Matay 6:10 - Seysyo No Tao

¹⁰ Inaoy no italamozong mo o karawan. Inaoy no mai jyamen do teyrahem o apiya ahahapan mo sya do teyngato.

Matay 6:10 ပူးပေါင်းရင်းမြစ်များ

Matay 12:50

Ta o mahap so vazay ni Ama do to a tao am ori o abneken ko a kakakteh ko a kano ina ko.”

Matay 16:28

To ko na macitangayan jinyo am o tao a yatomanek do jya am amyan jira ang so makapis pa jyaken a Nipamnekan na ni Ama ta do to a tao a mai a tomalamozong no karawan, do ikamavyay da pa.”

Matay 26:42

Maniring do ipidwa na kangay a meynozi ni Yeso am, “Mo Ama, no ji mo amya o alalaw ko a komaro jyaken am to mo na mangozai o nakenakem mo.”

Matay 3:2

Maniring am, “Mamlis kamo na, ta yarana makeykai o na katalamozong ninyo ni Ama ta do to.”

Matay 4:17

Nimyapo no kanang o kapeylimwang na rana ni Yeso no nanao na. Maniring am, “Karwan nyo o peyraratenan nyo, ta yarana makeykai o yana katalamozong ninyo ni Ama ta do to.”

Matay 7:21

“O tomawag jyaken a tao a manci no, ‘Mo Panirsirngen, mo Panirsirngen,’ am jyamimin sira macikaop do italamozong ni Ama ta do to. Ta o mahap so nanao ni Ama ta do to o macikaop jya.

Make 11:10

Inaoy si ipanlanlag na ni Ama ta do to o yamakaranes a meypanirsirngen a macipalit do ineynapo ta si Tawey. Inaoy si mangay ji Ama ta do to o azwazway na.”

Make 3:35

Ta o mahap so vazay ni Ama ta do to a tao am abneken ko a kakteh ko a ina ko.”

Locya 19:11

Makapya sira omamizing so ciring na ni Yeso am mangamaog so payyaingen na ciring na. Am no kanang am makeykai rana si Yeso a makaranes do Yelosaleng. Naknakmen da am, “Ala oya rana o papwen na so katalamozong na nyaten ni Ama ta do to.”

Locya 19:38

Maniring sira am, “Azwazwain ta o Panirsirngen ta a nitovoy ni Ama ta do to. So iyan na do teyngato no sarasaray a kano azwazway a mangay jimo, mo Ama do to.”

Locya 22:42

Maniring am, “Mo Ama, no si apyahen mo am pakarwen mo o yamasagpaw a alalaw ko an. Am ji mo mangozai o nakenakem ko, ta kapangozay mo do nakenakem mo.”

Yowani 4:34

Maniring si Yeso jira am, “O kanen ko am onotan ko a pakavosen o vazay no yanitomovoy jyaken.

Yowani 6:40

Ta o nakenakem ni Ama am mahap da o to meyyonong a ikavyay no pahad da no makateneng jyaken a kano omanoyong jyaken a tao, a kapeyvangon ko pa sira no makaranes rana o araraw no kapeykapyapinpin na ni Ama ta do to so tao.”

Yowani 7:17

No manoyong o tao a mangononong do apyahen ni Ama ta do to am katenngan na o ka yaken na, ka si Ama ta do to no nanao.

Nimlivolivon 13:22

Pakarwen na ni Ama ta do to si Sawlo am pamnekan na si Tawey a panirsirngen da. Maniring si Ama ta do to am, ‘Yako ikaglaw si Tawey anak ni Yesi, ta na miminen o vazay ko ahapen.’

Nimlivolivon 21:14

Ji namen a pasovoy si Pawlo am to namen rana a macipanadngi. Maniring namen am, “Inaoy no si mangononong o ahahapan na sya ni Ama ta do to.”

Nimlivolivon 22:14

Maniring jyaken am, ‘Yana nipamnekan imo no Tao do to da no ineynapo ta a mahap so vazay na, do mo kanimakacita si Yeso a Anak na ni Ama ta do to, do kanimakamizing mo so ciring ni Yeso.

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Ivoso 6:6

Beken a no mangay da citahen inyo no lawpan o ikakdeng nyo a mahap so vazay da. Ta omaing do kararalay nyo ni Ama ta do to o kasaray nyo a mahap so vazay da, do kakma nyoy kalamsoyan ni Kizisto.

