Matay 7:13 - Seysyo No Tao

¹³ “Somdep kamo do alikey a asdesdepan. Ta o asdesdepan a rarahan a meypangay do kararatan am mowvong ori a jyasalit a pangonongan. So ikaro no tao a mangonong do dang.

Matay 7:13 ပူးပေါင်းရင်းမြစ်များ

Matay 23:13

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am nyo taywen o oyowyat ni Ama ta do to do tangain no tao. Nyo ji mya o kataotao nyo a macikaop do italamozong ni Ama ta do to. Akman sang o tao a nyo ji mya a yamacikaop do italamozong ni Ama ta do to.

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Matay 25:46

O akman rana sang a tao am todangay no makwa o pasingsingtan jira. Am sira rana o ji meylimoteng so onowned a tao am mahap da o to meyyonong a ikavyay no pahad da.”

Matay 3:2

Maniring am, “Mamlis kamo na, ta yarana makeykai o na katalamozong ninyo ni Ama ta do to.”

Matay 3:8

Ta si mamlis kamo na so icicirawat am ori o ikanoyong nyo rana yana nikomaro do peyraratenan nyo.

Matay 7:14

O asdesdepan a rarahan a meypangay do kavyayan no pahad am meylid ori a masalit a pangonongan. Apereh o tao a makakala so sang.

Locya 14:33

Akman kamo so sang an. Ta no si likodan nyo o makakaday a vazay nyo am ori o ikanoyong nyo a macilolo jyaken.

Locya 9:33

To da ji ngaroi si Yeso no rarwa ori am maniring si Pite ji Yeso am, “Mo Mangnanao, tanyo tey yapya do jya. So ipamaring namen so atlo a ka sarwap, asa imo, asa si Moyse, asa si Idiya.” Akmey ji na onongi o ipanci na ciring.

Yowani 10:9

Yaken rana am akma koy asdesdepan. O somdep jyaken am patazadangen ko sira do teyngato. So ikanoyong da tey yapya, to ngonongonong do kasdep da, kapakowbot da a kapakakala da so apyahen da no nakem.

Yowani 14:6

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Loma 9:22

Akman sang o vazay na ni Ama ta do to. Ta nipacita na o peyoyaoyyan na kano oyowyat na. Am na kato anketkenan do nakenakem na yamwoya no tao do da peyraratenan.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

2 Kedinto 6:17

Am ori o ji nyo pehngai so onowned nyo do ji manaralay a tao. Ji kamo macizanod jira. Ji nyo nginara o malas a vazay da. Ta ori o sarayan ko ninyo.”

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Veydipi 3:19

O mapeyvazay so sang a tao am mangay sira do kararatan. Ta o isovo da kanen o da naknakmen. Da azwazwain o yamacimanig a vazay. Da ji ngawawan o kasasaodan da do karawan.

1 Yowani 5:19

Tamo katenngan o kapacikaop ta ji Ama ta do to. So ta pakatenngan do kapacikownongan da ji Satan no yaji manganoyong a tao do karawan.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 20:15

O abo so ngaran do vakong a adketan no ngarangaran da no yanan na rana no to meyyonong a ikavyay no pahad da am iwalit na sira do akman so awa so karakorako a lila no apoy.

Ipaziman 20:3

Meyratateng am iwalit na no tinsi si Satan do abo so takadan a gazawagaw a jyatenngi so karaherahem a kaneb na rana jya a patodwan a kaji na ranay mapeykawadan so peycyamahamahatawan so ipakazivo na (1000) so awawan a ji meytotwaw. Manet rana o asa zivo (1000) so awawan am powboten na rana. Am ji meyyonownay a kaneb na rana jya.