Am ko ipanci jinyo am o macioya do akma ney kakteh do cinai am raraten na rana ori. Omavay so akma ney kakteh do cinai a abo so angangayan a tao am to rana angayan o akman sang a tao do pacicicyan. O mapasagsagpyan so akma ney kakteh do cinai am mangay do makotokotod a lila no apoy.
Am ko pa ipanci jinyo am taosya o kapatonggal nyo do ji makazid jinyo. No amyan so tao a somiplang so wanan a posngi mo am to mo pa norwan o asa ka posngi mo a siplangen na.
Manoyong o na kapo ji Ama ta do to no iwawalam na ni Moyse. Am yaten rana am tao ta. Jyabo kapakataptap ta so yadomket a ciring do iwawalam na ni Moyse a.
Yabo da ji nitanita no mata da. Da pa ji makamyamyan o yamakakaday a yada peyraratenan. Da cirarahen sira o yaji makanet so onowned ji Ama ta do to a tao a mapasagpyan so kataotao da. Sira rana am da inaman o yada pangangagoman. So da ikanoyong a yana balinasen ni Ama ta do to.
O makakaday rana marahet do karawan a akman so pangangagoman ta kano ta macita a ikeykakza ta marahet a kano pahaman ta so nakenakem ta am mamimin ori a monganay do raraten no tao do karawan. So ji na monganai ji Ama ta do to.