Matay 4:3 - Seysyo No Tao

³ Ori o nyangay ni Satan ji Yeso. Maniring jya am, “No ka manoyong a Anak no Tao do to am pancyan pala o aro a vato a kapeyvaliw na a myanpaw.”

Matay 4:3 ပူးပေါင်းရင်းမြစ်များ

Matay 14:33

O macikavang ji Yeso a macinanao jya am iraralay da rana si Yeso. Maniring sira am, “Namen anoyngan imo a Anak ni Ama ta do to.”

Matay 16:16

Maniring si Simong Pite am, “Imo rana am Misayya ka, Anak no yato meyyonong a mavyay a Tao do to.”

Matay 26:63

Am abo o asa ka ciring a pasapahen na jya ni Yeso. Ipirwa na pacicin no panirsirngen no mapatanatanang so nakem da si Ama ta do to am maniring ji Yeso am, “Ko na to mancyan o ngaran ni Ama ta do to a yamanci nimo a manci nya jyamen so manoyong rana ciring mo. Manngwa, manoyong ka ya Misayya, Anak na ni Ama ta do to an?”

Matay 3:17

Meyratateng am amyan so ciring a apo do teyngato. Maniring am, “Iya rana ya am Anak ko a ko tey kaglaw. So yako sarayan nya.”

Make 1:1

O Mapasaray a Ciriciring na ni Yeso Kizisto a Anak na ni Ama ta do to am oya o niyapoyapwan na.

Make 3:11

Macita da si Yeso no kovotan no kalamsoyan ni Satan a tao am meylilitod sira do tangain na kalololos da manci no, “Imo rana am Anak na imo no Tao do to.”

Make 5:7

a kalolos na. Maniring am, “Ikongo mo gogadan nyaken, mo Yeso a Anak no ney manokdwan na Tao do to. Ko ipanci do Tao do to o kaji mo pasingsingtan jyaken.”

Locya 1:35

Maniring o tinsi am, “O Seyzi na ni Ama ta do to o peyhekasen na jimo a kano oyowyat na. So na apzatan jimo ni Ama do to. Am ori o ikatazak na tao no Anak na ni Ama ta do to.

Locya 22:70

Maniring sira o aro a tao am, “Anak na imo saon ni Ama ta do to?” Maniring si Yeso jira am, “O nipanci nyo rana am yamanoyong.”

Locya 4:3

Maniring jya si Satan am, “No ka manoyong a Anak no Tao do to am pancyan pala o vato eya a kapeyvaliw na myanpaw.”

Locya 4:41

Meyratateng am to ngyan pa so kalamsoyan ni Satan a nimapo do kataotao da no aro a tao a omlololos a manci no, “Imo rana am Anak ka no Tao do to an.” So nioyyan na nira ni Yeso a ji na mya sira meyzezyak. Ta da katenngan o ka Misayya na.

Locya 4:9

So niraran na pa sya yangay do Yelosaleng a kangay na nya do toktok na no rako a panaralayan da kapanci na nya jya so, “No ka manoyong a Anak no Tao do to am okso pala do teyrahem ito.

Yowani 1:34

Ko na nimacita. Am ori o ko pancyan nya jinyo o na kanoyong a Anak na ni Ama ta do to.”

Yowani 1:49

Maniring si Natannay am, “Mo Mangnanao, ka manoyong a Anak ni Ama ta do to a Panirsirngen no Isedi a tao.”

Yowani 20:31

O yanipadketan so karwan na do vakong eya am anoyngan nyo ji Yeso a Misayya a Anak ni Ama ta do to. O manganoyong a tao am mahap da o to meyyonong a ikavyay no pahad da.

Yowani 9:35

Mamizing ni Yeso sira nimapagcin sya do peyneynozyan am mangay na kalahen. Karahan am pacicin ni Yeso. Maniring jya am, “Mo anoyngan o Nipamnekan na ni Ama ta do to a tao an?”

Nimlivolivon 9:20

a kangay na do aro a peyneynozyan a meylimwang ni Yeso a manoyong a Anak na ni Ama ta do to.

2 Kedinto 1:19

Akman sang o Anak na ni Ama ta do to a si Yeso Kizisto a yanamen nipeylimwang jinyo si Sila kani Timotay. Ta jyabliblis o ciring na. Ta o nipatwaw na rana ni Yeso a ciriciring na ni Ama ta do to am pangononongan na a peyvazain.

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

1 Tesalonicya 3:5

Am ori o ko nitovoyan si Timotay a mangay jinyo. Ta ko ikasinalaw inyo. O ko nitovoyan sya am ipakateneng namen do nakenakem nyo si Ama ta do to. So namen ji nganoyngi jinyo a na nilittan rana ni Satan. Ta no si manoyong o akman sang am akma nameney jya ninanao inyo no kakwa pa.

Sipolay 12:16

Taosya o kapasagpyan nyo so aktokto nyo. Ji nyo nginara si Isaw a meyparai ji Ama ta do to a mangazaw no ngaran na kabnekan ni ama na, do kaooo na no pinaring na kanen ni wari na.

Sipolay 4:14

Am ori o pangozayan ta do nakem ta yamraralay ni Ama ta do to. Ta yata ipeyhanhan si Yeso a ney manhama na mapatanatanang nyaten so nakem ta ji Ama ta do to. Iya rana am Anak ni Ama ta do to a yarana myan do tangain ni Ama ta do to.

Sipolay 7:3

Si Mocisete rana am abo do vakong o domket a ngaran no ama na kano ina na. So icyakman da sang no iteytetngehan da. So ji da nimapadkeci so araraw no cinatazak na kano cinawakwak na. So icyakma dey meyyangay a kano Anak ni Ama ta do to a mapatanatanang so nakem a mangay do kaidan no karawan.

1 Yowani 3:8

O meyraraten pa tao am macibedbed pa ori ji Satan. Ta nimeycicinda no kakwa o kapeyraraten na ni Satan. Ori na nyai no Anak ni Ama ta do to a ombalinas so vazay ni Satan.

Ipaziman 2:10

Ji nyo anyaheyan o yaomanam a alalaw nyo. Citahey kamo si Satan a yaomileylamdam so nakem nyo si Ama ta do to. So ikanoyong no tatasa jinyo a mangay na alyowen do pamemtengan. So ikasa ngarnan (10) no araraw na no peyrarehten no kataotao nyo. Am to kamo ngotokot so nakem. Ta ori o pantan ko ninyo so to meyyonong a ikavyay no pahad nyo.