Matay 5:29 - Seysyo No Tao

²⁹ No si asa ka mata mo o nipeyraraten mo am to mo rana ngoswa a iwalit. Ta apyapya pa o kabo no asa ka mata mo a mai jyaken a kano kataotao mo a mangay do kararatan.

Matay 5:29 ပူးပေါင်းရင်းမြစ်များ

Matay 10:28

O makawakwak so kataotao a ji makawakwak so pahad am ji nyo anyaheyan. Si Ama ta do to o ikanyahey nyo. Ta iya o makawakwak so kataotao a kano pahad a alyowen do kararatan.

Matay 11:6

Omanoyong jyaken a ji meykarwa so nakem am tey yapya ori.”

Matay 16:26

Tana to na mimin o masaod no karawan na mahap a kaji na makahapan so to meyyonong a ikavyay no pahad na am ikongo peypeypangayan no akman sang. Ikongo pa o ipalit na pa so to meyyonong a ikavyay no pahad na.

Matay 17:27

Am taosya o kakma tey mapasobsobna. So to mo rana angai a mamasil. Si citahen mo o ngoso no ney manma na among mo am makacita ka so asa ka nizpi. Makanet rana ori a itoro ta deyking do rako a panaralayan.”

Matay 19:12

Ta aro peypeypangayan no kaji mapasakayan no tao. Ta tatasa ka tao o nimeycicinda no kalyalikey da o kasalit na jira no kapasakasakay da. Am o tatasa ka tao am amyan so peypeypangayan no kaji da mapasakasakayan. O tatasa ka tao am to da rana mamneki o kaji da mapasakasakayan, do kahap da so vazay ni Ama ta do to. So ipeykataretarek no tao a omahap so nanao eya.”

Matay 23:15

Inyo rana yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am kamo amlivolivon do peycyavanovanwan na yamapanod so tao. No sira omanod rana am nyo abwangen sira yaominara jinyo. So da ikaraherahet pa ka ninyo. So ikaraherahet da pa ioya na ni Ama ta do to.

Matay 23:33

Inyo rana yakmey katonodan no tokza am jyabo kapakaliklik nyo so pasingsingtan na jinyo ni Ama ta do to do kararatan a.

Matay 5:22

Am ko ipanci jinyo am o macioya do akma ney kakteh do cinai am raraten na rana ori. Omavay so akma ney kakteh do cinai a abo so angangayan a tao am to rana angayan o akman sang a tao do pacicicyan. O mapasagsagpyan so akma ney kakteh do cinai am mangay do makotokotod a lila no apoy.

Matay 5:30

No wanan mo do lima mo o nipeyraraten mo am to mo ranangteba a iwalit. Ta apyapya pa o kabo no asa ka lima mo a mai jyaken a kano kataotao mo a mangay do kararatan.

Make 8:36

Tana mahap no tao o peymeymasaodan do karawan a kaji na makahapan so to meyyonong a ikavyay no pahad na am ikongo peypeypangayan no nang!

Locya 12:5

Ko pa ciring jinyo am sino manoyong a ikanyahey nyo. O ikanyahey nyo am o mahap so pahad nyo a kawalit na pa nya do kararatan. Ori rana am si Ama ta do to ori. So ika iya na no ikanyahey nyo.

Loma 6:6

Tamo na katenngan o adan ta onowned a yarana akmey nimacizanod ji Kizisto a nipadket do jyojika. So ikanoyong ta na a nikomaro rana do raraten ta. So ikabo na rana no oyowyat no raraten a tomalamozong nyaten.

Loma 8:13

Ta no si to nyo mangozai o adan a onowned nyo am jyabo kaji nyo angayan do kararatan a. Am no si onotan nyo o Seyzi a komaro do raraten nyo am jyabo kaji nyo avyayan do teyngato a.

1 Kedinto 9:27

So ko apzatan do onowned ko. So ji ko to mangozai do apyahen ko. Ta ori o ji na wakwaki no azaw ko ji Ama ta do to. Ta maraherahet o kavozcin jyaken a kapakahap da sya no pamizngen ko a tao.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.