Matay 5:20 - Seysyo No Tao

²⁰ Am ori o ko pancyan ninyo a makowyowyat pa kano mangnanao no iwawalam ni Ama ta do to a tao a kano tao a macyagom do Vadisay a mapeyvazay so vazay na ni Ama ta do to. Ta ori saon o ipacikaop nyo do italamozong na ni Ama ta do to am.

Matay 5:20 ပူးပေါင်းရင်းမြစ်များ

Matay 16:12

Ori o nipakatenngan da rana ji Yeso no macinanao jya do kaji na ngaingan do kosozi no odong. Ta pakacirngen na do marahet a nanao da no tao a macyagom do Vadisay a kano macyagom do Satokay.

Matay 18:5

O mapanadnad jyaken a tomaotao so likta kanakan eya am kataotao ko na ori a taotawwen na.

Matay 3:10

Yana mazomtad o zaig do atngeh no kayo. O ji malasi a kayo am miminen na atbahen a kapasleb na sya do apoy.

Matay 7:21

“O tomawag jyaken a tao a manci no, ‘Mo Panirsirngen, mo Panirsirngen,’ am jyamimin sira macikaop do italamozong ni Ama ta do to. Ta o mahap so nanao ni Ama ta do to o macikaop jya.

Make 10:15

Ko pa ipanci jinyo am o tao a makza no katalamozong na nira ni Ama ta do to am inarahen da o kanakan a meyhanhan no inyapwan da.”

Make 10:25

O aro so peymeymasaodan am masalit a italamozong ni Ama ta do to. Mowwamek pa o meykavokovokoz so likod a baka a lomyos do lala no rayom, a kano aro so peymeymasaodan a tao a macikaop do italamozong na ni Ama ta do to.”

Locya 11:44

Am ori o to nyo makasi an! Ta yakanyo akman so jyasingkaji a heseb no tao a jyaziman no mangonong a tao. Tana hapen da o icicirawat nyo no tao am ji da tenngi o karahet no onowned nyo.”

Locya 12:1

No kanang am meycyalaklaksa o tao a meysilisilin. Am ori o nipacizasazasag da so ai. Meyratateng am panomanomahen na ni Yeso o kananao na so macinanao jya. Maniring am, “Azimanen nyo o iyangay da no tao a macyagom do Vadisay. Ta akmey yapya do cittan sya am beken a manoyong sira an.

Locya 18:17

Pakanakmen nyo an. No ji kamo akman so kanakan so onowned a meyhanhan ni Ama ta do to am ji na inyo nalamozongan ni Ama ta do to an.”

2 Kedinto 3:9

No manoyong o kazway no iwawalam ni Moyse a manci no raraten am arakorako pa o kazwayan na no vayo a pangozayan a ciring na ni Ama ta do to a makavonas so raraten ta, a kabo na rana no raraten ta do tangain na.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

Veydipi 3:9

Ko manoyong a yamacikaop jya. So ko na peymakarwan do mina vazay ko no kakwa. So ikanoyong ko na abo so karatan do tangain na ni Ama ta do to. O yako icyakman sang am ko ipeyhanhan si Kizisto. Beken a ko kahap so iwawalam na ni Moyse. Ta yamanoyong ya nitoro ni Ama ta do to o ikapya ko do tangain na.

Sipolay 12:14

Makowyowyat kamo pa mapeypyapya so nakenakem nyo a kano tao. Ahapen nyo o ji meylimoteng a onowned nyo a macikaop jira. No abo o akman sang jinyo am abo jinyo o makacita si Ama ta do to do teyngato.

Ipaziman 21:27

Am o meyraraten a kano marahet so iwawalam a kano mangalalas am ji sira makasdep. O amyan so ngaran do vakong no Kagling a yanan rana no to meyyonong a ikavyay no pahad da am ori o makasdep.