Matay 7:12 - Seysyo No Tao

¹² No si kakzeben nyo o kapya da so nakem jinyo no icyatatao nyo am akman kamo sang so nakem jira. Ta ori o na agagazan no nivatvatkan ni Moyse a kano panoyonoywan na so ciring ni Ama ta do to.

Matay 7:12 ပူးပေါင်းရင်းမြစ်များ

Matay 5:17

“Ji nyo mancyan yaken a yambalinas so iwawalam ni Moyse a kano nanao da no panoyonoywan na so ciring ni Ama ta do to. Ta yaken rana am yako patwawen o peypeypangayan na.

Locya 6:31

No si kakzeben mo o kapya da so nakem jimo no icyatatao mo am akman sang o nakem mo jira an.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

Yake 2:8

No si manoyong kamo a mangozay do ciring do Seysyo am, “To mo mangozai o aryarilaw mo so kataotao mo a marilaw no icyatatao mo.” Ta ori rana am ney makdeng na a iwawalam na ni Ama ta do to. No si peyvazain nyo ori am manoyong kamo na so ahahapan sya.