Matay 8:11 - Seysyo No Tao

¹¹ Naknakmen nyo an. Ta myan so aro do peycyeylilyan a mai a macihanghang ji Apolahan a kani Isa kani Yakebo do italamozong na ni Ama ta do to do teyngato.

Matay 8:11 ပူးပေါင်းရင်းမြစ်များ

Matay 21:41

Maniring sira am, “Jyabo o kaji na wakwakan sira a katoro na no peymowamowan na do apiya so nakenakem a tao a omvood sya.”

Matay 24:31

Manovoy ko so aro a tinsi a meyzapa a ipatao ko so tao do peycyavanovanwan na a mapeylovolovot so nipanop ni Ama ta do to a tao do teyhesa ka mahataw.

Matay 3:2

Maniring am, “Mamlis kamo na, ta yarana makeykai o na katalamozong ninyo ni Ama ta do to.”

Matay 8:10

Mamizing na ni Yeso o ciring na am niyak na. So nipancyan na nya do macihza jya tao. Maniring am, “To ko na macitangayan jinyo am ji ko pa nimakacita so akman sang so onowned do Isedi a tao.

Locya 12:37

Meysinaoli o lawpan am macita na o lamlamsoy na a yapiya so nakenakem. Ori o nisarayan na nira. Ko pa ciring jinyo am jyabo kaji na meyyaywayob no lawpan a mapalisna sira a kangay na tomaotao so lamlamsoy na.

Locya 16:22

Mawakwak o ipangoyongoyod da tao ori am yangay da no tinsi do tangain ni Apolahan. Mawakwak o katenngan a tao ori am ibobo no tao.

Nimlivolivon 10:45

Am ori o nipeyzokab da no tao do Yepey a omraralay ni Yeso a nimacihza ji Pite, ta nipanta na sira ni Ama ta do to so Seyzi o beken a tao do Yotay.

Nimlivolivon 11:18

Mamizing da o ciring na jira am ji da rana namwada, ta isaray da si Ama ta do to. Maniring sira am, “Yamanoyong si Ama ta do to a yamarilaw no beken a tao do Yotay a nimamlis rana a na torwan no to meyyonong a ikavyay no pahad da.”

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 14:27

Makaranes rana sira do Antia am lovoten da sira o sinjya a kapanci da nya jira so nisidongan na sira ni Ama ta do to do vazay da. Ta o ipeylimwang da do tao a ciriciring na ni Ama ta do to am nyanoyngan da no beken a tao do Yotay.

1 Kedinto 15:20

Am yajyakman sang an. Ta yamanoyong si Kizisto a yanimirwa a mavyay. Ori rana am yongkad no kanoyong da mirwa a mavyay no yarana nimawakwak a yamraralay nya a tao.

1 Kedinto 6:9

Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

Ivoso 3:6

O ji da nipatwaw a nanao na am na rana pazanoden o beken a tao do Yotay do meyngongyod a tao do Yotay a makahap so aryarilaw na jyaten ni Ama ta do to, do kanimakamizing nyo rana so Mapasaray a Ciriciring na ni Kizisto. So nyo rana icyakmey yasa so nakem a kano tao do Yotay a meyhanhan ni Yeso Kizisto a makahap so to meyyonong a ikavyay no pahad nyo.

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

2 Tesalonicya 1:5

So ikanoyong na no akman so sya a yongkad na no kaji na oyyan ninyo ni Ama ta do to. Ta o nakenakem na jinyo am macikasaray kamo jya do kanoyong nyo rana macikaop do italamozong na ni Ama ta do to.

Ipaziman 7:6

O iteytetngehan ni Asiar am kakarwan sira ranaw so ikakarwan na zivo (12,000). O iteytetngehan ni Navotadi am kakarwan sira ranaw so ikakarwan na zivo (12,000). O iteytetngehan ni Manase am kakarwan sira ranaw so ikakarwan na zivo (12,000).