Matay 5:19 - Seysyo No Tao

¹⁹ No si amyan so tao a to nazibo no asa ka ciring do nivatvatkan a nanao ni Ama ta do to a kacirara na so tao a akman sya to nazibo nya am imaveveh na tao do italamozong na ni Ama ta do to. Am o tao a mahap so ciring na ni Ama ta do to a mapeyvazay sya a kacirara na so tao a mangozay jya am ney meynakem ori do italamozong na ni Ama ta do to.

Matay 5:19 ပူးပေါင်းရင်းမြစ်များ

Matay 11:11

O ko ipanci jinyo am yabo o tao no kakwa a makahap si Yowani. Am yawara sicyakwaya am yarana maizaizay o ney maveveh na tao do italamozong na ni Ama ta do to a kani Yowani an.

Matay 19:28

Maniring si Yeso jira am, “To ko na macitangayan jinyo am no makwa am no amlisna o Nipamnekan na ni Ama ta do to a tao do lilisnan na do teyngato am inyo rana yanimacilolo jyaken am amlisna kamo do adwa so icyarwa lilisnan no panirsirngen a tomalamozong no sivosivovoong da no rarwa so ikakarwan a ananak ni Yakebo.

Matay 20:26

Am inyo rana am ji nyo nginara o akman sang. No si amyan jinyo so makza no kaizay na am pavevehen nyo o kataotao nyo a manidong so icyatatao nyo an.

Matay 28:20

a kananao nyo sira a omahap so makakaday a yako ninanao jinyo. Am manakem nyo o kaji ko macisyayan jinyo a mangay do kaidan no karawan.”

Locya 1:15

Ta iya rana am katenngan a tao do tangain na ni Ama ta do to. So ji na ngyopi so saki. No kaji na tazakan a tao pa am nipabedbed na rana ni Ama ta do to o oyowyat na jya Seyzi.

Locya 11:42

“To kanyo makasi a tao a macyagom do Vadisay. Tana mapasina kamo so ipeykingking nyo ji Ama ta do to so meykamadadayan a monganay jinyo am yanyo to nazibwan o pangangarilawan na ni Ama ta do to a kano nakenakem nyo so icyatatao nyo. Ta ori rana am ji to nazibwan o akman sang a vazay an.

Locya 9:48

Maniring jira am, “O mahap so vazay ko a tomaotao so kanakan eya am yaken an o taotawwen da an. O tomaotao jyaken am akma dey taotawwen o nitomovoy jyaken an. Sino paro jinyo o to mapownot so nakenakem na mangarilaw so icyatatao na. Ta ori o pakarakehen a tao.”

Nimlivolivon 1:1

Kokay mo Tiawveylo. O ko nivatvatkan rana nimanma vakong am ko na nimimin o vazay na kano nipangnanao na ni Yeso,

Loma 3:8

“Ikongo ta jyangai a meyraraten a kapeypapya ta nya.” So da iyan no tao a yamanci no kapeyciring ko so sang, do da karaherahet jyaken. So ikanoyong da no akman sang a tao a peydednan na no oyaoyyan na ni Ama ta do to.

Loma 6:1

Manngwa, ji ta ngaroi o raraten ta a kato na ngarilawan nyaten ni Ama ta do to?

Loma 6:15

No akman sang am manngwa, apya saon o kato ta na meyraratenan a meyhanhan no pangangarilawan na ni Ama ta do to a makavonas so raraten ta? Jyabo kakman ta sang a.

1 Timotay 6:11

Am imo rana am na nipamnekan ni Ama ta do to a yamahap so vazay na. So peymakarwan mo na do akman sang a marahet a kahap mo so meysominogat a onowned. Macilolo ka do apyahen na ni Ama ta do to a kapeyhanhan mo nya. Ji mo a haywan o kapangarilaw mo. Ji ka hayohayowen. Ji ka oyaoyahen.

Tito 3:8

So ikabo no kalalasan no ciriciring eya. Pakanakmen mo a ipanci jira oya an, a kowyat da no amraralay ni Ama ta do to a tao a meyvazay so apiya vazay. Ta o akman rana sya vazay am tey yapya a makasidong so tao.

1 Pite 5:4

Ta no si makaranes rana o araraw ni Yeso Kizisto a yaomaponged ninyo am manoyong o kapakahap nyo rana so yazaw na jinyo a to meyyonong a azwazway nyo do teyngato.

1 Yowani 3:4

O tao a mapasobna do iwawalam ni Ama ta do to am raraten o akman sang. Ta o raraten rana am mapasobna do iwawalam ni Ama ta do to.

Ipaziman 2:20

Am yasa ka vazay pa o yako oyyan ninyo. Inyo rana am nyo to amyapya o malas so ciring a mavakes a meyngaran so Yesipi. Na cirarahen o lamlamsoy ko a mapasagpyan so kataotao da a yakoman so pazos da no yamalas a da iraralay.