken. Makapiya ka so onowned a mangay rana, ta yarana apya o ingingnen mo.”

Make 6:50

So nikamimin da nimanyahey a makacita sya. Maniring si Yeso jira am, “Ji kamo anyahey, ta yaken.”

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Yowani 2:25

Tana ji da mancyan no tao ji Yeso o aktokto da am to na rana tenngi ni Yeso o onowned da.

Yowani 21:5

Maniring si Yeso jira am, “Kokay kamo. Kamo nimakamong an?” Maniring sira am, “Jyabo yasa namen nimamong a yakasahep a!”

Nimlivolivon 14:9

Amizngen na o ipangnanao na ni Pawlo am to na ningkaji ni Pawlo. Milamdam na ni Pawlo a meyhanhan ni Ama ta do to am iwakwakan na.

Nimlivolivon 19:12

Am ori o nyahapan da no tao so nipeyveynget ni Pawlo a pangain do kataotao da no meyngen a tao a kapya da rana a kavozwaw da no kalamsoyan ni Satan a komovot do tao.

Nimlivolivon 23:11

Mahep rana am mai si Yeso do katangked ni Pawlo. Maniring am, “Ji ka onib, mo Pawlo an. To mo peynara no kapeylimwangan mo nyaken do Yelosaleng a meylimwang nyaken do Loma.”

Loma 5:11

Tamo isaray ji Ama ta do to o na kanimapanop jyaten ni Yeso Kizisto ji Ama ta do to. Am ori o yata ipacikaop ji Ama ta do to. So ta na ikasaray do yana kanimahap ni Kizisto so vazay na ni Ama ta do to a yasomidong jyaten.

Yake 2:18

Ala no maniring o tatasa ka tao am, “Imo am ka makdeng so nakenakem ji Ama ta do to. Yaken am yako apiya so vazay.” No si maniring ko am, “Pacittan pala jyaken o nakenakem mo si Ama ta do to. Am yaken am to mo na cita do apya vazay ko. Ta ori o ipakateneng mo do nakenakem ko si Ama ta do to.”