Matay 5:8 - Seysyo No Tao

⁸ “O ji meylimoteng so onowned a tao am tey yapya sira. Ta mangay kapakacita da si Ama ta do to no makwa.

Matay 5:8 ပူးပေါင်းရင်းမြစ်များ

Nimlivolivon 15:9

pacittan na no kapeyyangangay na jyaten a patazadangen do teyngato. Na nivonas o raraten da no beken a tao do Yotay, do da kanoyong rana ji Yeso.

1 Kedinto 13:12

O tamo katenngan sicyaikwaya am akmey avwavong apo do kowpasan a kagami a jyasingkad. Am no makwa am mapengkad ta rana. So ta pa ji makamimini si Ama ta do to a katenngan sicyaikwaya. Am no makwa am manoyong o kapakateneng ta rana jya, akman si Ama ta do to a makamimin jyaten a yakatenngan.

2 Kedinto 7:1

Am ori an manga kakteh an, no yamanoyong o akman sang a nakem na jyaten ni Ama ta do to am apzatan ta o onowned ta an. Ji ta mamyapyan o kataotao ta kano nakenakem ta a macizavoz do raraten. Ta naknakmen ta o kaji tamo meylimotngan so onowned a omraralay ni Ama ta do to.

Tito 1:15

Ta o ji meypinarek so onowned a tao am abo marahet jira kanekanen da. Am o meyraraten a ji manaralay a tao am abwata o asa ka vazay da apya, mangay do nakenakem da kano onowned da ji macipayok.

Sipolay 10:22

Am ori o ikanoyong ta jyablis so onowned a akmey nioyasan so onowned a kano kataotao a omanop ji Ama ta do to.

Sipolay 12:14

Makowyowyat kamo pa mapeypyapya so nakenakem nyo a kano tao. Ahapen nyo o ji meylimoteng a onowned nyo a macikaop jira. No abo o akman sang jinyo am abo jinyo o makacita si Ama ta do to do teyngato.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

Yake 4:8

Macikasngen kamo ji Ama ta do to a kapacikasngen na jinyo. Inyo a yameycyakawad so nakem ji Ama ta do to a tao am ablisan nyo na o malas a onowned nyo a kaji nyo na meylimotngan so onowned.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

Ipaziman 22:4

Sira rana am pacimatan da rana o moing na ni Ama ta do to. O ngaran na ni Ama ta do to am domket do zozogwan da.