Matay 9:11 - Seysyo No Tao

¹¹ Macita da no tao a macyagom do Vadisay am maniring sira do macinanao ji Yeso am, “Ikongo na ipacihanghang no sinsi nyo do mangangap so deyking a kano aro a yameyraraten a tao ang.”

Matay 9:11 ပူးပေါင်းရင်းမြစ်များ

Matay 11:19

Yaken rana a Nipamnekan na ni Ama ta do to a tao am ko koman a ko keyyop. Am no kamo maniring am, ‘Yamatetehnan a yameyyeyyopen a yamacizavoz do mapeyvazay so deyking a tao a kano meyraraten a tao.’ Am o teneteneng na ni Ama ta do to am manoyong a meytotwaw do makza nya tao.”

Matay 5:46

No si marilaw ninyo a tao o ikarilaw nyo am ta azawan na jinyo ni Ama ta do to. Kakwakwan da no meyraraten a tao a makateneng do kapangarilaw da so marilaw nira.

Matay 9:10

Koman si Yeso do vahay ni Matay am aro sira mina kararay na mapeyvazay so deyking a tao a kano meyraraten a tao a mai a macihanghang ji Yeso a kano macinanao jya.

Make 2:16

Macita da si Yeso no tao a macyagom do Vadisay a mangnanao no iwawalam ni Ama ta do to a macihanghang do meyraraten a tao am ahesen da rana sira o macinanao jya. Maniring sira am, “Ikongo na ipacihanghang do mapeyvazay so deyking a kano aro a yameyraraten a tao ang.”

Locya 19:7

Macita da no aro a tao am marahet sira so aktokto a manci no, “Na todangai no nya do vahay no meyraraten a tao.”

Locya 5:30

Ori o nikazyakan da nya no tao a macyagom do Vadisay a kano mangnanao no iwawalam ni Ama ta do to. Am ori o nipancyan da nya do macinanao ji Yeso so, “Ikongo nyo ipacihanghang do mangangap so deyking a kano aro a meyraraten a tao.”

Nimlivolivon 11:3

Maniring sira am, “Ikongo o yamo nisan do vahay da no beken a tao do Yotay. Ikongo mo ipacihanghang jira.”

Cyalatay 2:15

“Yajyalas. Ta imo a ka nyaken am ta manoyong a yamacitetngehan do tao do Yotay. So ji ta nginarai so beken a tao do Yotay a ji ngahap so iwawalam ni Moyse.

Sipolay 5:2

Amyan so karatan na no mapatanatanang so nakem da tao, ta meyyangay sira tao. Am ori o kanigan na no amyan so kalasan a tao a mapasyasi nira ji Ama ta do to.

2 Yowani 1:10

No amyan so tao a omnanao jinyo a katarek no ipangnanao na am ji nyo amya mangay do vahay nyo. Ji nyo nirsirnga.