Matay 8:25 - Seysyo No Tao

²⁵ Makarahan am mangay da yokain si Yeso no macinanao jya. Maniring sira am, “Mo Panirsirngen, avyayey yaten, ta tamo na marahet.”

Matay 8:25 ပူးပေါင်းရင်းမြစ်များ

Matay 8:2

O asa ka omlabyab so kataotao am nimangay ji Yeso a meylilitod. Maniring am, “Mo Panirsirngen, no si apyahen mo am jyabo kaji na apyan no kataotao ko a.”

Matay 8:24

Meyratateng am to na ngirasa sira no marahet a palanginan kalokolokong no paong do tataloran da. No kanang am nimitkeh si Yeso.

Matay 9:18

Macisirsiring pa jira si Yeso am mai o asa ka meymatmatngeh no peyneynozyan a tao a meylilitod do tangain na ni Yeso. Maniring am, “Na kawakwak pa no anak ko a mavakes. Kapakamo mo am mangay mo pa parapongen o lima mo do anak ko a kavyay na rana.”

Locya 8:24

Am ori o nyangay da amyokay si Yeso. Maniring sira am, “Mo Mangnanao, mo Mangnanao, tanyo na marahet!” Mayokay si Yeso am sirsirngen na o rako a pagpag a kano paopaong am nikakeykai na rana meyhanahanang.