Matay 5:18 - Seysyo No Tao

¹⁸ To ko na macitangayan jinyo am tana todangay do kaidan no karawan am abo asa ka ciring ni Ama ta do to a mabalinas.

Matay 5:18 ပူးပေါင်းရင်းမြစ်များ

Matay 10:15

To ko na macitangayan jinyo am no marateng rana o araraw no kapeykapyapinpin na so tao ni Ama ta do to am makdekdeng pa o oyaoyyan na do ji naotao jinyo a kano nipasingsingkad na do tao do Sotoma kano Hamola no kakwa pa.

Matay 10:23

No peyrarehten da inyo do asa ka ili am to kamo na nayo a mangay do asa ka ili. To ko na macitangayan jinyo am ji nyo pa nilivon o ili do Isedi a peylimwangan no ciriciring ko am meyhekas ko rana a Nipamnekan na ni Ama ta do to a tao.

Matay 10:42

To ko na macitangayan jinyo am o maglaw no pakananaken da a omraralay nyaken a tao am jyabo kaji na makahapan so nakem na sya ni Ama ta do to a.”

Matay 11:11

O ko ipanci jinyo am yabo o tao no kakwa a makahap si Yowani. Am yawara sicyakwaya am yarana maizaizay o ney maveveh na tao do italamozong na ni Ama ta do to a kani Yowani an.

Matay 13:17

To ko na macitangayan jinyo am aro o panoyonoywan na so ciring ni Ama ta do to a kano omraralay ni Ama ta do to no kakwa a makza no kapakacita da so nyo macita kano kapakamizing da so nyo mamizing. Am da jya nimacita. Da jya nimamizing.

Matay 16:28

To ko na macitangayan jinyo am o tao a yatomanek do jya am amyan jira ang so makapis pa jyaken a Nipamnekan na ni Ama ta do to a tao a mai a tomalamozong no karawan, do ikamavyay da pa.”

Matay 17:20

Maniring si Yeso am, “O nyo ikakman sang am yaji makanet pa o nakenakem nyo si Ama ta do to. To ko na macitangayan jinyo am tana akman kamo so alikey a vettow no nappa so kakdekdeng no nakem am tana to nyo nirsirnga o tokon a meylis do yanan na kangay na do kwang am meylis ori an. So ikabo no ji nyo a peyvazay a vazay.

Matay 18:18

“To ko na macitangayan jinyo am o raten nyo do teyrahem am raten ni Ama ta do teyngato. O apyahen nyo do teyrahem am akman sang a apyahen na do teyngato.

Matay 18:3

Maniring si Yeso am, “To ko na macitangayan jinyo am no si mamlis kamo akman so kanakan eya am ori o ipacikaop nyo do tao a italamozong na ni Ama ta do to.

Matay 19:23

Karahan am maniring si Yeso do macinanao jya am, “To ko na macitangayan jinyo am tey masalit o aro so peymeymasaodan a tao a macikaop do italamozong ni Ama ta do to.

Matay 19:28

Maniring si Yeso jira am, “To ko na macitangayan jinyo am no makwa am no amlisna o Nipamnekan na ni Ama ta do to a tao do lilisnan na do teyngato am inyo rana yanimacilolo jyaken am amlisna kamo do adwa so icyarwa lilisnan no panirsirngen a tomalamozong no sivosivovoong da no rarwa so ikakarwan a ananak ni Yakebo.

Matay 21:21

Maniring si Yeso am, “To ko na macitangayan jinyo am no manoyong kamo a meyhanhan ni Ama ta do to a ji meykarwa so nakem am akman kamo sang a makapeyvazay so yako mina vazay ang. Am beken a ori an. Ta tana to nyo nirsirnga o tokon a mangay do awa am mangay ori an.

Matay 21:31

Manngwa, sino jira ang o nimahap so ciring no ama da.” Maniring sira am, “O rakerakeh ang.” Maniring si Yeso am, “To ko na macitangayan jinyo am manmanma pa sira ka ninyo o mapeyvazay so deyking a tao a kano somagpyan a mavakes a macikaop do italamozong ni Ama ta do to.

