Matay 5:7 - Seysyo No Tao

⁷ “O marilaw no icyatatao da am tey yapya sira. Ta akman sang si Ama ta do to a marilaw nira.

Matay 5:7 ပူးပေါင်းရင်းမြစ်များ

Make 11:25

No meytatanek kamo a meynozi am manmanma o kato nyongbowan so oyaoyyan nyo no maoya ninyo a tao. Ta ori o vonasan na ni Ama ta do to so raraten nyo.

Locya 6:35

So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao.

Loma 11:30

No kakwa am ji nyo ngonoci si Ama ta do to a beken a tao do Yotay. Am nyo na mahap o pangangasyan na ni Ama ta do to. Ta da ji ngonoci si Ama ta do to no tao do Yotay.

1 Kedinto 7:25

Omagaz rana do ji pa nimacivahavahay a tao am abo nimahap ko a nakenakem na ni Yeso Kizisto. Am kanimarilaw na nyaken ni Ama ta do to a meyhanhan nya. So ko pangozayan do kataotao ko a yamapatwaw so ciring ko.

2 Kedinto 4:1

Yamanoyong si Ama ta do to a yamarilaw nyamen do na kapahanhan jyamen do vazay na. Ori o namen rana jyaraci nya so onowned.

Ivoso 4:32

O kapya nyo so nakenakem do kadwan jinyo. To nyongbowa o oyyan nyo no kadwan jinyo, akman si Ama ta do to a yatongbo so raraten nyo, do na kanimawakwak ninyo ni Kizisto.

Kelosi 3:12

Si Ama ta do to o yamarilaw ninyo a nimamnek jinyo a akma ney anak. Am ori o ipangarilaw nyo a mapanalawbo so aktokto nyo, ta kapiya nyo so nakem do tangain no tao a jyahayo so onowned.

1 Timotay 1:13

Am tana niraherahet ko si Yeso no kakwa pa a kapakakasi ko sira pasnesneken so omanoyong jya am na ikarilaw yaken ni Ama ta do to, ta no kanang am ji ko nganoyngi pa si Yeso. So ji ko makatenngi do vazay ko.

1 Timotay 1:16

Am kanikasi na nyaken ni Ama ta do to. Ta si Yeso Kizisto am manoyong a nimapapalit do nakenakem ko a meyraraten a tao. Na jyahaywan yaken a tey rako so raraten a tao. So ipakateneng da rana do pangangarilawan na ni Ama ta do to no manownowji amraralay nya tao, kapakahap da rana so to meyyonong a ikavyay no pahad da.

Sipolay 4:16

Am ori an, ji tamo a mogawi a omasngen do tangain ni Ama ta do to a omahap so itoro na jyaten a pangangasyan na kano pangangarilawan na a isidong ta so kataotao ta no makasazi ta so alalaw ta.

Sipolay 6:10

Ji mapeycyakaban si Ama ta do to. So na ji makahamangi do pangangarilawan nyo a kano vazay nyo. Ori rana am vazay nyo do karwan no sinjya a yajimtad a yasomidong sira.

Yake 2:13

Ta no mapacici si Ama ta do to am ji na arilawan sira o ji mangarilaw a tao. Ta o mangarilaw so icyatatao na o avyain na. So ikabo no ikanyahey da no mangarilaw a tao do tangain na ni Ama ta do to.

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

1 Pite 2:10

No kakwa am beken a italamozong na inyo ni Ama ta do to. Am sicyaikwaya am na rana italamozong inyo. No kakwa am ji nyo a tenngi o pangangasyan ni Ama ta do to. Am sicyaikwaya am nyo na nimahap o pangangasyan na.