Matay 7:29 - Seysyo No Tao

²⁹ Ta tey rako oyowyat na no ipangnanao na, do kapacitarek na no ipangnanao na kano aro a mangnanao no iwawalam ni Ama ta do to a tao.

Matay 7:29 ပူးပေါင်းရင်းမြစ်များ

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Matay 5:20

Am ori o ko pancyan ninyo a makowyowyat pa kano mangnanao no iwawalam ni Ama ta do to a tao a kano tao a macyagom do Vadisay a mapeyvazay so vazay na ni Ama ta do to. Ta ori saon o ipacikaop nyo do italamozong na ni Ama ta do to am.

Matay 5:28

To ko na macitangayan jinyo am no makacita so mavakes a kasala no nakenakem am akmey to mangononong o nakenakem jya.

Matay 5:32

Am to ko na macitangayan jinyo am no amyan so ji na nimapanadnaji jimo no mavakes mo am ori o ipakaro mo sya. Am no abo am marahet o kato mapakarwan so kadwan do vahay. Ta no si mirwa a macivahavahay o mavakes am akmey nipya na o mavakes a mapasagpyan so kataotao na. O mapazagpit rana so akman sang a mavakes a tao am raraten na ori.

Matay 5:44

Am ko pa ipanci jinyo am ikarilaw nyo sira o macioya jinyo a tao a kapeynozi nyo no mapakakasi jinyo a tao.

Matay 7:28

Mateyka ni Yeso o ciring na am isavasavak da no makamizing so nipangnanao na.

Matay 8:1

Omosok si Yeso a apo do tokon am onotan da no aro a tao.

Locya 20:8

Maniring si Yeso jira am, “No komwan am ji ko mancyan jinyo o na nikapwan no oyowyat ko a yamapeyvazay so aro a vazay.”

Locya 21:15

Ta ipanta ko inyo so teneng nyo, kaji da makatenngan do ciring nyo a tovisan no maoya ninyo a tao.

Nimlivolivon 6:10

Am ji da tenngi a pasapan o ciring ni Setiven, ta nipanta na no Seyzi so teneteneng na.