Matay 7:21 - Seysyo No Tao

²¹ “O tomawag jyaken a tao a manci no, ‘Mo Panirsirngen, mo Panirsirngen,’ am jyamimin sira macikaop do italamozong ni Ama ta do to. Ta o mahap so nanao ni Ama ta do to o macikaop jya.

Matay 7:21 ပူးပေါင်းရင်းမြစ်များ

Matay 12:50

Ta o mahap so vazay ni Ama do to a tao am ori o abneken ko a kakakteh ko a kano ina ko.”

Matay 16:17

Maniring si Yeso am, “Imo rana Simong a anak ni Yowani am ka tey yapya so ngilin. Ta o nanao rana ya am beken a tao yanimapahap sya jimo. Ta si Ama ta do to o yanimapatwaw sya jimo.

Matay 18:10

“Makapzat kamo. Ji nyo ngolala sira o pakananaken da tao. To ko na macitangayan jinyo am o tinsi a yasomidong sira am yamyan sira do tangain ni Ama ta do to do teyngato.

Matay 18:19

Ko pa ipanci jinyo am tana rarwa kamo a kakma nyoy yasa so nakenakem a mapasyasi ji Ama ta do to am itoro na o amin nyo jya.

Matay 18:3

Maniring si Yeso am, “To ko na macitangayan jinyo am no si mamlis kamo akman so kanakan eya am ori o ipacikaop nyo do tao a italamozong na ni Ama ta do to.

Matay 18:35

Maniring pa si Yeso am, “Si ji monganay do onowned nyo o to nyo peykaboboi so oyyan nyo no kakteh nyo am akman sang si Ama ta do to jinyo.”

Matay 19:24

Ko pa ipanci jinyo am mowwamek pa o meykavokovokoz so likod a baka a lomyos do lala no rayom a kano aro so peymeymasaodan a macikaop do italamozong na ni Ama ta do to.”

Matay 25:10

Mangay sira manazang so abyab do pananazangan o jyapatapatak a mavakes am pakaransan na rana no mapazagpit a tao a kapacihza da rana jya somdep no lalima ka mapatapatak a mavakes a macihanghang jya kaneb da rana do pangengneban.

Matay 25:21

Maniring o lawpan am, ‘Imo rana am ka tey yapya ipeyhanhan a lamlamsoy. Tana yapereh o yako nitoro jimo am yamo ji ngolala. So to ko rana mapahanhani jimo a tomalamozong no arwaro pa kano nang. So ipacizanod mo jyaken a somaray.’

Matay 26:39

Omalam a meypanam am meyrorokma. Maniring do inozi na am, “Mo Ama, no si apyahen mo am ji mo norwan jyaken o yatey rako a alalaw ko. Am ji mo na mangozai o nakenakem ko, ta ahahapan mo na sya.”

Matay 26:42

Maniring do ipidwa na kangay a meynozi ni Yeso am, “Mo Ama, no ji mo amya o alalaw ko a komaro jyaken am to mo na mangozai o nakenakem mo.”

Make 3:35

Ta o mahap so vazay ni Ama ta do to a tao am abneken ko a kakteh ko a ina ko.”

Make 9:47

No si asa ka mata mo o nipeyraraten mo am to rana ngoswa. Tana asa mata a kapakasalap do italamozong ni Ama ta do to am apyapya pa ori a kano meynanod so mata mangay do kararatan.

Locya 11:28

Maniring si Yeso am, “Manoyong ori am omamizing so ciring na ni Ama ta do to a kapeyvazay na sya am tey yapya o akman sang a tao!”

Locya 13:25

No aneban na rana no mapeyvahay sya am meytatanek kamo do pantaw a mapaktoktow a manci no, ‘Mo kahakay, iwangan mo pa yamen an.’ Jyabo kaji na mapeyciringan sya jinyo so, ‘Ji kamo makamo am ko jyatenngi o nyo kapwan.’

Locya 18:25

Mowwamek pa o meykavokovokoz so likod a baka a lomyos do lala no rayom a kano aro so peymeymasaodan a tao a macikaop do italamozong na ni Ama ta do to.”

Locya 6:46

“Ikongo nyo pancyan no nyo kanoyong jyaken a Panirsirngen nyo a yanyo ji mangozay do ciring ko jinyo.

Yowani 14:7

No kamo manoyong a yamakateneng jyaken am akman sang si Ama a katenngan nyo. Papwan nyo sicyaikwaya o ipakateneng nyo na jya, ta nyo na nimacita.”

Yowani 15:23

O macioya jyaken am macioya ji Ama.

