Matay 5:14 - Seysyo No Tao

¹⁴ “Inyo rana am akma kamoy zezngang do karawan. Akman so vahay a nipatnek do tokon a abo so ji makacita sya tao.

Matay 5:14 ပူးပေါင်းရင်းမြစ်များ

Yowani 12:36

No myan pa o zezak am anoyngan nyo ori an. So ikanoyong nyo na mazngang so onowned.” Iptad na ni Yeso o ciring na am karwan na sira kangay na rana matarek do kabwan no tao.

Yowani 5:35

Kapalangayan no zampo si Yowani a amlila maniray. Am ji meyyonownay o sarayan nyo no zezak na.

Yowani 8:12

Maniring si Yeso jira am, “Yaken rana am zezak no karawan. O macilolo jyaken a tao am amyan jira o zezak no onowned da. So ji da rana ngyani do kasarisaryan.”

Yowani 9:5

No keyyan ko pa do teyrahem eya am zezak nyo yaken a tao do karawan.”

2 Kedinto 6:14

Ji kamo macizanod so onowned do ji manaralay a tao an. Ta ji meyyangay o pangtoktwan nyo a ka nira. Ta jyabo kapeyzavoz no apya kano marahet a. Akman sang o mazngang a kano kasarisaryan, ta ji meyzavoz.

Veydipi 2:15

So nyo ji meylimotengi so onowned a abo so karatan a akma ney anak ni Ama ta do to a yamacikaop do meyraraten a tao do karawan. Ta inyo rana am akma kamoy zezak da, akman so mata no hanit a amzezak so kasarisaryan,

1 Tesalonicya 5:5

Am inyo rana am kamo amyan rana do kazngangan, do nyo kapakaziman rana sya.

Ipaziman 1:20

O peypeypangayan no yapito a ka peyzeyzampwan a ovay a macita mo do wanan ko am yapito a ka kyokay. O yapito a ka mata no hanit am panipanirsirngen no yapito a ka kyokay.”

Ipaziman 2:5

To nyo rana naknakma o yanyo nikahahan no nakenakem an. So ipamlis nyo a amwoli so kararalay nyo nyaken an. Ta no si ji kamo mamlis am to ko nangai a mehes so peyzeyzampwan nyo.