Matay 23:36

To ko na macitangayan jinyo am o pasingsingtan ko do nimwakwak sira tao am mangay do tao sicyaikwaya!

Matay 24:2

Maniring si Yeso jira am, “O nyo macita panaralayan eya am to ko na macitangayan jinyo am mamimin o vato a da nyamaog sya mazdazday a kabwata na rana no asa ka veysen a mavezed do dang.”

Matay 24:47

To ko na macitangayan jinyo am manoyong rana o akman so sang a lamlamsoy a pahanhanen no lawpan a tomalamozong no peymeymasaodan na.

Matay 25:12

Maniring o mapasakasakay a tao am, ‘Ko inyo jyatenngi.’ ”

Matay 25:40

Maniring o Panirsirngen am, ‘To ko na macitangayan jinyo am no manidong kamo so akma nyoy kakteh do cinai a ipangoyongoyod no tao am kataotao ko na sira ori.’

Matay 25:45

No maniring rana o Panirsirngen am, ‘To ko na macitangayan jinyo am no ji nyo nidonga o ipangoyongoyod no tao am yaken rana ori a ikasekeh nyo a sidongen.’

Matay 5:26

To ko na macitangayan jimo am no si katorwan mo na o ahapen da jinyo a nizpi do kalasan mo am ori o ipakagag mo so kataotao mo.

Matay 6:16

“No ji kamo mangakaday a meynozi am ji nyo nginara sira o tanwasiwasi a tao, do kakma dey mapasingat a mapacita no kaji da nimangakadayan a meynozi. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Matay 6:2

No mangazaw ka am taosya o kapacita mo nya, akman so tanwasiwasi do peyneynozyan a kado rarahan a mapacita no kasidong da so tao. Ko ipanci pa jinyo am tana mahap da o kazwayan da do karawan am abo rana mahahap da a kadmayan da ji Ama ta do to.

Matay 8:10

Mamizing na ni Yeso o ciring na am niyak na. So nipancyan na nya do macihza jya tao. Maniring am, “To ko na macitangayan jinyo am ji ko pa nimakacita so akman sang so onowned do Isedi a tao.

Make 10:15

Ko pa ipanci jinyo am o tao a makza no katalamozong na nira ni Ama ta do to am inarahen da o kanakan a meyhanhan no inyapwan da.”

Make 10:29

Maniring si Yeso jira am, “To ko na macitangayan jinyo am o mahap so vazay ko a kano meylimwang no Mapasaray a Ciriciring ko a to rana ngaro do vahay da kano kakakteh na kano inyapwan na kano minapodpod jya kano nihakawan da am

Make 11:23

apya kapanci nyo no tokon a meylis a mangay do awa. No manoyong kamo a ji meykarwa so nakem ji Ama ta do to a omanoyong do ciring na am manoyong keyyan no akman sang a vazay nyo.

Make 12:43

Karahan am lovoten ni Yeso o macinanao jya. Maniring jira am, “To ko na macitangayan jinyo am yarwaro pa o na nipangay a kingking na no vao a kano aro a tao.

Make 13:30

Manakem nyo an, ta amyan kamo pa tao sicyakwaya am makaranes rana o akman sang a vazay.

Make 14:18

Maniring si Yeso do ikalimot da koman am, “To ko na macitangayan jinyo am yamyan jinyo so yasa ka tao a yamacihanghang jyaten a yamanazang nyaken.”

Make 14:25

To ko na macitangayan jinyo am ji ko rana ngyop so potaw cyo mangay no marateng o araraw na no kapacikaop ko jinyo a omyop do teyngato, no si papwen na ni Ama ta do to o katalamozong na no vayo a karawan.”

Make 14:30

Maniring si Yeso ji Pite am, “To ko na macitangayan jimo am si ipidwa o manok a tomazokokok do ji na pa araw eya am mangay keypitlo mo a omalalas jyaken.”

Make 14:9

To ko na macitangayan jinyo am no ipeylimwang o Mapasaray a Ciriciring na ni Ama ta do to do karawan eya am abo ji makalavat so mina vazay na jyaken no mavakes eya.”