Yowani 3:5

Maniring si Yeso am, “To ko na macitangayan jimo am no jya nimalikey o tao do ranom a kano Seyzi am ji macikaop do italamozong na tao ni Ama ta do to.

Yowani 5:17

Maniring si Yeso jira am, “Yato meyvazay si Ama. So ko to nginarai sya.”

Yowani 6:40

Ta o nakenakem ni Ama am mahap da o to meyyonong a ikavyay no pahad da no makateneng jyaken a kano omanoyong jyaken a tao, a kapeyvangon ko pa sira no makaranes rana o araraw no kapeykapyapinpin na ni Ama ta do to so tao.”

Yowani 7:17

No manoyong o tao a mangononong do apyahen ni Ama ta do to am katenngan na o ka yaken na, ka si Ama ta do to no nanao.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Loma 2:13

Beken a omamizing sya o abneken na ni Ama ta do to abo so raraten do tangain na. Ta o mangozay do iwawalam na a peyvazain o abneken na abo so raraten do tangain na.

Ivoso 6:6

Beken a no mangay da citahen inyo no lawpan o ikakdeng nyo a mahap so vazay da. Ta omaing do kararalay nyo ni Ama ta do to o kasaray nyo a mahap so vazay da, do kakma nyoy kalamsoyan ni Kizisto.

Kelosi 4:12

Si Ipava rana a keylyan nyo am yakman sang a yameyminaminasi ninyo. Iya rana am lamlamsoy ni Yeso Kizisto a masangib a meynozi ninyo. Ipeynozi na o kakdeng nyo so nakem ji Ama ta do to a meypahagnat so nakem a manoyong a omonot do nakem na ni Ama ta do to.

1 Tesalonicya 4:3

O nakenakem na ni Ama ta do to am kakzeben na o kazngang no onowned nyo. Ji na mamyapyan inyo a mangzakza so icyatatao nyo.

1 Tesalonicya 5:18

Tana apya, tana marahet o masapa nyo am o kasaray nyo ji Ama ta do to. Ta ori rana am nakenakem na jinyo ni Ama ta do to a omanod ji Yeso Kizisto a tao.

Tito 1:16

O akman rana sang a tao am o ciriciring da am akmey macyanoyong ji Ama ta do to. Am o aktokto da am ori o omalalas jya. So ikanoyong da pacioyyan na ni Ama ta do to, do kaji da ngahapan so nanao na. So ikabwata no apya vazay a peyvazain da.

Sipolay 13:21

Inaoy si itoro na jinyo ni Ama ta do to o makakaday a ileylamnay no nakem nyo a kowyat na jinyo a mahap so isaray na vazay. So ikanoyong nyo a mahap so nakenakem ni Ama ta do to, do nyo kararalay ni Yeso Kizisto. Inaoy si mangay o azwazway ji Kizisto mangay do kaidan no karawan. Amin.

Sipolay 4:6

Sira rana nimanmanma makamizing so Mapasaray a Ciriciring na ni Ama ta do to am ji da nimatokod o pamahamahan da. Ta ji da nyamizing si Ama ta do to. Am o tao rana a omanoyong ji Ama ta do to am macikaop sira ji Ama ta do to.

Yake 1:22

Taosya o kamizing so ciriciring na ni Ama ta do to a ji peyvazaya. Ta o akman rana sang am alalasan o kataotao.

1 Pite 2:15

Ta o nakenakem na jinyo ni Ama ta do to am zazatan nyo no apiya icicirawat nyo o ji mamayok a ciring da no macioya ji Ama ta do to a tao.

1 Pite 4:2

Pamindahen nyo rana sicyaikwaya o kaji nyo rana mangozayan do malas a monganay jinyo a onowned nyo. Ta o apyahen na ni Ama ta do to o ahapen nyo, do ipeyigegen nyo pa do karawan.

Ipaziman 2:27

O itoro ko jira oyowyat am akman so oyowyat a nitoro na jyaken ni Ama. So icyakma dey vahalang to makaspi so vahanga a tomalamozong no karawan.

Ipaziman 22:14

“O manownaw rana so onowned a tao am tey yapya sira. Ta sira rana am sira o apya koman so asi no kayo a yapwan no to meyyonong a ikavyay no pahad. So ika sira da no somdep do pazezevngen no ili.

Ipaziman 3:5

So icyakman da sang no jya nimablis so onowned a tao a peyyayoban ko so malavang a ayob. Ji ko ngopasa o ngaran da do vakong ko a yana adketan no ngarangaran da no na yanan no to meyyonong a ikavyay no pahad. Abneken ko sira do tangain ni Ama kano tinsi a monganay jyaken.