Matay 7:15 - Seysyo No Tao

¹⁵ “Azimanen nyo o malas so ipangnanao a tao. Ta akmey apiya o ipangnanao da am jyakman sang, ta tey manginanawa sira a mangalalas so ciring.

Matay 7:15 ပူးပေါင်းရင်းမြစ်များ

Matay 10:17

Azimanen nyo o amrakep jinyo a kano mangay ninyo do pacicicyan a kabakbak da jinyo do peyneynozyan,

Matay 16:11

Ikongo nyo pa ji makatenngi do nipanci ko na jinyo. Beken a ko pagazen do myanpaw o ciring ko, ta ko pagazen do marahet a onowned da no tao a macyagom do Vadisay a kano macyagom do Satokay.”

Matay 16:6

Maniring si Yeso jira am, “Azimanen nyo o akmey kosozi no odong a yamyan do tao a macyagom do Vadisay a kano macyagom do Satokay.”

Matay 24:11

Meyparo sira o malas so ipangnanao a tao a mapeycyakawad so onowned no tao.

Matay 7:14

O asdesdepan a rarahan a meypangay do kavyayan no pahad am meylid ori a masalit a pangonongan. Apereh o tao a makakala so sang.

Locya 12:15

Maniring jira am, “Azimanen nyo kaji nyo mangagoman so meykamadadayan an. Ta tana meynakem o tao ori am beken a ikapintek na do karawan ori.”

Locya 6:26

“No azwazwain da inyo no aro a tao am to kamo makasi no makwa an, ta akman sang o nyazwayan da no ineynapo nyo so nimalas so ipangnanao a tao no kakwa an.

Yowani 10:12

O torwan da mapamangamangan so kagling am ji na pakapya apzatan o kagling, ta ji meyngongyod ori a mapeyvinyay sira. No myan so vozaw a ino a macisngen do kagling am to na rana ngaroi o kagling, a kakan na so kagling a peyvwaken no vozaw a ino.

Nimlivolivon 13:40

Am ori o apzatan nyo do onowned nyo. Ta meydedna jinyo o peyoyaoyyan na ni Ama ta do to a domket do vakong da no panoyonoywan na so ciring ni Ama ta do to. Maniring sira am,

Nimlivolivon 13:6

Nilivolivon da o pongso do Saypolose. Makaranes sira do Pavo a ili am masazi da dang o asa ka tao do Yotay a meyngaran so Pa-Yeso a mamnek a tao. Ipanci na o kataotao na a panoyonoywan na so ciring ni Ama ta do to. Am malas ori.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

Ivoso 5:6

Am ori o ji nyo litai do kadwan jinyo a manci no kapya no akman sang a vazay. Ta o akman rana sang so icicirawat a tao am amyan so oyaoyyan na nira ni Ama ta do to no makwa, do kaji da niomonotan do nanao na ni Ama ta do to.

Veydipi 3:2

Azimanen nyo sira o meyraraten a tao a omalalas do nanao na ni Ama ta do to. Sira rana am tao do Yotay a yamanci no kayongkad do kataotao.

Kelosi 2:8

Makapzat kamo. Ji nyo ngonoci o mapeycyakawad jinyo a nanao no tao do karawan. Ta o akman rana sang a nanao am apo do tao no kakwa. So ji na monganai ji Kizisto no da ipamizing jinyo.

2 Timotay 3:13

Ta o meyraraten rana tao a kano mangnanao no malas a tao am meypeyparahet o vazay da. Ta alalasan da o tao am akman sang sira kalittan.

2 Timotay 4:3

Ta yamyan so araraw na no ji da ngapi so manoyong a nanao a to ngonongonong do apyahen da no nakem a ji rana mingsan so amizngen da.

2 Pite 3:17

Am nyo na katenngan o yakman sang a ciring, manga kakteh. So azimanan nyo sya, ta kalittan kamo so onowned a peykowawen so nakem no yaji macipayok so nakem a tao.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.

Ipaziman 16:13

Karahan am macita ko o tatlo a ka kalamsoyan ni Satan a akmey tozatoza a nimapo do ngoso no kamolay a kado ngoso no omalalam a kado ngoso na no makahaw a tao.

Ipaziman 17:6

Karahan am macita ko o mavakes a masaki no rala no omanop ji Ama ta do to a tao a kano rala da no niwakwak da a nimeylimwang ni Yeso a tao. Macita ko am ikalak ko.

Ipaziman 19:20

So nirakpan da so omalalam a kapazanod da so nimeyvazay so mapangyangyalak a makahaw a tao a rakpen. O makahaw a tao am nimeyvazay ori so mapangyangyalak a vazay a ipeykawad na so yanan no ipatotodo no omalalam a kano niomraralay no kamamagenan na tao. Omalalam rana kano makahaw a tao am niwalit na sira do akman so awa so karakorako a lila no apoy.

Ipaziman 20:10

Si Satan rana a nimapeykawad sira am iwalit na do akman so awa so karakorako a lila no apoy. Am nimanmanma rana o makahaw a tao a kano omalalam do dang. Sira rana am abo maraw a abo mahep a ipeyrarahet da a mangay do kaidan no karawan.