Make 3:28

“To ko na macitangayan jinyo am o makakaday a raraten a kano marahet a ciriciring no tao am todamimin pa ori a mavonas.

Make 6:11

No mangay kamo do vahay da a kaji da raralayan ninyo a taotawwen a ji da ngamiznga so ciring am to nyo na ngaroi sira katoktok nyo so domket do ai nyo a tana, ta tovilan nyo jira meyraraten a tao a ji mamlis so nakenakem.”

Make 8:12

Am ori o nikarahet na so aktokto. Maniring jira am, “Ikeykongo kamo a tao sicyaikwaya yakomakzeb so yamapeyzokab a vazay. To ko na macitangayan jinyo am abo o ipacita ko jinyo a mapeyzokab a vazay.”

Make 9:1

“To ko na macitangayan jinyo am o yameytatanek do jya tao am amyan jira so makapis pa so azwazway na ni Ama ta do to a meygegcin do karawan do ikamavyay da pa.”

Make 9:41

To ko na macitangayan jinyo am o manta ninyo so ranom a yopen nyo do kanoyong nyo jyaken am tey saray na ori ni Ama ta do to.”

Locya 11:51

a nimapo ji Yapo kangay na do meyngaran si Sacyadiya a niwakwak da do panaralayan a masngen do patanatanangan so nakem si Ama ta do to. Ko pa ciring jinyo am mamwamoon do tao sicyakwaya o oyaoyyan na nira ni Ama ta do to.

Locya 12:37

Meysinaoli o lawpan am macita na o lamlamsoy na a yapiya so nakenakem. Ori o nisarayan na nira. Ko pa ciring jinyo am jyabo kaji na meyyaywayob no lawpan a mapalisna sira a kangay na tomaotao so lamlamsoy na.

Locya 13:35

So peymakarwan na jinyo ni Ama ta do to. Am ko pa ciring jinyo am ji nyo rana cita yaken an, todangay do pancyan nyo no, ‘Azwazwain ta o mai a nitovoy ni Ama ta do to.’ ”

Locya 16:17

Am makeykeykai pa o hanit a kano karawan a mabo a kano asa ka ciring na ni Ama ta do to.

Locya 18:17

Pakanakmen nyo an. No ji kamo akman so kanakan so onowned a meyhanhan ni Ama ta do to am ji na inyo nalamozongan ni Ama ta do to an.”

Locya 18:29

Maniring si Yeso am, “Ka jyalas. Am ko pa ciring jinyo am o to ngaro do kavavahay da kano kahanghangan na kano kakakteh na kano inyapwan na kano ananak na mahap so vazay ni Ama ta do to am,

Locya 23:43

Maniring si Yeso jya am, “Ko pa ciring jimo am macihza ka jyaken sicyaraw eya mangay do teyngato.”

Locya 4:24

Am ko pakoyokoin pa jinyo am yabwata o yasa ka panoyonoywan na so ciring ni Ama ta do to do macikeylyan a yada amizngan so ciriciring.

Yowani 1:51

Maniring pa jira si Yeso am, “To ko na macitangayan jinyo am macita nyo na o teyngato a kacyangan a kapakacita nyo na so aro a tinsi ni Ama ta do to a meygegcin jyaken a Nipamnekan na ni Ama ta do to a meysisinaoli sira do teyngato.”

Yowani 10:1

Maniring pa jira si Yeso am, “To ko na macitangayan jinyo am o jindep do aneb no amaot no kagling a kangay na meysopo jya am manakaw o akman sang.

Yowani 10:7

Am ori o nipancyan na nya jira. Maniring am, “To ko na macitangayan jinyo am yaken am akma koy asdesdepan do peyyamaotan so kagling.

Yowani 12:24

To ko na macitangayan jinyo am no ji pamowa do tana o mowahen am jyablis ori a asaha. Am no si pamowahen do tana am amlida rana kapalasi na rana.

Yowani 13:16

To ko na macitangayan jinyo am ji na meyhavasi no pavahain da tao o mapavahay sya an. Jyakarakarang o pahanhanen da kano mapahanhan sya an.

