Matay 7:25 - Seysyo No Tao

²⁵ Tana meykawan a macimoy am ji na kava ori, ta nipatnek na do lalitan.

Matay 7:25 ပူးပေါင်းရင်းမြစ်များ

Matay 16:18

To ko na macitangayan jimo am imo rana am si Pite ka. So icyakma moy lalitan a patnekan ko so kyokay. So ji na rana makagogaji nya ni Satan. Ta akman rana sang am jyagogad no oyowyat ni Satan.

Matay 7:24

“O tao a omamizing so ciring ko a mapeyvazay sya am akman so mapatak a tao a mapatnek so vahay na do lalitan.

Matay 7:26

Am o makamizing so ciring ko a tao a ji ngahap sya am akman so jyapatapatak a tao a mangay mapatnek so vahay na do kananayan.

Matay 7:27

No meykawan a macimoy am ji meyyahahay o vahay a makavakava.”

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Ivoso 3:17

Ori o ipakateneng nyo ji Kizisto a manoyong rana a yamacikaop jinyo a yatomalamozong ninyo. Ko ipeynozi inyo a mapayamot so pangangarilawan na do onowned nyo.

Kelosi 2:7

Payamoten nyo o nanao na ni Yeso Kizisto do onowned nyo a kapeypahagnat nyo na so nakenakem jya. So sarayan nyo nya ji Ama ta do to.

Yake 1:12

No amyan so alalaw a kajyablisan so nakenakem ji Ama ta do to am tey masaray o akman sang a tao. Ta no jyablis o nakem na am mahap na o to meyyonong a ikavyay no pahad na a nakem na sira ni Ama ta do to so amraralay nya tao.

1 Pite 1:5

Ori rana am itoro na ni Ama ta do to do meyhanhan nya tao, do kapzat na jira ni Ama ta do to no oyowyat na a kaji da na vozawan a mangay do ikarateng no araraw no ipatazadang na sira do teyngato.

1 Pite 1:7

O peypeypangayan no alalaw nyo am ipakateneng jinyo a manoyong so nakem ji Ama ta do to. Mapaonag no apoy o ovay. Am o nakenakem nyo ji Ama ta do to am jyabo kaji nakdekdengan pa kano ovay a jyagonay a. So ji na alasi no keyleylamdam na so onowned nyo ni Ama ta do to. No si ji kamo a hayo am mahap nyo rana o kazwayan nyo no marateng rana o araraw no yai na ni Yeso Kizisto.

1 Yowani 2:19

Sira rana omalalas ji Kizisto a tao am sya ji meyngongyod ori a omraralay ni Kizisto. Am ori o da rana ji macilovoci jyaten. O manoyong a omraralay ni Kizisto am macikaop sira jyaten. Am sya ji macikaop jyaten sicyaikwaya. Am ori o ta ipakateneng jira omalalas ji Kizisto.