Matay 5:12 - Seysyo No Tao

¹² Somaray kamo an. Ta yamyan do teyngato o makdeng a azaw nyo a ipasaray na jinyo ni Ama ta do to. Nimakalapo no kakwa o kakman da sang no panoyonoywan na so ciring ni Ama ta do to a nipakakasi da no tao.

Matay 5:12 ပူးပေါင်းရင်းမြစ်များ

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Matay 6:16

“No ji kamo mangakaday a meynozi am ji nyo nginara sira o tanwasiwasi a tao, do kakma dey mapasingat a mapacita no kaji da nimangakadayan a meynozi. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Locya 13:34

“Inyo rana tao do Yelosaleng am nyo niwakwak o panoyonoywan na so ciring ni Ama ta do to a nyo kabhebhes jira wakwaken so yana nitovoy ni Ama ta do to a lamlamsoy na jinyo. Ko ikakza o kapahawa ko jinyo do kanginanawan nyo akman so manok a komalopkop so anak na no panid na. Am nyo jyakzan.

Locya 6:23

Ta akman so sang o nakenakem da no ineynapo da no kakwa do panoyonoywan na so ciring ni Ama ta do to. Magaga kamo a somaray so onowned an. Ta amyan so arakorako pa ipasaray na jinyo ni Ama ta do to do teyngato an.

Locya 6:35

So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao.

Nimlivolivon 16:25

Avak no ahep am meynozi si Pawlo a kani Sila kapeyyanwanood da somaray ni Ama ta do to. O kararay da nipteng da am to da ngamiznga sira.

Nimlivolivon 5:41

Karwan da o rako a peykeykaygyan am masaray sira. Ta nakenakem na ni Ama ta do to o karahet da sira a meyhanhan ni Yeso.

Loma 5:3

Tana amyan so alalaw ta am masaray ta. Ta ori ipakateneng ta rana do ahapan ta sya no myan so alalaw ta.

1 Kedinto 3:8

O mapamowa sya kano tomaktak jya am meyyangay a lamlamsoy na ni Ama ta do to. So to na palololoi sya ni Ama ta do to do lamlamsoy na so itoro na jira.

2 Kedinto 4:17

O yaji meyyonownay a alalaw namen eya am ipakahap namen so maharahara pa, a to meyyonong a azwazway namen ji Ama ta do to.

Veydipi 1:29

O na nipamnekan jinyo am beken a nyo kanoyong ji Kizisto an, ta ahapen nyo o alalaw na a mahap so vazay na,

Veydipi 2:17

O raralayan nyo ni Ama ta do to am akmey nakem nyo a patanangen nyo jya. Tana wakwaken da rana yaken a pavoyogen so rala am cyaha, ta akmey nakem ko rana ori a patanangen ko ji Ama ta do to. So ko isaray, ta macizanod kamo jyaken a somaray.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

Kelosi 3:24

Manakem nyo o keyyan no nakem na jinyo ni Kizisto, do kanoyong nyo a makahap rana so nakem na so omanop jya tao. So ikanoyong ni Kizisto a ahapen nyo so vazay.

1 Tesalonicya 2:15

Sira rana tao do Yotay am niwakwak da si Yeso a Panirsirngen ta kano aro a panoyonoywan na so ciring ni Ama ta do to a da kavozwaw pa jyamehen. So da ikanoyong a yameyraraten do tangain na ni Ama ta do to. So icyakma dey kavosoyan no tao do karawan.

Sipolay 10:34

Akma kamoy to macizanod so alalaw do paneban da tao. No katakaw da so kangangay nyo a nyahap no tao am mina to nyo peykabobwa do onowned nyo. Ta katenngan nyo o kapakahap nyo so apyapya pa a peymeymasaodan nyo do teyngato.

Sipolay 11:26

Apyapyahen na pa o kapeyrarahet na mahap so vazay no Misayya. So nilikodan na do aro a peymeymasaodan da no tao do Ayci a pamoonen da jya. Ta anoyngan na o kapyapya na pa no peymeymasaodan ni Ama ta do to a itoro na jya.

Sipolay 11:33

Ikongo do nipeyhanhan da si Ama ta do to, am ori o nipakahap da so mina ciring na jira a somidong sira. So nibalinasan da so tao do livolivon no ili da. So nikapiya na rana no nyahahapan da sya. So icyakma dey nisomengseng do ngongoy no kokoman so tao, do kapeyhanhan da ni Ama ta do to a somidong sira.

Sipolay 11:6

No abo panganoyngan no tao am ji na narayan ni Ama ta do to. O mai do tangain ni Ama ta do to a tao am anoyngan da o keyyan ni Ama ta do to a macikaop jira a marilaw no komakzeb sya tao.

Yake 1:2

Manga kakteh, tana amyan so alalaw a mangay jinyo am somaray kamo an.

Yake 5:10

Naknakmen nyo sira o yamangozay do ngaran na ni Ama ta do to a yamnoyonoyo so ciring na tao an. Ta inarahen nyo sira a tongbo so alalaw da an.

1 Pite 4:13

Kasaray nyo a macizanod so alalaw ji Kizisto. Ta ori o ikasaray nyo no mai rana si Kizisto.