Yowani 13:38

Maniring si Yeso am, “Manngwa, manoyong o kangay mo nyaken so inawan an? Am to ko na macitangayan jimo am si omanam a tomazokokok o manok am ipitlo ka omalalas jyaken.”

Yowani 14:12

“To ko na macitangayan jinyo am mapeyvazay da o mina vazay ko no omanoyong jyaken a tao. So iyan no makapeyvazay so rakorakwan pa kano nang. O ikakman na sang am amyan ko na ji Ama do teyngato.

Yowani 16:20

To ko na macitangayan jinyo am mangay kalavi nyo a meykaoo. Am somaray sira o tao a ji nganoyong jyaken. Am cyaha, ta o lavyan nyo am no meyvoga am sarasaray nyo na.

Yowani 16:23

No si marateng o araraw ori am abo rana asa ka ciring a ipacici nyo jyaken. To ko na macitangayan jinyo am no mapasyasi kamo ji Ama kapeyhanhan nyo no ngaran ko am itoro na jinyo.

Yowani 21:18

To ko na macitangayan jimo am no kalavayo mo pa am to mo meyneynakman o angangayan mo. Am no rarakeh ka na am abo rana oyowyat mo a mapatozatozak do amvaod jimo a tomaosya so ji mo akzakzan a angayan.”

Yowani 3:11

To ko na macitangayan jimo am o namen katenngan a kano namen nimacita o namen patwawen. Am yanyo ji ngapa o yakman sang a yanamen patwawen.

Yowani 3:3

Maniring si Yeso am, “To ko na macitangayan jimo am no si ji mirwa a matazak a tao o tao am ji macikaop do italamozong na ni Ama ta do to a tao.”

Yowani 3:5

Maniring si Yeso am, “To ko na macitangayan jimo am no jya nimalikey o tao do ranom a kano Seyzi am ji macikaop do italamozong na tao ni Ama ta do to.

Yowani 5:19

Maniring pa jira si Yeso am, “To ko na macitangayan jinyo am no ko to mangozai o kataotao ko am abo mahap ko a vazay. Am ko na nimacita o vazay ni Ama. Am ori o ko to ngamooni sya peyvazain. O vazay ni Ama na am vazay no Anak na.

Yowani 6:26

Maniring si Yeso am, “To ko na macitangayan jinyo am o nyo kalan jyaken am beken a nyo kanimakacita so ko nipatwaw a yongkad do kanimapo ko ji Ama ta do to an. Ta nyo kakzeben o nyo kabsoy.

Yowani 6:32

Maniring si Yeso jira am, “To ko na macitangayan jinyo am jya nimapakas so kanen si Moyse, ta o apo do teyngato a kanen am si Ama ta do to o nitomoro nya.

Yowani 6:47

To ko na macitangayan jinyo am omanoyong jyaken a tao am mahap da o to meyyonong a ikavyay no pahad da.

Yowani 6:53

Maniring si Yeso jira am, “To ko na macitangayan jinyo am no si ji nyo nganna o kataotao ko a ji ngyop so rala ko a Nipamnekan na ni Ama ta do to a tao am abo jinyo o to meyyonong a ikavyay no pahad nyo.

Yowani 8:34

Maniring si Yeso jira am, “To ko na macitangayan jinyo am o meyraraten a tao am mamimin sira ori a lamlamsoy no raraten.

Yowani 8:51

To ko na macitangayan jinyo am o mahap so nanao ko am to meyyonong o akman sang a tao a ji rana wakwak.”

Yowani 8:58

Maniring si Yeso am, “To ko na macitangayan jinyo am ji pa nimatazak a tao si Apolahan am amyan ko rana.”

1 Pite 1:25

Am o ciring na ni Ama ta do to am to meyyonong.” Ori rana am Mapasaray a Ciriciring na ni Ama ta do to a yanamen rana nipeylimwang jinyo.

Ipaziman 20:11

Meyratateng am makacita ko so malavang a rako a lilisnan no panirsirngen a kano amlisna do dang. Ji rana cita o hanit a kano teyrahem a tomayo do tangain na.