Matay 6:5 - Seysyo No Tao

⁵ “No meynozi kamo am ji nyo nginara o tanwasiwasi so nakenakem a makza no keyyan da do peyneynozyan a kado rararahan a meynozi a amngongyod so kapacita nya do tao. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Matay 6:5 ပူးပေါင်းရင်းမြစ်များ

Matay 21:22

No makdeng kamo so nakem ji Ama ta do to am o amin nyo do inozi nyo am mahap nyo.”

Matay 23:13

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am nyo taywen o oyowyat ni Ama ta do to do tangain no tao. Nyo ji mya o kataotao nyo a macikaop do italamozong ni Ama ta do to. Akman sang o tao a nyo ji mya a yamacikaop do italamozong ni Ama ta do to.

Matay 23:5

O yamakakaday a vazay da am yamamimin a yada ipacita do tao. Pangain da do kataotao da o akmey kavangan a adketan no ciring do Seysyo. Da kangednged do aywayob da yapadketan so azwazong na.

Matay 23:6

No macyakakan sira am amlisna sira do pamanongan na. No somdep sira do peyneynozyan am mangay sira amlisna do lilisnan no meynakem a tao.

Matay 6:1

“Makapzat kamo. Ji nyo mapacitacittan o kakdekdeng nyo a manaralay do tangain no tao. Ta no si makman kamo so sang am ji nyo ngakzeba o keyyan no yazaw na jinyo ni Ama ta do to.

Matay 6:16

“No ji kamo mangakaday a meynozi am ji nyo nginara sira o tanwasiwasi a tao, do kakma dey mapasingat a mapacita no kaji da nimangakadayan a meynozi. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Matay 6:2

No mangazaw ka am taosya o kapacita mo nya, akman so tanwasiwasi do peyneynozyan a kado rarahan a mapacita no kasidong da so tao. Ko ipanci pa jinyo am tana mahap da o kazwayan da do karawan am abo rana mahahap da a kadmayan da ji Ama ta do to.

Matay 9:38

Am ori o ipeynozi nyo ji Ama ta do to a kapanovoy na so tao a meylimwang no ciriciring na.”

Make 11:25

No meytatanek kamo a meynozi am manmanma o kato nyongbowan so oyaoyyan nyo no maoya ninyo a tao. Ta ori o vonasan na ni Ama ta do to so raraten nyo.

Make 12:38

Maniring pa si Yeso do nanawan na sira am, “Azimanen nyo sira o mangnanao no iwawalam ni Ama ta do to a tao. Sira rana am da ikakza o da kapeyyayob so pipya ayob a yamangonong do rarahan. Ikakza da o kararalay da nira no tao do karwarwan no tao.

Locya 11:43

Inyo rana tao a macyagom do Vadisay am to kanyo makasi an. Ta nyo ikakza o nyo kalisna do pamanongan no peyneynozyan a kado karwarwan no tao a komakzeb so da kararalay ninyo no tao.

Locya 18:1

Ipanci na jira ni Yeso o payyaingen na sya ipait na sira a meynozi.

Locya 18:13

Am o mapeyvazay so deyking a tao ori am meytatanek do ngoso no rako a panaralayan. Ji nadkeci o katangara na so hanit a mapalogod so moing na a manci no, ‘Mo Ama do to, ikasyasi mo pa yaken a yameyraraten a tao an.’ ”

Locya 20:47

Littan da o vao a mavakes do kahap da so kangangay da, kato da ngidan so inozi da mapakapyapya so nakem. Sira rana ori am mangay o kangay na jira no rako a peyoyaoyyan na ni Ama ta do to.”

Locya 6:24

“Am inyo rana aro so peymeymasaodan sicyakwaya am to kamo makasi no makwa an. Ta yanyo na nimataptap o ileylamnay nyo an.

Yowani 16:24

Sicyaikwaya am yanyo pa ji meyhanhanan o ngaran ko a mapasyasi ji Ama ta do to. So amin nyo sya an, ta itoro na jinyo. Am ori o ikanoyong nyo a tey masaray rana.

Ivoso 6:18

Miminen nyo ori a ipeynozi ji Ama ta do to a kasidong na jinyo. Abo ji nyo meynozyan a tomala so Seyzi a meypalanginan ninyo. Ori o ipeytataziman nyo. Ji nyo amtadan o kapeynozi nyo no akma nyoy kakteh do cinai.

1 Tesalonicya 5:17

Ji kamo amtad a meynozi.

Yake 4:6

Ta arakorako pa o sidongan na jyaten ni Ama ta do to. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”