Matay 5:3 - Seysyo No Tao

³ “O tao a omanoyong do kataotao da a ji makanet so nakenakem ji Ama ta do to am tey yapya sira. Ta macizanod sira do italamozong ni Ama ta do to.

Matay 5:3 ပူးပေါင်းရင်းမြစ်များ

Matay 11:25

No kanang am maniring si Yeso am, “Mo Ama a Panirsirngen do teyngato a kano karawan, ko isaray jimo, ta mo nibengbeng do mapakateneteneng a tao o aro a vazay, a mo kapatwaw sya do yamapehbo so nakem da a tao,

Matay 11:6

Omanoyong jyaken a ji meykarwa so nakem am tey yapya ori.”

Matay 13:16

“Am inyo am kamo tey yapya. Ta yamakacita o mata nyo. Yamakamizing o cicilwan nyo.

Matay 19:14

Maniring si Yeso jira am, “Pancyan sira o kanakan a mai jyaken. Ji nyo ngaza sira. Ta o italamozong na ni Ama ta do to am akman sira so sang.”

Matay 24:46

No mai o lawpan a kapakacita na so lamlamsoy na a makapeyvazay so vazay na am manoyong ori o ipanlanlag na.

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Matay 3:2

Maniring am, “Mamlis kamo na, ta yarana makeykai o na katalamozong ninyo ni Ama ta do to.”

Matay 8:11

Naknakmen nyo an. Ta myan so aro do peycyeylilyan a mai a macihanghang ji Apolahan a kani Isa kani Yakebo do italamozong na ni Ama ta do to do teyngato.

Make 10:14

Macita na sira ni Yeso o macinanao jya omza sira am maoya o aktokto na. Maniring jira am, “Pancyan kamo sira o kanakan a mai jyaken. Ji nyo ngaza sira, ta o italamozong na ni Ama ta do to a tao am akman sira so kanakan eya.

Locya 11:28

Maniring si Yeso am, “Manoyong ori am omamizing so ciring na ni Ama ta do to a kapeyvazay na sya am tey yapya o akman sang a tao!”

Locya 18:14

Maniring pa si Yeso am, “Ko pa ciring jinyo am no si mangay sira o yararwa ka tao ori am o abneken a apya so iyangay a tao do tangain na ni Ama ta do to am o yamapeyvazay so deyking a tao ori an. So ikabeken a tao a macyagom do Vadisay ori. Ta si Ama ta do to am peypavevehen na sira o mapakarakarang so nakem a tao a kapeypakatkat na sira so ji makazyazyak a tao an.”

Locya 22:29

Am ori o torwan ko nya jinyo so na nitoro jyaken ni Ama oyowyat na.

Locya 22:30

So ipacihanghang nyo jyaken do teyngato no makwa a kalisna nyo do lilisnan no pakaizain a tomalamozong no sivosivovoong da no rarwa so ikakarwan a ananak na ni Yakebo.”

Locya 4:18

“Yanimeygegcin jyaken o Seyzi na ni Ama ta do to. Ta yana nipamnekan yaken a mangay meylimwang no Mapasaray a Ciriciring na ni Ama ta do to do makasi a tao. Nitovoy na yaken a meylimwang no kasaway da rana no akmey kaneban a tao a kapakacita da rana no mavota tao a kasaliway da rana no peylamlamsoin da tao.

Yowani 20:29

Maniring jya si Yeso am, “Mo na anoyngan yaken, ta mo na nimacita yaken? Am o to nganoyong jyaken a ji nimakacita jyaken am tey yapya sira ori.”

Yake 1:10

Akman sang ahan. No akasen na ni Ama ta do to o peymeymasaodan da no omraralay nya tao am isaray da o akman sang an. Ta o peymeymasaodan no tao am akman so savong no tamek a mahayo a mababalinas.

Yake 1:12

No amyan so alalaw a kajyablisan so nakenakem ji Ama ta do to am tey masaray o akman sang a tao. Ta no jyablis o nakem na am mahap na o to meyyonong a ikavyay no pahad na a nakem na sira ni Ama ta do to so amraralay nya tao.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

Ipaziman 19:9

Makarahan am maniring jyaken o tinsi am, “Vatvatkan mo o katey yapya da no nitaidan na tao a macikasaray jya a nimatarek so vahay.” Maniring pa o tinsi am, “Manoyong ya ciring na ni Ama ta do to.”

Ipaziman 22:14

“O manownaw rana so onowned a tao am tey yapya sira. Ta sira rana am sira o apya koman so asi no kayo a yapwan no to meyyonong a ikavyay no pahad. So ika sira da no somdep do pazezevngen no ili.

Ipaziman 3:17

Kamo maniring am, “Ko mabsoy a yabo so yakalakalahen.” Am nyo jyatenngi nyo katey makasi a tao a mavak so velek a nyo kavota a yabo so ayob.