Matay 5:17 - Seysyo No Tao

¹⁷ “Ji nyo mancyan yaken a yambalinas so iwawalam ni Moyse a kano nanao da no panoyonoywan na so ciring ni Ama ta do to. Ta yaken rana am yako patwawen o peypeypangayan na.

Matay 5:17 ပူးပေါင်းရင်းမြစ်များ

Matay 3:15

Maniring si Yeso jya am, “To ta macyozai o akman sya vazay an. Ta o ikakman na sya am ahapen ta o vazay ni Ama ta do to.” Makarahan am to na rana amya ni Yowani a taktakan si Yeso.

Matay 7:12

No si kakzeben nyo o kapya da so nakem jinyo no icyatatao nyo am akman kamo sang so nakem jira. Ta ori o na agagazan no nivatvatkan ni Moyse a kano panoyonoywan na so ciring ni Ama ta do to.

Locya 16:17

Am makeykeykai pa o hanit a kano karawan a mabo a kano asa ka ciring na ni Ama ta do to.

Yowani 8:5

Maniring do iwawalam ni Moyse am to rana abhebhesi a patoposen o somagpyan a akman so mavakes eya. Manngo ka do akman sang, mo Yeso.”

Nimlivolivon 18:13

Maniring sira am, “Iya rana am na ipanci do tao o kaji ngapan so iwawalam ta a tao do Yotay. Yamacitarek o na ipangnanao so tao a yana ipanop so tao ji Ama ta do to.”

Nimlivolivon 21:28

Maniring sira am, “Inyo rana Isedi a tao am sidongen nyo yamen an. Ta si Pawlo rana am yaro na nipanci a macisala do iwawalam ta, na niraherahet yaten a Isedi a tao a na kapazagom pa sya a yarehrehten so iwawalam na ni Moyse a kano rako a panaralayan ta. Ta sicyaikwa rana ya am na todey rara sira a yasomdep o beken a tao do Yotay do rako a panaralayan ta. So ikanoyong na nya ya meyraraten.”

Nimlivolivon 6:13

So niyan da do dang no nipanta da so nizpi a tao a mangamaog so malas a ciring a iraherahet da sya. Maniring sira am, “O tao rana ya am yamangday a yamraherahet so rako a panaralayan ta ya kano iwawalam ni Moyse.

Loma 10:4

O na nyai ni Kizisto do karawan am ipanci na o kabo no oyowyat no iwawalam na ni Moyse a amvonas so raraten no tao. Ta si Ama ta do to o makavonas so raraten ta tao. So ikanoyong no meyhanhan rana nya tao a abneken na ni Ama ta do to a abo rana so raraten do tangain na.

Loma 3:31

No akman sang am manngwa, todabo rana o oyowyat na no iwawalam na ni Moyse? Jyabo kakman na sang a. Ta o manoyong a meyhanhan ni Yeso Kizisto a tao am ori o ipanci a manoyong a mangononong do iwawalam na ni Moyse.

Loma 8:4

O nikakman na sang ni Ama ta do to am na ikarilaw yaten a ji makataptap so iwawalam ni Moyse. Am ori o na nitovoyan so Seyzi a omoyat jyaten a omonot do isaray na ni Ama ta do to a vazay, a ji rana meyraratenan.