Matay 5:6 - Seysyo No Tao

⁶ “O manoyong a komakzeb so kahap da so vazay na ni Ama ta do to am tey yapya sira. Ta mahap da o amin da ji Ama ta do to.

Matay 5:6 ပူးပေါင်းရင်းမြစ်များ

Locya 1:53

Na absoin sira o makcin a tao a kapteng na sira so mabsoy a tao.

Locya 6:21

“Inyo rana yamakcin sicyakwaya am manoyong o kasaray nyo, ta mabsoy kamo na. “Inyo rana yamlavi sicyakwaya am manoyong o kasaray nyo an, ta mangay na pasarain inyo ni Ama ta do to an.

Locya 6:25

“Inyo rana mabsoy sicyakwaya am to kamo makasi no makwa an, ta mangay o kakcin nyo an. “Inyo rana yasomaray sicyakwaya am to kamo makasi no makwa an, ta mangay o kalavi no onowned nyo an.

Yowani 4:14

Am o amyop so itoro ko a ranom am to sira meyyonong a ji rana awaw. O itoro ko jya ranom am akmey atbod do onowned na a komalangboy. So ikanoyong na makahap so to meyyonong a ikavyay no pahad na.”

Yowani 6:27

Taosya o kaziknan nyo no ji mamayok a kanekanen. Ta apyapya pa o kaziknan nyo no kanen a yapwan no to meyyonong a ikavyay no pahad nyo. O kanen rana ori am yaken o yatomoro nya jinyo. Ta yaken a Nipamnekan na ni Ama ta do to a tao o tomoro no akman sang jinyo. Ta yarana amyan jyaken so oyowyat na ni Ama ta do to. Ori rana am yongkad na no yanitomovoy jyaken.”

Yowani 7:37

Ney makdeng na o pangavosan da mamaring so kanen. No kano nang am meytatanek si Yeso. Maniring a amlolos am, “No mawaw a tao am mai jyaken amyop.

Ipaziman 7:16

So ji da ranakcini a ji da rana awawi a kaji da rana dangdangan no araw a kano yazidangdang na.