Matay 6:30 - Seysyo No Tao

³⁰ O tamek am amyan pa sicyaraw eya. Am simaraw am mahayo rana a kapasleb rana sya do apoy. Tana akman sang o tamek a ji meyyonownay do tana am yana padketan ni Ama ta do to so na ikazway a savong na. Kakwakwan na rana no tamek am imanngo kamo na. Ta jyabo kaji na mantan ninyo so ayob nyo a. Am nyo kaji makanetan so nakenakem ji Ama ta do to.

Matay 6:30 ပူးပေါင်းရင်းမြစ်များ

Matay 14:31

Makarahan am jya nimeyyahahay si Yeso a mangay komatkat sya. Maniring am, “Yatey likey pa o onowned mo, ta mo ji meyhanhan nyaken. Ikongo o mo peykarwan so onowned mo a yaji meyhanhan nyaken.”

Matay 16:8

Ikongo do katenngan na rana ni Yeso o ipanci da, am ori o nipancyan na nya jira so, “Ikongo nyo kazyakan no nyo kajya nimapalolwan so kanen. Yatey likey pa o onowned nyo jyaken a manta ninyo so kanen nyo.

Matay 17:17

Maniring si Yeso am, “Kamo tey yalikey pa so nakenakem ji Ama ta do to a tao sicyaikwaya do yanyo kapeyraraten. Akman rana so wanjin o kownownay ko a macikaop jinyo. Akman ko rana so wanjin a marilaw ninyo. Ayyan kamo o kanakan do jya.”

Matay 8:26

Maniring si Yeso am, “Ikongo nyo ikanyahey. Yakamo tey likey pa so nakenakem ji Ama ta do to.” Makarahan am meyvangon a kasirisiring na rana so rako a pagpag a kano paopaong a karekhang na rana nya.

Make 4:40

Maniring rana si Yeso do macinanao jya am, “Ikongo nyo ikanyahey. Nyo ji meyhanhanan si Ama ta do to?”

Make 9:19

Maniring si Yeso jira am, “Kamo manoyong pa yaji makanet so nakenakem ji Ama ta do to a tao sicyaikwaya. Akman rana so wanjin o kownownay ko a macikaop jinyo. Akman ko rana so wanjin a marilaw ninyo. Ayyan kamo do jya o kanakan.”

Locya 12:28

O tamek rana am amyan pa sicyaraw eya. Am simaraw am mahayo rana a kapasleb rana sya do apoy. Tana akman sang o tamek a ji meyyonownay do tana am yana padketan ni Ama ta do to so na ikazway a savong na. Kakwakwan na rana no tamek am imanngo kamo na. Ta jyabo kaji na mantan ninyo so ayob nyo a. Am nyo kaji makanetan so nakenakem ji Ama ta do to.

Locya 9:41

Maniring si Yeso am, “Ikongo nyo ji meyhanhani ni Ama ta do to. Akman rana so wanjin o kownownay ko a macikaop jinyo. Akman ko rana so wanjin a marilaw ninyo.” Maniring do tao ori am, “Ayyan o anak mo do jya.”

Yowani 20:27

Maniring ji Tomase am, “Patozey o lima mo do jya. Cita pala o lima ko. Pacisngen a kapinan mo do tagtagzang ko. Taosya rana kaji mo manganwanoyngan an. So ipanganoyong mo an.”

Sipolay 3:12

Inyo rana akma koy kakteh do cinai am meypepzat kamo an. Ta kalittan o onowned no tatasa jinyo a meyparai do to meyyonong a Tao do to ta a ji manganoyong.

1 Pite 1:24

Akman so ciring do Seysyo. Ta maniring am, “Yamamimin o tao a yakmey tamek. O kapyapya da am akman so savong no tamek a ji meyyonownay a mavozas.