Matay 5:44 - Seysyo No Tao

⁴⁴ Am ko pa ipanci jinyo am ikarilaw nyo sira o macioya jinyo a tao a kapeynozi nyo no mapakakasi jinyo a tao.

Matay 5:44 ပူးပေါင်းရင်းမြစ်များ

Locya 23:34

Maniring si Yeso am, “Mo Ama, vonasen mo o raraten da no yamapadket jyaken a tao an. Ta da jyatenngi o vazay da jyaken.” Meyratateng am masipangoyongoyot sira o itaysang no Loma amvonong so mina ayob na ni Yeso.

Yowani 13:34

O itoro ko a vayo a inanao ko jinyo am masicyakarilaw kamo. To nyo nita o aryarilaw ko jinyo. Ta akman kamo so sang a masicyakarilaw.

Nimlivolivon 16:28

Macita na ni Pawlo am tawagan na. Maniring am, “Ji mo manomai o kataotao mo. Cyaha, ta namen mamimin a yapa myan do jya.”

Nimlivolivon 7:60

a kapeylilitod na amlolos. Maniring am, “Mo Panirsirngen, ji mo naknakma o raraten da jyaken an.” Teyka na ipanci am mawakwak rana.

Loma 12:14

Ipeynozi nyo sira o mapakakasi jinyo a tao. Ji nyo manircirngi sira o macioya jinyo a tao.

1 Tesalonicya 5:15

Azimanen nyo an. Ji nyo patonggali o macioya jinyo a tao an. O kapasicyakarilaw nyo. O tey kakza da vazay no icyatatao nyo am peyvazain nyo.

1 Pite 2:23

No kavay da sya am abo o asa ka ciring na nipasapan na jira. No kapeyyalilima da jya am abo o asa ka ciring na yalalaw na sira. Ta kapasyasi na ji Ama ta do to a yamapeyyangangay so tao.

1 Pite 3:9

Ji nyo patonggali o karatan no kadwan jinyo. Ji kamo masyavavay. Ta kaovayovay nyo so kadwan jinyo. Ta no kapanop na jinyo ni Ama ta do to am akman so sang o nakenakem na jinyo.