Matay 5:22 - Seysyo No Tao

²² Am ko ipanci jinyo am o macioya do akma ney kakteh do cinai am raraten na rana ori. Omavay so akma ney kakteh do cinai a abo so angangayan a tao am to rana angayan o akman sang a tao do pacicicyan. O mapasagsagpyan so akma ney kakteh do cinai am mangay do makotokotod a lila no apoy.

Matay 5:22 ပူးပေါင်းရင်းမြစ်များ

Matay 10:17

Azimanen nyo o amrakep jinyo a kano mangay ninyo do pacicicyan a kabakbak da jinyo do peyneynozyan,

Matay 10:28

O makawakwak so kataotao a ji makawakwak so pahad am ji nyo anyaheyan. Si Ama ta do to o ikanyahey nyo. Ta iya o makawakwak so kataotao a kano pahad a alyowen do kararatan.

Matay 12:24

Mamizing da no tao a macyagom do Vadisay am maniring sira am, “O na ipakavozwaw so kalamsoyan ni Satan am na oyatan ni Satan a meyngaran so Peysepo.”

Matay 17:5

Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Matay 18:21

No kano nang am pacicin ni Pite si Yeso. Maniring am, “Mo Panirsirngen, no amyan so oyyan ko no kakteh ko am ipira ko a paoyowan. Manet rana o ipipito?”

Matay 18:35

Maniring pa si Yeso am, “Si ji monganay do onowned nyo o to nyo peykaboboi so oyyan nyo no kakteh nyo am akman sang si Ama ta do to jinyo.”

Matay 23:15

Inyo rana yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am kamo amlivolivon do peycyavanovanwan na yamapanod so tao. No sira omanod rana am nyo abwangen sira yaominara jinyo. So da ikaraherahet pa ka ninyo. So ikaraherahet da pa ioya na ni Ama ta do to.

Matay 23:33

Inyo rana yakmey katonodan no tokza am jyabo kapakaliklik nyo so pasingsingtan na jinyo ni Ama ta do to do kararatan a.

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Matay 26:59

O panipanirsirngen no mapatanatanang so nakem da si Ama ta do to a kano aro a meykaygi a tao am meykala sira so tao a mangamaog so iraherahet da si Yeso a ciring a iwakwak da sya.

Matay 3:17

Meyratateng am amyan so ciring a apo do teyngato. Maniring am, “Iya rana ya am Anak ko a ko tey kaglaw. So yako sarayan nya.”

Matay 5:34

Am ko pa ipanci jinyo am ji nyo panmanma o ciring nyo. Taosya o kapacipeyyeyyan nyo so nakem a paingen nyo do teyngato, ta akma ney lilisnan ni Ama ta do to o teyngato.

Matay 5:44

Am ko pa ipanci jinyo am ikarilaw nyo sira o macioya jinyo a tao a kapeynozi nyo no mapakakasi jinyo a tao.

Make 14:55

O panipanirsirngen no mapatanatanang so nakem da si Ama ta do to a kano aro a meykaygi a tao am meykala sira so tao a mangamaog so iraherahet da si Yeso a ciring a iwakwak da sya. Am ji sira makakala.

Make 15:1

Apnezak do ikadwa na araw am meykaygi rana sira o panipanirsirngen da no mapatanatanang so nakem da si Ama ta do to a kano kamanrarakehan a kano mangnanao no iwawalam ni Ama ta do to a kano aro a panipanirsirngen. Karahan am pamnekan da na o vazay da. Meyratateng am vaoden da na si Yeso a yangay ji Pilato.

Locya 12:5

Ko pa ciring jinyo am sino manoyong a ikanyahey nyo. O ikanyahey nyo am o mahap so pahad nyo a kawalit na pa nya do kararatan. Ori rana am si Ama ta do to ori. So ika iya na no ikanyahey nyo.

Locya 22:66

Madagdag am meysinsinmo rana sira o kamanrarakehan da no tao do Yotay a meysirisiring nya. Sira rana ori am panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to, kangay da ni Yeso do peykeykaygyan da.

Yowani 11:47

Am ori o nipeykaygi da no tao a macyagom do Vadisay a kano panipanirsirngen da no mapatanatanang so nakem da si Ama ta do to. Maniring sira do kaygi da am, “Yatey yaro o mapeyzokab a vazay na mina vazay. Meypanngonngo tamo.

Yowani 15:25

Am da na nimacita o vazay ko. So ikanoyong no yadomket do Seysyo a ciring. Maniring am, ‘Yabo na agagazan no da kato macioyyan jyaken.’

Yowani 7:20

Maniring sira o aro a tao am, “Ka kovotan eya an? Sino yamwakwak jimo.”

Yowani 8:48

Maniring sira o tao do Yotay ji Yeso am, “Namen ipanci imo a tao do Samadiya a yakovotan. Manngwa, yamalas ori?”

Nimlivolivon 17:18

Amyan dang so mangnanao no nanao ni Ipikolo a kani Sitoke. Sira rana am nimai sira macinekanekad ji Pawlo. Maniring o kadwan jira am, “Ikongo na ipanci no nya a yajyapsepsek ang.” Amyan so manci no, “Yana ipanci o da iraralay no tarek a pongso.” Ta o ipeylimwang na ni Pawlo am si Yeso a kano keypirwa na nimavyay.

Nimlivolivon 22:30

Ikongo do kakzeben na no panirsirngen da no itaysang o kapakateneng na do oyyan da ni Pawlo no tao do Yotay, am ori o niovayan na so nivaod da sya do ikadwa na araw a kalovot na so panipanirsirngen no mapatanatanang so nakem da si Ama ta do to a kano macipeykaygi jira a kamanrarakehan a kapowbot da si Pawlo a patanken do tangain da.

