Matay 5:45 - Seysyo No Tao

⁴⁵ Ta ori o ipeyngongyod nyo a akma ney anak ni Ama ta do to. Ta yameyyangay sira o apya so nakenakem a tao a kano marahet so nakenakem a tao a na cirain ni Ama ta do to no araw. So na icyakman sang no cimoy a na itoro do apya so nakenakem a kano marahet so nakenakem a tao.

Matay 5:45 ပူးပေါင်းရင်းမြစ်များ

Matay 5:9

“O mapeyyalalap so nakem no meykaoya tao am tey yapya sira. Ta abneken na sira ni Ama ta do to a akma ney anak.

Locya 6:35

So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao.

Yowani 13:35

No si manoyong o kapasicyakarilaw nyo am katovilan da na inyo no tao do karawan a manoyong a omanop jyaken.”

Nimlivolivon 14:17

Am yaro makakaday a yapya vazay na yongkad na jinyo a yamarilaw ninyo. Na ipanta inyo so cimoy. Na nipasaod o mowamowa nyo. Na absoin inyo. Na pasarain o onowned nyo.”

Ivoso 5:1

No kamo manoyong a na tey kaglaw a anak na am inarahen nyo si Ama ta do to a tey yapya so nakenakem.

Veydipi 2:15

So nyo ji meylimotengi so onowned a abo so karatan a akma ney anak ni Ama ta do to a yamacikaop do meyraraten a tao do karawan. Ta inyo rana am akma kamoy zezak da, akman so mata no hanit a amzezak so kasarisaryan,

1 Yowani 3:9

O anak na rana ni Ama ta do to am ji da rana ngakdaya o kapeyraraten da. Ta macikaop jira si Ama ta do to. Am ori o ji da rana meyrarateni, ta Ama da rana si Ama ta do to.