Matay 6:9 - Seysyo No Tao

⁹ No meynozi kamo am inarahen nyo ya an. ‘Mo Ama do to, inaoy no si mamimin o tao a zomwazway so meylimwang a ngaran mo.

Matay 6:9 ပူးပေါင်းရင်းမြစ်များ

Matay 10:29

Kakwakwan da no likta meyyasasalap ori a na manakem ni Ama ta do to am imanngo kamo.

Matay 23:9

Ji nyo mancyan o tao do karawan a ama nyo, ta yasa o Ama nyo a Tao do to.

Matay 26:29

To ko na macitangayan jinyo am ji ko na ngyop so potaw cyo a mangay do araraw no ikeypirwa ko a macikaop jinyo do teyngato, no si papwen na ni Ama ta do to o katalamozong na no vayo a karawan.”

Matay 26:42

Maniring do ipidwa na kangay a meynozi ni Yeso am, “Mo Ama, no ji mo amya o alalaw ko a komaro jyaken am to mo na mangozai o nakenakem mo.”

Matay 5:16

Akman kamo so zezak ang a peycitacittan da no tao. So inaran nyo si Ama ta do to a tey yapya. Ta no si macita da inyo no tao a tey yapiya so ahahapan sya am admadmain da rana si Ama ta do to.

Matay 5:48

Inarahen nyo si Ama nyo do to a tey yapya so ahahapan sya.

Matay 6:14

“No si peykabobwen nyo o raraten da jinyo no icyatatao nyo am akman sang si Ama ta do to a amvonas so raraten nyo.

Matay 6:6

No meynozi kamo am somdep kamo do vahay a kapangneb nyo a mapasyasi ji Ama ta do to. Ta iya o makacita jinyo do sahad no vahay nyo. So amizngan na jinyo.

Matay 7:11

Kakwakwan nyo a meyraraten a tao a yamakateneng do kapanta no anak nyo so pipya kanekanen a imanngo rana si Ama ta do to. Ta jyabo kaji na norwan nya jinyo no amin nyo o ikeykakza nyo a.

Locya 15:18

Apyapya rana o kapeysinaoli ko ji ama kapanci ko nya jya so, Mo ama, ko nyalalasan si Ama ta do do a yako kalalas jimo an.

Locya 15:21

Maniring o anak na am, ‘Mo ama, ko nyalalasan si Ama ta do to a yako kalalas do akman jimoo. So ji mo na abneki jyaken a anak mo an.’

Locya 2:14

“Azwazwain takamo si Ama ta do to. Inaoy si itoro na jira do omraralay nya tao do teyrahem o ikapiya no onowned da.”

Yowani 20:17

Maniring si Yeso am, “Ji mo minani yaken, ta yako pa jya nimangay ji Ama. Angay da kakteh ko do cinai a kapanci mo nya jira so ko kapeysinaoli a mangay ji Ama a Tao do to ta. Ta iya rana am ta kalovotan a Tao do to.”

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

Loma 8:15

Ta o itoro na ni Ama ta do to a Seyzi am beken a mapeylamlamsoy jinyo a omanyanyahey jinyo, ta peyvaliwen na inyo a akma ney anak ni Ama ta do to. So oyatan na jyaten no Seyzi a tomawag ji Ama ta do to a manci no, “Mo Ama.”

Cyalatay 1:1

Yaken rana am si Pawlo ko. O yako ipeyngongyod a lamlamsoy na ni Ama ta do to am beken a tao o yaniomrara jyaken a omlivolivon no ciriciring na ni Ama ta do to, ta si Yeso Kizisto a kani Ama ta do to a nimapeyvangon si Yeso Kizisto o yanitomovoy jyaken.

Cyalatay 4:6

O nitovoyan na sya jinyo ni Ama ta do to so Seyzi ni Kizisto am kamo meyngongyod rana akma ney anak. Am ori o nyo jyanigi a yatomawag ji Ama ta do to a Ama nyo.

1 Timotay 6:16

Ta si Ama ta do to am jyawakwak. Meyvahay do ji macisngeni no tao a maniray. Abwata pa o nimakacita sya tao. So ikabo no macisazap jya. Inaoy no to meyyonong a azwazwain ta, katalamozong na nyaten. Amin.

1 Pite 1:17

No kamo meynozi am nyo abneken si Ama ta do to a Ama nyo. Iya rana am ji mapeycyakaban a yamanita so mina vazay no tao. Am ori o panadnadan nyo sya an, do iyan nyo pa do karawan.

Ipaziman 4:11

“Panirsirngen namen, Tao do to namen, manoyong ka mahap so azwazway a kano keynakman a kano oyowyat. Imo nimangamamaog so makakaday. Mamimin a nakenakem mo o nikamaog no makakaday.”

Ipaziman 5:12

a omlololos a meyyanwanood. O aingan no anood da am, “O niwakwak da Kagling am manoyong a mahap so oyowyat a kano keynakman a kano teneteneng a kano azwazway a kano sarasaray a anwanooden.”