Nimlivolivon 23:1

Singkadan na sira ni Pawlo o macipeykaygi a tao. Maniring jira am, “Manga kakteh, o iwawalam ko no kalyalikey ko am abo pasagpyanan ko so nakenakem ko do tangain ni Ama ta do to a yato ngai sicyaraw eya an.”

Nimlivolivon 24:20

Am ipanci da pala no yamyan jya a panipanirsirngen o ko karatan a nimamizing da ciring ko do rako a peykeykaygyan do Yelosaleng.

Nimlivolivon 4:15

To da na mancyan sira makowbot do rako a peykeykaygyan a kapeysirsiring da rana no panipanirsirngen.

Nimlivolivon 5:21

Madagdag rana am somdep sira do rako a panaralayan a mangnanao. Meyratateng am o rako a panirsirngen da no mapatanatanang so nakem da si Ama ta do to a kano kararay na am lovoten da sira o kamanrarakehan da no tao do Yotay a kapanovoy da so tao a mai no amyan do pamemtengan a nipamnekan ni Yeso a omlivolivon no ciriciring na.

Nimlivolivon 5:27

Pasdepen da sira do rako a peykeykaygyan a kapatanek da sira do tangain da kapacici na sira no rako a panirsirngen no mapatanatanang so nakem da si Ama ta do to.

Nimlivolivon 6:12

Ori o nisozi da no aro a tao a kano kamanrarakehan a kano mangnanao no iwawalam ni Ama ta do to. Ori o nirakpan da si Setiven a yangay do rako a peykeykaygyan.

Nimlivolivon 6:15

So nikamimin da no myan do peykeykaygyan a tao a tomita si Setiven. Karahan am macita da o moing na akmey moimoing no tinsi.

Nimlivolivon 7:37

Si Moyse o nimanci nya do Isedi a tao so, ‘No makwa am amyan pa do sivosivovoong nyo so panoyonoywan na so ciring ni Ama ta do to a tovoin na jinyo akman jyaken a nitovoy na jinyo a Isedi.’

Loma 12:10

Masicyakarilaw kamo an. Ta inyo rana am akmey meyketeketeh kamo do tangain na ni Kizisto. So ipasikakanig nyo.

1 Kedinto 6:10

manakaw, mangamkam, masakisakin a kano manraherahet so icyatatao a kano amgacigat do tao a tomoro am o akman rana sang a tao am ji sira macikaop do italamozong na ni Ama ta do to no makwa.

1 Kedinto 6:6

Ikeykongo kamo a yamakalavat so da karatan no kakteh nyo do tangain no ji nganoyong ji Yeso a tao.

1 Tesalonicya 4:6

O akman rana sya vazay am taosya o kapasala nyo do akma nyoy kakteh do cinai an. Ta mangay o kaoya na no meyvazay so marahet a vazay ni Ama ta do to. Ori rana am nipaziman namen rana jinyo.

Tito 3:2

Vavagan mo sira ji manamwad so icyatatao da, kaji da macivaivaitan. Manganyanig sira so tao. Ji sira mapahama so nakem do icyatatao da.

Sipolay 12:25

Am makapzat kamo. Ji nyo to nazibwan o ciriciring na ni Ama ta do to amnanao jinyo. Sira rana ya a to nazibo no yanipeylimwang ni Moyse a ciriciring na ni Ama ta do to am abo taywan da do peyoyaoyyan na ni Ama ta do to. No si to ta nazibwan o ciriciring na ni Ama ta do to a yapo do teyngato am teywara rana o raraten ta.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

Yake 2:20

Nyo jyatenngi o kabo no peypeypangayan no ji mangononong do nakenakem na ji Ama ta do to?

Yake 3:6

O lila ta am akman rana so apoy. O lila rana ya am ney marahet na do peyvongvongwan ta. Ta yamapatwaw so akmey lila no apoy do kararatan a yamrahet so kangangay ta.

1 Pite 2:23

No kavay da sya am abo o asa ka ciring na nipasapan na jira. No kapeyyalilima da jya am abo o asa ka ciring na yalalaw na sira. Ta kapasyasi na ji Ama ta do to a yamapeyyangangay so tao.

1 Pite 3:9

Ji nyo patonggali o karatan no kadwan jinyo. Ji kamo masyavavay. Ta kaovayovay nyo so kadwan jinyo. Ta no kapanop na jinyo ni Ama ta do to am akman so sang o nakenakem na jinyo.

1 Yowani 2:9

No amyan so tao a manci no keyyan na rana do kazngangan a kaji na vonasan no pacioyyan na do akma ney kakteh do cinai am jyablis ori a amyan do kasarisaryan.

1 Yowani 3:10

O peytarkan no anak ni Ama ta do to a kano macibedbed pa ji Satan am o macibedbed pa ji Satan am ji dakzan o apya. Ji da arilawan o icyatatao da.

1 Yowani 5:16

No makacita kamo so akma nyoy kakteh do cinai a meyraraten am ipeynozi nyo ji Ama ta do to a kavonas na jya kapanta na nya so to meyyonong a ikavyay no pahad na. Am o omalalas do Seyzi am ji ko na mancyan o kapeynozi nyo nya. Ta manoyong o akman sang a peydednan no peyoyaoyyan na ni Ama ta do to.

Yota 1:9

Kakwakwan no panirsirngen no tinsi a meyngaran so Micyale a ji makadket ji Satan a avain, no kapeysolib da do kataotao ni Moyse no kawakwak na. O kanimanci na nya ji Satan so, “Ioya na imo ni Ama ta do to.”

Ipaziman 20:14

Karahan am balinasen na o kawakwakan a iwalit do akman so awa so karakorako a lila no apoy. O apoy rana am ipirwa kawakwak.