Matay 5:30 - Seysyo No Tao

³⁰ No wanan mo do lima mo o nipeyraraten mo am to mo ranangteba a iwalit. Ta apyapya pa o kabo no asa ka lima mo a mai jyaken a kano kataotao mo a mangay do kararatan.

Matay 5:30 ပူးပေါင်းရင်းမြစ်များ

Matay 11:6

Omanoyong jyaken a ji meykarwa so nakem am tey yapya ori.”

Matay 13:21

Am ikongo do ji makayamot do onowned na, am no masazi na o alalaw na kano peyrarehtan da sya do kahap na so nanao ni Ama ta do to am makeykai a mablis o onowned na.

Matay 16:23

Meyvazingowngaw si Yeso am maniring ji Pite am, “Kazey mo Satan. Ta mo zazatan o ko pangonongan. Ta o nakenakem mo am beken a nakenakem ni Ama ta do to. Ta monganay do tao.”

Matay 17:27

Am taosya o kakma tey mapasobsobna. So to mo rana angai a mamasil. Si citahen mo o ngoso no ney manma na among mo am makacita ka so asa ka nizpi. Makanet rana ori a itoro ta deyking do rako a panaralayan.”

Matay 18:8

No si asa ka lima mo no beken a ai mo o ipeyraraten mo am to ranangteba kawalit nya. Tana abo lima kano ai a kapakahap so to meyyonong a ikavyay no pahad am apyapya pa o akman sang, a kano meynanod so lima kano ai a mangay payongben do jyahesep a lila no apoy.

Matay 22:13

Maniring rana o panirsirngen do lamlamsoy na am, ‘To nyo na vaoda o lima na kano ai na kapowbot nyo sya do pantaw a kasarisaryan a kalavi na meygazicigit so ngepen a maneneseh.’ ”

Matay 25:20

Mai o nipanta na so alima zivo am paciralayan na o alima zivo a nipeyparwan na no nizpi na. Maniring do lawpan am, ‘O nitoro mo jyaken a alima zivo asyo am nimeyparo so yalima zivo.’

Matay 26:31

Makarahan am maniring si Yeso do macinanao jya am, “Sicyamahep eya am mamimin kamo a amlikolikod jyaken a peymakarwan. Ta maniring do Seysyo am ‘Wakwaken ko o mapamangan so kagling a kapeyvwak da no kagling.’

Matay 5:22

Am ko ipanci jinyo am o macioya do akma ney kakteh do cinai am raraten na rana ori. Omavay so akma ney kakteh do cinai a abo so angangayan a tao am to rana angayan o akman sang a tao do pacicicyan. O mapasagsagpyan so akma ney kakteh do cinai am mangay do makotokotod a lila no apoy.

Matay 5:29

No si asa ka mata mo o nipeyraraten mo am to mo rana ngoswa a iwalit. Ta apyapya pa o kabo no asa ka mata mo a mai jyaken a kano kataotao mo a mangay do kararatan.

Make 9:43

No si lima mo o nipeyraraten mo am to ranangteba. Tana abo rana o asa ka lima a kapakasalap ji Ama ta do to am apyapya pa ori a kano meynanod so lima mangay do kararatan a matemtem no jyahesep a lila no apoy.

Locya 12:5

Ko pa ciring jinyo am sino manoyong a ikanyahey nyo. O ikanyahey nyo am o mahap so pahad nyo a kawalit na pa nya do kararatan. Ori rana am si Ama ta do to ori. So ika iya na no ikanyahey nyo.

Locya 17:2

Ta o akman rana sang a tao am apyapya rana o kapila jya mangay itbong do awa. Ta maraherahet o kapeypalanginan na no ji makapatak nya a tao do peyraratenan da.

Loma 9:33

Akman so ciring do Seysyo. Ta maniring am, “Citahen nyo, ta yako mapangay so yasa ka veysen do yasa ka ili a meyngaran so Sian. O veysen rana ori am cikadan da no tao. Am o meyhanhan nya tao am amyan so nakem na jira ni Ama ta do to.”

1 Kedinto 8:13

Am ori o no si ikarahet da o kanen ko no akma koy kakteh do cinai am ji ko na nganna o akman sang a kanen mangay no makwa. Ta maraherahet o kapacinara da jyaken no akma koy kakteh do cinai a marahet nya so onowned.

Cyalatay 5:11

No si ipeylimwang ko o kayongkad do kataotao am ikongo da rehrehtan jyaken. O da rehrehtan jyaken am ko ipeylimwang o jyojika ni Kizisto. Am ori o da oyyan nyaken no ji raralay ni Yeso.

1 Pite 2:8

Maniring pa do Seysyo am, “O Vato rana ori am cikadan da no tao a ikalektek da.” O icikad da no tao am ji da nganoyngi o ciriciring na ni Ama ta do to. Ori rana am ahapan na ni Ama ta do to so ji manaralay a tao.