Kelosi 1:13

Na nyagag yaten do kasarisaryan a na kaparapong jyaten do italamozong no Anak na ni Ama ta do to.

Kelosi 1:9

Mamizing namen inyo am masangib namen a meynozi ninyo. Ipeynozi namen o kapanta na ninyo no Seyzi so makakaday a teneteneng a makateneng do nisidongan na jinyo ni Ama ta do to a kano peypalanginan na ninyo.

1 Tesalonicya 4:3

O nakenakem na ni Ama ta do to am kakzeben na o kazngang no onowned nyo. Ji na mamyapyan inyo a mangzakza so icyatatao nyo.

1 Tesalonicya 5:18

Tana apya, tana marahet o masapa nyo am o kasaray nyo ji Ama ta do to. Ta ori rana am nakenakem na jinyo ni Ama ta do to a omanod ji Yeso Kizisto a tao.

Sipolay 1:14

Ikongo o tinsi. Sira rana am na kalamsoyan sira ni Ama ta do to a somidong so yarana makahap so to meyyonong a ikavyay no pahad da tao.

Sipolay 10:36

Ji kamo macimazikna do vazay na ni Ama ta do to. Ta ori o ipakahap nyo so mina ciring na jinyo ni Ama ta do to no makwa.

Sipolay 10:7

Am ori o ko pancyan no, ‘Oya ko do jya a yamangozay do nakenakem mo, mo Ama do to, akman so yadomket do Seysyo a yaomagaz jyaken a vazay.’ ”

Sipolay 13:21

Inaoy si itoro na jinyo ni Ama ta do to o makakaday a ileylamnay no nakem nyo a kowyat na jinyo a mahap so isaray na vazay. So ikanoyong nyo a mahap so nakenakem ni Ama ta do to, do nyo kararalay ni Yeso Kizisto. Inaoy si mangay o azwazway ji Kizisto mangay do kaidan no karawan. Amin.

1 Pite 2:15

Ta o nakenakem na jinyo ni Ama ta do to am zazatan nyo no apiya icicirawat nyo o ji mamayok a ciring da no macioya ji Ama ta do to a tao.

1 Pite 4:2

Pamindahen nyo rana sicyaikwaya o kaji nyo rana mangozayan do malas a monganay jinyo a onowned nyo. Ta o apyahen na ni Ama ta do to o ahapen nyo, do ipeyigegen nyo pa do karawan.

Ipaziman 11:15

Avyotan no ikapapito no tinsi am amyan so macyak a ciring do teyngato. Maniring am, “Oyowyat a yatomalamozong no karawan am yamonganay do Panirsirngen ta kani Kizisto a nipamnekan na a yatomalamozong nya a mangay do kaidan no karawan.”

Ipaziman 12:10

Karahan am makamizing ko pa do teyngato so macyak a ciring. Maniring am, “Oya rana o araraw no na patazadangan jyaten ni Ama ta do to. Na rana nipacita ni Ama ta do to o oyowyat na. Yana rana nipatwaw ji Kizisto o oyowyat na a meymatmatngeh no teyngato. Ta na rana nipapispis do teyrahem ni Ama ta do to o yamraherahet so akma tey kakteh do cinai do maraw a kado mahep do tangain na ni Ama ta do to.

Ipaziman 19:6

Mamizing ko paha o akmey amlololos a aro a tao. O ciring da am akma raney azda kano adey a zomaigezeg. Maniring am, “Anooden si Ama ta do to, ta yatey mowyat a yarana myan do Panirsirngen.

Ipaziman 20:4

Macita ko o aro a lilisnan no panirsirngen a lisnan no tao. Sira rana am mamimin sira nipanta na so oyowyat da a mapacici a mapeykapyapinpin so tao. So nipakacittan ko so pahad da no niwakwak da a meylimwang no nanao ni Yeso a kano ciriciring na ni Ama ta do to a tao. Sira rana am ji da niraralay o omalalam a kano kamamagenan na. Jidket do zozogwan da kado lima da o ngaran no omalalam. Sira rana am nimamimin sira nimirwa a mavyay a kapacizanod da ji Yeso a meypanirsirngen do asa zivo (1000) a awawan.