Matay 4:19 - Seysyo No Tao

¹⁹ Maniring si Yeso jira am, “Macilolo kamo jyaken, ta nanawen ko inyo. So icyakma nyoy mangahahap a tao a mapanop so tao.”

Matay 4:19 ပူးပေါင်းရင်းမြစ်များ

Matay 16:24

Karahan am maniring si Yeso do macinanao jya am, “No amyan so tao a omonot jyaken am to na pangawawan o kataotao na a somabway no jyojika na macihza jyaken.

Matay 19:21

Maniring si Yeso am, “No si kakzeben mo o kapyapya na pa no ahahapan mo sya am to mo na mimina ipanazang o kangangay mo a ipanidong so makasi a tao. Ta ori iyan no kangangay mo do teyngato, a kapacilolo mo rana jyaken.”

Matay 4:18

Mangonong si Yeso do pasalan no rako a meybebneng a ranom a ngaranan da Cyadidi am macita na o rarwa ka tao a mangahangahahap a ngaranan da si Pite a si Simong a kano kakteh na a meyngaran so Antele a amzoyo no tawaz da.

Matay 4:20

Mamizing da am to da rana ngaroi o tawaz da a macilolo ji Yeso.

Matay 8:22

Maniring si Yeso am, “To mo macipanadngi sira o omonong do nimapoling so peylingalingayan a tao. Am imo rana am macilolo ka jyaken.”

Matay 9:9

Karwan na do dang ni Yeso am macita na o mapeyvazay so deyking a tao a meyngaran si Matay a omlisna do torotorwan no deyking a vahay. Maniring jya am, “Sijya, kapacilolo mo jyaken.” Meyratateng am meytatanek a kapacilolo na rana jya.

Make 2:14

Mangonong am macita na o mapeyvazay so deyking a tao. Iya rana am anak ni Alevey a meyngaran so Diwey a omlisna do torotorwan no deyking a vahay. Maniring jya si Yeso am, “Macilolo ka jyaken an.” Makarahan am meytatanek rana si Diwey a kapacilolo na rana ji Yeso.

Locya 5:27

Makowbot si Yeso am makacita so asa ka mapeyvazay so deyking a tao a meyngaran si Diwey a amlisna do torotorwan no deyking a vahay. Maniring jya am, “Macilolo ka jyaken an.”

Locya 9:59

Maniring do asa ka tao am, “Macihza ka jyaken an.” Maniring o tao ori am, “Mo Panirsirngen, apyahen mo pa yaken a omonong do inawan ni ama kangay ko macilolo rana jimo an?”

Yowani 1:43

Ikadwa na araw am naknakmen na ni Yeso o kangay na do Cyadidi. Meyratateng am to na sazi si Veydipo. Maniring jya am, “Macihza ka jyaken.”

Yowani 12:26

O mahap so vazay ko am macilocilolo jyaken. O yanan ko am amyan sira dang o kahanhanan ko. O mahap so vazay ko am azwain na ni Ama.

Yowani 21:22

Maniring si Yeso jya am, “No si ipanci ko kato na avyayan a mangay no yai ko na am ikongo mo kazyakan nya. To ka macilolo jyaken am.”

2 Kedinto 12:16

Yabo nyo kalalasan do kaji ko nimziknan jinyo. Am na keyyan no tao a yamanci no ko kapamizing jinyo no yamalas a yamahap so nizpi nyo.