Matay 5:5 - Seysyo No Tao

⁵ “O mapanalawbo so kataotao da tao am tey yapya sira. Ta mahap da o nipanci na pa ni Ama ta do to a yazaw na sira.

Matay 5:5 ပူးပေါင်းရင်းမြစ်များ

Matay 11:29

Ahapen nyo o vazay ko. Inarahen nyo yaken. Ta o nakenakem ko am mapanadnad so nakem a ji makazyazyak. No si akman kamo sang am manoyong kamo a keyhepawan so kataotao.

Matay 21:5

“Si maniring kamo do tao do Yelosaleng am, Cita kamo o Panirsirngen nyo a mai. Iya rana am na ji pakaranga o kataotao na a omavang do anak no baka.”

Loma 4:13

O mina ciring na ni Ama ta do to ji Apolahan am itoro na o karawan ji Apolahan a kano sivosivovoong na. Am beken a kahap na ni Apolahan so iwawalam na ni Ama ta do to o peycirngan na sya, ta yamonganay do na kapeyhanhan ni Ama ta do to ni Apolahan. Ori nyabnekan na sya ni Ama ta do to abo so raraten do tangain na.

Cyalatay 5:23

ji mapahama so nakem, ji to mangozangozay do nakem. So ikabo no pasobnan na a ciriciring na ni Ama ta do to no akman sang a tao.

Ivoso 4:2

Taosya o kapahama nyo so nakem nyo. Apyapya pa kapiya no nakem nyo do icyatatao nyo. Ji kamo meyoyaoya. Ta karilaw nyo no kadwan jinyo.

Kelosi 3:12

Si Ama ta do to o yamarilaw ninyo a nimamnek jinyo a akma ney anak. Am ori o ipangarilaw nyo a mapanalawbo so aktokto nyo, ta kapiya nyo so nakem do tangain no tao a jyahayo so onowned.

1 Timotay 6:11

Am imo rana am na nipamnekan ni Ama ta do to a yamahap so vazay na. So peymakarwan mo na do akman sang a marahet a kahap mo so meysominogat a onowned. Macilolo ka do apyahen na ni Ama ta do to a kapeyhanhan mo nya. Ji mo a haywan o kapangarilaw mo. Ji ka hayohayowen. Ji ka oyaoyahen.

2 Timotay 2:25

No akman sang o inanao na so ji ngahap so nanao a tao am ala ipanta na sira ni Ama ta do to so ipamlis da so nakenakem, kapakateneng da rana do manoyong a nanao na ni Ama ta do to.

Tito 3:2

Vavagan mo sira ji manamwad so icyatatao da, kaji da macivaivaitan. Manganyanig sira so tao. Ji sira mapahama so nakem do icyatatao da.

Yake 1:21

Am ori an, vonasan nyo so marahet a nakenakem nyo a kano marahet a icicirawat nyo a omonot ji Ama ta do to a omahap so ciriciring na a na akmey nipamowa do onowned nyo a mapatazadang jinyo do teyngato.

Yake 3:13

Sino jinyo o yamateneng a tao. No si myan am apyapya o kapehbo na so nakem na a mapeyvazay so apiya vazay.

1 Pite 3:15

Ji kamo a haha so nakem ji Kizisto. Iraralay nyo a panadnaden o Panirsirngen nyo. Mangday kamo do araraw a omnakenakem so itovis nyo do mapacici jinyo, do raralayan nyo ni Ama ta do to a mapatazadang jinyo do teyngato.

1 Pite 3:4

Ta ney makdeng o kapiya no onowned nyo. Ta o tey yapya so nakenakem do icyatatao na ji makazyazyak a mangay do ikararakehan na am tey mazway o akman sang do tangain na ni Ama ta do to.