Matay 5:11 - Seysyo No Tao

¹¹ “No monganay jyaken o ji da ninigan ninyo no tao a pakakasin a tamwaden no marahet a ciring am manoyong katey yapya nyo.

Matay 5:11 ပူးပေါင်းရင်းမြစ်များ

Matay 10:18

mangay o kangay da ninyo do tangain da no panirsirngen a kado meymatmatngeh no teyhesa ka mahataw a pacicin. So ikanoyong nyo a meylimwang no Mapasaray a Ciriciring ko jira a kado beken a tao do Yotay.

Matay 10:22

Pacioyyan da inyo a yaomraralay nyaken. Am o jyamama no makakaday a alalaw a tao am mahap da o to meyyonong a ikavyay no pahad da.

Matay 10:25

O macinanao a tao am amyan so kasaraw a ipacingay da do amnanao sira. Akman sang o peylamsoin da tao, ta amyan so kasaraw a ipacikto da do mapeylamsoy sira tao. No ngaranan da o makayokod no asa ka vahay so marahet a ngaran a Peysepo am jyabo kaji da to macizagoman no macivahay jya tao a.

Matay 10:39

Ta o tao a makza no kasaray na do karawan am beken a ikapya na ori. Am o to ngawaw pa no kataotao na a mahap so vazay ko am mahap na o to meyyonong a ikavyay no pahad na.

Matay 19:29

O mahap so vazay ko a to rana ngaro do kavavahay da kano kakakteh da kano inyapwan da kano minapodpod jya kano nihakawan da am arwaro pa o makadpeh jira a kapakahap da so to meyyonong a ikavyay no pahad da.

Matay 24:9

“No marateng ori am rakpen da inyo a pakakasin a kawakwak da jinyo. So pacioyyan da jinyo a mahap so vazay ko.

Matay 27:39

O meyhatay jya tao am to da ligaligana o oo da mapasnesnek si Yeso.

Make 13:13

Pacioyyan da inyo a omraralay nyaken. Am o to ngotokot a jyahayo so nakem a omraralay nyaken am mahap da o to meyyonong a ikavyay no pahad da.

Make 13:9

“Azimanen nyo, ta rakpen da inyo a yangay do pacicicyan a kabakbak da jinyo do peyneynozyan, do kararalay nyo nyaken. So ikanoyong nyo a meylimwang no Mapasaray a Ciriciring na ni Ama ta do to do tangain da no panirsirngen a kano meymatmatngeh no teyhesa ka mahataw.

Make 4:17

Am ji makayamot o ciring na ni Ama ta do to do onowned da. No masazi da o alalaw da kano peyrarehtan da sira, do kahap da so nanao ni Ama ta do to am makeykai a mablis o onowned da.

Make 8:35

Ta o amnakenakem so kataotao na am maraherahet, ta mawakwak ori. Am o tao a to ngawaw pa no kataotao na a mahap so vazay ko a meylimwang no Mapasaray a Ciriciring na ni Ama ta do to am mahap na o to meyyonong a ikavyay no pahad na.

Locya 21:12

Am do ji na sasnaji pa no alalaw eya am o mahap so ngaran ko a tao am rakpen da sira no tao a kapakakasi da sira, kangay da nira do peyneynozyan a kaneb da jira a kangay da nira do tangain no panipanirsirngen.

Locya 21:17

Mangay o kaoya da ninyo a mahap so vazay ko.

Locya 6:22

“No ikaoya da inyo a ji da raralayan a kapanyanig da jinyo do kararalay nyo nyaken a Nipamnekan na ni Ama ta do to a tao am manoyong o kasaray nyo an.

Locya 9:24

Ta o tao a makza no kasaray na do karawan am beken a ikapya na ori. Am o to ngawaw pa no kataotao na a mahap so vazay ko am mahap na o to meyyonong a ikavyay no pahad na.

Yowani 15:21

Mamimin o akman sang a alalaw a mangay jinyo, do kamonganay nyo jyaken. Ta ji da tenngi o nimapahanhan jyaken.

Yowani 9:28

Am ori o nyavayan da sya. Maniring sira am, “Imo o na abneken a yamacilocilolo jya. Yamen am namen macilocilolo ji Moyse.

Nimlivolivon 9:16

Ta pazimanen ko jya o karo no alalaw na do ipeyvazay na jyaken.”

Loma 8:36

O aro a alalaw ta am akman so yadomket do Seysyo. Ta maniring am, “Anoyngan namen imo. Am ori o yanamen ipangday so araraw a yatoda jyangay so inawan. Yada yamen patpehen no tao do kagling a yaomanam a yada wakwaken.”

1 Kedinto 4:10

Da ipanci yamen no tao do karawan a abo so kapsepsekan, do namen kapangnanao no ciriciring na ni Kizisto. Am inyo am nyo ipanci o kataotao nyo a mateneng a meyhanhan ni Kizisto. So nyo ikowyowyat pa ka nyamen. So da kolalahan jyamen a da kanig ninyo.

2 Kedinto 4:11

O ikakman na sang am yamonganay ji Yeso Kizisto o yapwan no inawan namen.

Veydipi 1:29

O na nipamnekan jinyo am beken a nyo kanoyong ji Kizisto an, ta ahapen nyo o alalaw na a mahap so vazay na,

1 Pite 2:23

No kavay da sya am abo o asa ka ciring na nipasapan na jira. No kapeyyalilima da jya am abo o asa ka ciring na yalalaw na sira. Ta kapasyasi na ji Ama ta do to a yamapeyyangangay so tao.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.

Ipaziman 2:3

Yakamo tey mowyat so onowned a ji macizizikna do aro a alalaw nyo a mahap so vazay ko.