Matay 6:19 - Seysyo No Tao

¹⁹ “Taosya o pangangagoman nyo so kangangay nyo do karawan, ta mavozsok ori, amraci ori, takawen da ori no manakaw a tao.

Matay 6:19 ပူးပေါင်းရင်းမြစ်များ

Matay 19:21

Maniring si Yeso am, “No si kakzeben mo o kapyapya na pa no ahahapan mo sya am to mo na mimina ipanazang o kangangay mo a ipanidong so makasi a tao. Ta ori iyan no kangangay mo do teyngato, a kapacilolo mo rana jyaken.”

Matay 6:20

Apyapya pa o kakzan nyo no kangangay nyo do teyngato. Ta abo do dang o vozsok a koman sya. Ji raci do dang. Abo dang o manakaw a tao.

Locya 12:21

Pakavosen ni Yeso o ciring na am ipanci na o, “Sira rana o yamanokoz no kataotao da so peymeymasaodan da am beken a katenngan a tao do tangain ni Ama ta do to o akman sang a tao an.”

Locya 12:33

Ipanazang nyo o peymeymasaodan nyo a isidong nyo so ji makahakaw a tao. So ikanoyong nyo amyan do teyngato so peymasaodan a kano kangangay, ta abo dang o tao a tomakaw sya. Abo dang o vozsok a koman sya. So ikanoyong na no peymeymasaodan do dang a ji nyo a giji.

Locya 12:39

Naknakmen nyo o yameykasayan. Ta no katenngan no mapeyvahay sya o araraw no yai no manakaw a tao am jyabo kapakatakaw no manakaw ang.

Locya 18:22

Mamizing na ni Yeso o ciring na am patonggalan na. Maniring am, “Am yasa ka vazay pa o mo jya nimahap. Miminen mo a ipanazang o kangangay mo a itoro do ipangoyongoyod da tao. Ta ori o iyan na no keynakman mo do teyngato, a kapacilolo mo rana jyaken.”

Locya 18:24

Macita na ni Yeso o kamoymoyngan na am ipanci na o, “Tey masalit o meynakem a tao a italamozong na ni Ama ta do to an.

1 Timotay 6:17

Pazimanen mo do aro so kangangay sicyaikwaya an, ta ji sira mapakazwazway. Ji da meyhanhanan o aro a apzapzatan da, ta ji da tenngi o kato na meyyonongan no nang a ikapya da. Ta si Ama ta do to o ipeyhanhan da yamanta nyaten so meycyamadadayan.

Sipolay 13:5

Ji nyo pahama o kakzan nyo no nizpi. Isaray nyo no onowned o amyan rana jinyo. Ta maniring si Ama ta do to am, “To meyyonong o kaji ko ngarwan jimo. So ji ko mapaveyvowi jimo a manta nimo so kalahen mo no nakem.”