Matay 9:13 - Seysyo No Tao

¹³ O ciring do Seysyo am, ‘O kakdain ko am karilaw nyo no icyatatao nyo. So ikabeken a patanangen nyo a makakaday.’ Angay kamo na kanakenakem nyo pala so peypeypangayan no ciring ang. Ta o ko nyai am beken a ko manara so ji meyraraten a tao. Ta o yameyraraten a tao am ori o yako nyai.”

Matay 9:13 ပူးပေါင်းရင်းမြစ်များ

Matay 12:3

Maniring si Yeso jira am, “Manngwa, ji nyo pa nivilangan o vazay da da Tawey a kano kararay na tao no kakcin da?

Matay 12:5

Manngwa, nyo pa jya nivilangan o yadomket a ciring do iwawalam ni Moyse, do kapangday da do ipeyweywalam no tao o kaji da mangozayan do araraw no ipeyweywalam no tao no mapatanatanang so nakem do rako a panaralayan? Am beken a raraten da ori.

Matay 12:7

Ta o ciring do Seysyo am, ‘O ko kakzeben am apiya so nakenakem do icyatatao. Ko jyakzan o yapatanangen a makakaday.’ No si manoyong kamo a makateneng do peypeypangayan no ciring eya am jyabo nyo kato mancyan no yapya so nakenakem a tao a meyraraten a.

Matay 19:4

Maniring si Yeso am, “Manngwa, ji nyo pa nivilangan o ciring do Seysyo? Ta maniring am, ‘No kavayo na pa mangamaog so karawan ni Ama ta do to am nimangamaog so mahakay a kano mavakes.’

Matay 21:42

Maniring si Yeso jira am, “Ji nyo nivilangan pa o ciring do Seysyo? Maniring am, ‘O Vato a niwalit da no mapatnek so vahay am yarana nimeyvaliw a ney makdeng na aslet no ai no vahay. So ikanoyong no vazay ni Ama ta do to a mapeyzokab.’

Matay 3:2

Maniring am, “Mamlis kamo na, ta yarana makeykai o na katalamozong ninyo ni Ama ta do to.”

Matay 3:8

Ta si mamlis kamo na so icicirawat am ori o ikanoyong nyo rana yana nikomaro do peyraratenan nyo.

Matay 4:17

Nimyapo no kanang o kapeylimwang na rana ni Yeso no nanao na. Maniring am, “Karwan nyo o peyraratenan nyo, ta yarana makeykai o yana katalamozong ninyo ni Ama ta do to.”

Make 12:26

O vazay rana ano mirwa a mavyay o nimawakwak a tao am manngwa, nyo jya nivilangan o vakong ni Moyse do jyasleb a kayo? Maniring ji Moyse si Ama ta do to am, ‘Yaken rana am Tao do to na yaken ni Apolahan a kani Isa kani Yakebo.’

Make 12:33

So raralayan ta ni Ama ta do to no onowned ta kano nakenakem ta kano oyowyat ta, a kato peyyangayan so aryarilaw so kataotao a marilaw no icyatatao. So ikakdekdeng no nya kano nakem ta sya vinyay a kano makakaday a patanangen ji Ama ta do to.”

Make 2:17

Mamizing na ni Yeso am nanawen na sira. Maniring am, “O apya so kataotao a tao am ji da ngala o mangavavaw a tao an. Ta o meyngen a tao o komala so koysang. O peypeypangayan no ko nyai am beken a ko manara so ji meyraraten a tao. Ta o yameyraraten a tao am ori o yako nyai.”

Locya 10:26

Maniring si Yeso am, “Ikongo nivilangan mo a nivatvatkan a Ciriciring na ni Ama ta do to.”

Locya 19:10

O ko nyai rana ya am yako meykala so meyraraten a tao a kapatastas ko sira do teyngato.”

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Locya 5:31

Maniring si Yeso jira am, “O apiya so kataotao am ji da ngala o koysang an. Ta o meyngen a tao am ori o komala sya.

Locya 5:32

Ta yaken rana am beken a ko manara so ji meyraraten a tao an. Ta vazay ko o kapanci ko no meyraraten a tao a mamlis so nakenakem an.”

Yowani 10:34

Maniring si Yeso am, “Yadomket do vakong nyo o ciring na ni Ama ta do to. Maniring am, ‘Inyo am tao do to kamo.’

Nimlivolivon 11:18

Mamizing da o ciring na jira am ji da rana namwada, ta isaray da si Ama ta do to. Maniring sira am, “Yamanoyong si Ama ta do to a yamarilaw no beken a tao do Yotay a nimamlis rana a na torwan no to meyyonong a ikavyay no pahad da.”

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Nimlivolivon 5:31

So na rana iyan do wanan na ni Ama ta do to a Panirsirngen ta a yamapatazadang jyaten do teyngato. Na kakzeben yaten a Isedi a tao a mamlis so nakenakem, ta ori o ivonas na so raraten ta.

2 Pite 3:9

O nakenakem ni Ama ta do to a kano tao am ji meyyangay. Ta si Ama ta do to am ji mapainin do mina ciring na. Ta tana inyo am akman sang a na jyahaywan a pananalahen a yamamlis. Ta ji na mamyapyan o asa ka tao do karawan a mangay do kararatan. Ta ikakza na o kamimin no tao a mamlis a komaro do raraten da.