Matay 6:14 - Seysyo No Tao

¹⁴ “No si peykabobwen nyo o raraten da jinyo no icyatatao nyo am akman sang si Ama ta do to a amvonas so raraten nyo.

Matay 6:14 ပူးပေါင်းရင်းမြစ်များ

Matay 5:7

“O marilaw no icyatatao da am tey yapya sira. Ta akman sang si Ama ta do to a marilaw nira.

Matay 6:12

Vonasen mo o raraten namen, akman jyamen a ji mapeyyan sya do onowned so raten da jyamen no icyatatao namen.

Matay 7:2

Ta o ahahapan nyo so panraherahetan nyo so icyatatao nyo am akman sang o ahapan da sya no tao a amraherahet jinyo. To macilocilolo do kakdekdeng no iraherahet nyo so icyatatao nyo o raherahetan da jinyo.

Make 11:25

No meytatanek kamo a meynozi am manmanma o kato nyongbowan so oyaoyyan nyo no maoya ninyo a tao. Ta ori o vonasan na ni Ama ta do to so raraten nyo.

Locya 6:37

“Ji kamo manraherahet so icyatatao nyo an. No si manraherahet kamo so icyatatao nyo am akman kamo sang a raheraheten da. Ji nyo mancyan o karatan no tao, ta ori o icyakman nyo sang a ji da raheraheta no tao. Peykabobwen nyo o raraten da jinyo an. So icyakman nyo so sang a peykabobwen da so raraten no tao an.

Ivoso 4:32

O kapya nyo so nakenakem do kadwan jinyo. To nyongbowa o oyyan nyo no kadwan jinyo, akman si Ama ta do to a yatongbo so raraten nyo, do na kanimawakwak ninyo ni Kizisto.

Kelosi 3:13

Macisidosidong kamo. No amyan so kazyakan nyo no kadwan jinyo am to nyo peykabobwa. Inarahen nyo si Yeso Kizisto a Panirsirngen ta a nimapeykabobo so raraten nyo.

Yake 2:13

Ta no mapacici si Ama ta do to am ji na arilawan sira o ji mangarilaw a tao. Ta o mangarilaw so icyatatao na o avyain na. So ikabo no ikanyahey da no mangarilaw a tao do tangain na ni Ama ta do to.

1 Yowani 3:10

O peytarkan no anak ni Ama ta do to a kano macibedbed pa ji Satan am o macibedbed pa ji Satan am ji dakzan o apya. Ji da arilawan o icyatatao da.