Matay 8:32 - Seysyo No Tao

³² Maniring si Yeso am, “Angay kamo.” Makarahan am makowbot sira o kalamsoyan ni Satan a kangay da komovot do aro a kois. Am ori o niksoz da kangay da makas do alalasyas a katovoz da do rako a meybebneng a ranom a kamimin da meykehmehmes a mawakwak.

Matay 8:32 ပူးပေါင်းရင်းမြစ်များ

Matay 8:31

Maniring sira o kalamsoyan ni Satan a mapasyasi ji Yeso am, “No si vozwawen mo yamen am to mo rana amya yamen a mangay komovot do kois ito.”

Matay 8:33

O tomita so kois a tao am mina todangay rana sira do ili a kapanci da rana no vazay ang do tao do ili.

Make 5:13

Makarahan am apyahen na sira ni Yeso. Am ori o nipakowbot da na do kataotao na no tao ang a kangay da komovot do aro a kois. Ala adwa zivo (2000) o kois a nikomsoz do alalasyas a kangay da mehmes do rako a meybebneng a ranom a kamimin da mawakwak.

Locya 8:33

Am ori o nikarwan da do kataotao no tao a mangay do aro a kois kaksoz da do alalasyas a katovoz da do rako a meybebneng a ranom. Ori o nipeykehmehmes da a mawakwak.

Nimlivolivon 2:23

O nakenakem na ni Ama ta do to no kakwa am hapen nyo si Yeso a itoro do marahet so nakenakem a tao a kapadket da sya do jyojika a wakwaken.

Nimlivolivon 4:28

Da pangononongan o mina ciring mo a omagaz do nipamnemnekan mo.

Ipaziman 20:7

Hatasen na o asa zivo (1000) so awawan am pasawain na rana si Satan.